21
Likaambila liliwaamba khu bakulwa
(Kamakaambila 15.12-18)
1Umukasya waalomela Musa ari, “Kamakaambila kano niko keesi uli ni khuuwa ba Isiraeli. 221.2: Lev 25.39-46Nga waakulile umu Isiraeli khuuba umukulwa woowo, ali ni khuukhuraambira khuumala kimiiko kisesaba. Mu mwiiko kwe kumusaafu uli ni khuumulekhuula atsye, nga mbaawo sheesi akhuliyila ta. 3Ne nga abe umuundu uyo eetsa nga ashiili umusaamali, ali ni khuulekhuulibwa atsye nga ali yenyene. Ne n’aba nga eetsa n’umukhasi, niye n’umukhasi weewe, bali ni khuulekhuulibwa batsye boombi. 4Ni n’iba nga waamukhweela umukhasi waamusaalamo babaana, umukhasi ni babaana baba b’omwene uwe ango, umukulwa atsya yenyene. 5Ne umukulwa n’akhalawo ari niye akana naabi umukoosi weewe, n’umukhasi isi baamukhweela, atweela ni babaana beewe, nga s’akana waatsya ta, 6awo umukoosi weewe ali ni khuumureera mu shifwo she khukhwisaaya. Ali ni khuumwiimisa imulyaango namwe aambi ni kumulyaango, aryo amurundure khaalowo khukhuru nga araambisa shishuuma shishooki. Nga shino shaabeele shiryo, aba kane arame muungo umwo nga umukulwa buulamu bweewe bwoosi.”
7Umukasya weloosela ari, “Nga umuundu waakulisile umwaana weewe uwekhaana nga umukulwa, niye sibamubirisa nga umusaani mu bilomo bye khuulekhuulibwa ta. 8Umukhaana uyo n’aba nga waakhusaangaasa uyo uwamukula khuuba umukhasi ta, ali ni khuulekha bamukule bamwiseyo. S’ali ni buunyala bwe khuumukulisa khu baandu babaakhali ba Isiraeli ta, khulwekhuuba isho shiba shookesanisile shiri waamubirisire buubi. 9N’awaamba umukhaana umukulwa yuno waamuwa umusooleli weewe khuuba umukhasi weewe, umusaani uyo ali ni khuubirisa umukhaana uyo nga umwaana weewe umweene. 10Abe umusaani uyo akhalikyelawo waayila umukhasi ukuundi, ne ali ni khuurama nga amuwa biilyo ni bikwaaro, amubirise busa nga umukhasi weewe umweene. 11Ne umusaani uyo n’akhaasikha khuukholela umukhaana uyo mu biindu bino, ali ni lukoosi khuurura ango awo waatsya busa nga mbaawo sheesi aliha ta.”
Bye khukhwiira ni kimisaango kikiindi
1221.12: Lev 24.17 “Uyo yeesi uwiira uwashe, naye ali ni khukhwiiribwa. 1321.13: Bala 35.10-34; Maka 19.1-13; Yos 20.1-9Ne n’amwiira nga siwatsiililile ta, ne yaaba busa nga Umukasya umweene niye ukilile shaakholikha, ali ni khuumulila mu shifwo sheesi ise samweene kane iŋoonaŋoone. 14Ne umuundu ni ebwakala ukuundi waamwiira akhali ilomo ta, abe akhatima waatsya wewaamba khu sheeso shase, muli ni khuumuwaamba mutsye mumwiire.
15“Uyo yeesi uwiira paapa weewe namwe maayi weewe, ali ni khukhwiiribwa.
1621.16: Maka 24.7“Uyo yeesi ukulukhila umuundu ukuundi, lwanyuma waamukulisa, namwe waamulekhawo iweewe nga umukulwa weewe, ali ni khuukhwiiribwa.
1721.17: Lev 20.9; Mat 15.4; Mako 7.10“Uyo yeesi utsuba paapa weewe namwe maayi weewe, naye ali ni khukhwiiribwa.
18“Babaandu babili ni baba nga baalomanile, ne mutweela waakhupa uwashe libaale, namwe shifuusi, ne uwashe uyo waalekha khufwa ta, ne waatsiinisibwa busa, 19ne umutsiina uyo waakyelawo wenyukha nga etiila imiimbo, uyo uwamukhupa singene abekho ni kumusaango kumusiro ta. Akhali indi ali ni khuumuliyila khulwe imbuka isi onakisila mu butsiina, naluundi ali khuumuyeeta khukhwoolesa n’awonela ilala.
20“Umuundu n’akhupa umukulwa weewe uwesaani namwe uwekhasi nga araambisa imiimbo, ne umukulwa uyo waafwa khulwe buukhupe ubwo, umukhupile bali ni khuumuwa shitaambiso. 21Ne umukulwa uyo n’akonawo shifukhu shitweela namwe bibili, umukhupile shibamuwa shitaambiso ta, khulwekhuuba umukulwa ali mutweela khu biindu bye muntsu yeewe byeesi afwiiliile.
22“Basaani babili ni barekana ne baakuunya umukhasi uuli shisoombo, ne she muunda shaarura, ne waalekha khukholikhakho buubi bubuundi bwoosi ta, uyo umukuunyile ali ni khuumuliyila, khuuloondekhana ni sheesi umuseetsa w’omukhasi uyo aba waakhalilewo. Ali ni khuuloondelela sheesi baakayi baba baakhalilewo. 23Ne n’iba bari umukhasi yuno waatsiinisibwile buubi naabi, uyo ukholile shino bali ni khuumwiira. 2421.24: Lev 24.19,20; Maka 19.21; Mat 5.38Urusamo uwashe imoni, naye bamurusamo imoni, ufuna uwashe liliino, naye bamufuna liliino, ufuna uwashe kumukhono, naye bamufuna kumukhono, uyo ufuna uwashe shikele, naye bamufuna shikele. 25Uwoosha uwashe, naye bali ni khuumwoosha, unuubula uwashe waafuna likoontsyo, naye bali ni khuumunuubula, ukhupa uwashe ni tsikhoba, naye bamukhupa ni tsikhoba.
26“Umuundu n’akhupa umukulwa weewe uwekhasi namwe uweseetsa, ne waamurusamo imoni, ali ni khuumulekhuula atsye khulwe khufwiilwa imoni yeewe. 27Umuundu n’akhupa umukulwa weewe uwekhasi namwe uweseetsa, ne waamufuna liliino, ali ni khuumulekha atsye khulwe khufwiilwa liliino lyeewe.
Kakawaamba khu bye buufunisi bwe aango
28“Iwuunwa ni iwunaka umuundu ni tsiintsika tsayo, umuundu uyo waafwa, bali ni khuukikhupa kamabaale bakiire. Mbaawo khuulya inyama iye khaafu iyo ta, naluundi umweene we iwuunwa iyo aba s’ali ni kumusaango ta. 29Ne niiba bari iwuunwa yino iwunakatsaka babaandu, n’umweene wayo baamala khuumureewula, ne umweene wayo waaba nga siwakiliinda buulayi ta, iwuunwa bali ni khuukiira, n’umweene wayo naye bali ni khuumwiira. 30Nga baamureerekho she khuufunisikha bari ali ni khuuliha, khuuwonesa buulamu bweewe, ali ni khuuwayo isho shoosi sheesi baba baamukhaliile khuukhola. 31Ne ni wunaka abe yakhaba umwaana weewe umweene, bali ni khuumubirisa nga likaambila lino ni liloma. 32Iwuunwa y’omuundu ni wunaka umukulwa uwekhasi namwe uweseetsa, umweene wayo ali ni khuuwa umweene w’omukulwa uyo kamapeesa kakoolisa ifeetsa kamakhumi kataru. Ne inyene bali ni khuukikhupa kamabaale bakiire.
33“Umuundu n’alima lilowo ne waalekha khulibiimbakho ta, ne iwuunwa namwe isikilya yaakwamo, 34umweene uwe lilowo ali ni khuuliha. Ali ni khuuliyila umweene uwe shishaayo kamapeesa, niye umweene ayile shishaayo shishifwiile.
35“Iwuunwa y’omuundu ni iwunaka iyowashe yaakiira, bali ni khuukulisa iramire inamu baakabanana kamapeesa kakaamilemo. Ikhaba ifwiile nayo bali ni khuukikabanana. 36Ne ni shiba bari abe iwuunwa iyo iwunakatsaka tsitsiindi ne umweene s’enaanayo ta, ali ni khuuliyila uyo ufwisile iyeewe nga amuwa ikiindi, niye ayile iyo ifwiile.”