20
Kamakaambila Likhumi
(Kamakaambila 5.1-21)
1Wele waalomela ba Isiraeli ari: 2Ise ndi niye Umukasya Wele weenywe, uwabarusa inywe khukhwaama mu Misiri, isi mwaba nga muli baakulwa.
3Mukhesaayatsakakho wele ukuundi, akhali ise senyene ta.
420.4: Luky 34.17; Lev 19.4; 26.1; Maka 4.15-18; 27.15Mukhakholatsaka bifwaani bibifwaana nga shishiindu shoosi shishiili mwikulu mu ngaaki, namwe shishifwaana nga shishiindu shoosi aasi e shibala, namwe shishifwaana nga shishiili aasi mu meetsi ta. 520.5: Luky 34.6,7; Bala 14.18; Maka 7.9,10Mukhakhakakho mwenama aasi nga mwisaaya bifwaani, namwe mwaabyakaanisa ta. Khulwekhuuba ise Wele weenywe indi uwe libuba liikali naabi. Abo babaakhaangana ise ta, shitaambiso ishiwa babaana baabwe, ni babeetsukhulu baabwe, ni bisoni, ni bimiila byaabwe. 6Ne abo babaangana ise, naluundi baaloondelela kamakaambila kaase, ise nookesanisa shiisa khu bikana ni bikana bye kimiboolo kyaabwe.
720.7: Lev 19.12Mukharaambisatsaka lisiina ly’Omukasya Wele weenywe, mu khwitsuba mu biindu bibikhalimo ta. Khulwekhuuba uyo yeesi ukane araambise lisiina lyase musaambo iyo, kane ise imuwe niye shitaambiso.
820.8: Luky 16.23-30; 31.12-14Ni mushebulilatsake khuuliinda shifukhu sha Sabato, khulwekhuuba shili shikhosefu. 920.9: Luky 23.12; 31.15; 34.21; 35.2; Lev 23.3Muli ni biifukhu bisesaba bye khuukholelamo kimilimo kyeenywe kyoosi. 10Ne shifukhu she kumusaafu shili sha Sabato, shawaanibwayo nga shishase, Umukasya Wele weenywe. Khu shifukhu isho, mbaawo khuukhola buraambi bwoosi ta. Ikhaba babaana boowo, namwe baakulwa boowo, namwe bibyaayo byoowo, namwe babeetswa babaamenya muntsu yoowo ta. 1120.11: Rak 2.1-3; Luky 31.17Khulwekhuuba mu biifukhu bisesaba, ise Umukasya nabuumba likulu ni shibala, ni nyaantsa, ni bibiikilimo byoosi. Khu shifukhu she kumusaafu, ise nekhala naawola. Nashiryo ise nawa shifukhu sha Sabato isho ikhabi, naluundi naashikhola khuuba shikhosefu.
1220.12 a Maka 27.16; Mat 15.4; 19.19; Mako 7.10; 10.19; Luka 18.20; Efes 6.2; b: Efes 6.3Yiisatsakamwo paapa woowo ni maayi woowo lukoosi, nio unyalise khuumenyawo imbuka indeeyi mu shibala shino sheesi ise imbaweele.
1320.13: Rak 9.6; Lev 24.17; Mat 5.21; 19.18; Mako 10.19; Luka 18.20; Roma 13.9; Yak 2.11Ukheera ta.
1420.14: Lev 20.10; Mat 5.27; 19.18; Mako 10.19; Luka 18.20; Roma 13.9; Yak 2.11Ukhayeyana ta.
1520.15: Lev 19.11; Mat 19.18; Mako 10.19; Luka 18.20; Roma 13.9Ukheeba ta.
1620.16: Luky 23.1; Mat 19.18; Mako 10.19; Luka 18.20Ukhawatsakayo bujulisi bwe bubeeyi khu bashoowo ta.
1720.17: Roma 7.7; 13.9Ukhekoomba khuubukula intsu y’owashoowo ta. Ukhekoomba khuubukula umukhasi uw’owashoowo, namwe umuraambi weewe, namwe ikhaafu yeewe, namwe isikilya yeewe, namwe shishiindu shoosi sh’omuundu washoowo ta.
Babaandu baba ni khuurya khuukali
(Kamakaambila 5.23-33)
1820.18: Heb 12.18,19Nga babaandu baboone khuumulikha, naluundi nga baawuliile khukuula khukhwaama khu lukiingi, ni khufuura khwe khoombi, baaba ni khuurya khuukali naabi. Beema aleeyi naabi. 19Kila balomela Musa bari, “Iwe n’ukhukanikheyo, nio ukile ifwe khuwulile byeesi iwe uloma, ne Wele akhakhukanikhayo isi ifwe ta, khulwekhuuba khunyala khwaafwa.”
20Ne Musa waabakobolamo nga abaloma ari, “Inywe mukhaba ni khuurya ta. Wele weetsile busa khuubakhakilisa inywe nio munyalise khuuba ni khuumurya niye. Shino shinyalise inywe mumwiisemo shiriifwa, shikile mulekhe khuukhola bibyoonako ta.” 21Babaandu baarama nga beemikhile aleeyi naabikho, ne Musa wesyeenda aambi ni kamafuumbi kamamali, abe isi Wele ali.
Bibuumbe ni bibyeeso
22Umukasya waalomela Musa khuuboolela babaandu ari, “Inywe mwabeene mweboonelekho nga ise ni mbakanikhileyo nga ndi mwikulu. 23Ni nashiryo mukhakhakakho mwekholela bifwaani bye feetsa namwe bye zaabu, lwe khukhwisaaya mu shifwo shase ta. 24Mwombekhatsaka bibyeeso bye liloba, khweesi kane muwaanatsakilekho biwaanwa byeenywe bye tsikheese, tsimbusi ni tsikhaafu tseenywe. Mu buli shifwo shoosi sheesi kane ise niroborere khukhuuntsisaayilamo, kane niitsaatsake isi muli imbawatsake tsikhabi. 2520.25: Maka 27.5-7; Yos 8.31Buli lweesi muuntsombekhela ise shisheeso she kamabaale, mukharaambisa kamabaale kamabeetse ta, lwekhuuba isho shikakhola kaaba nga sikaakhila lwe kumulimo ukwo ta. 26Nga mwoombekha shisheeso, mukharakho biniinilo ta, lwekhuuba isho shinyala shaakila mwokyesanisa buukhuna bweenywe nga mukhakakho khuuniina.”