2
Khuusaalikha ni khuutsowa khwa Musa
1Umusaani mutweela khukhwaama mu shikuuka sha Levi, waayila umukhasi khukhwaama mu shikuuka sheene isho. 22.2: Bur 7.20; Heb 11.23Umukelema yuno waakaanila shisoombo, waasaala umwaana umusiinde, nga ali umumiliwu naabi, ni maayi weewe waamubisa muntsu khuumala kimyeesi kitaru. 3Ne n’aaboona ari s’anyala weloosela khuumubisa muntsu luundi ta, waamurukhila shikono, lwanyuma waashiluula mukari buulayi, ari kameetsi kakhengilamo ta. Wekhasa umwaana uyo mu shikono isho, waamuyila waamura mu makhalaamba kamaleeyi ke khu luutsi Nayilo. 4Umwaana yuno aaba ali n’umukooko weewe umukhulu. Nashiryo umukooko weewe yuno weemikhaatsaka aleeyikho, khuubona oba shiina shishinyala shaakholikha khu mwaana yuno.
5Lutweela umukhaana w’omuyiinga weekha iluutsi khukhwisiinga, nga baakeesa beewe balikho bakeenda ni naye woola khu ndulo khwe luluutsi. Umukhaana w’omuyiinga yuno n’abona shikono mu makhalaamba, waarumana mutweela khu bakeesa beewe khuutsya ashibukule khukhwaama isi shaba. 6Umukhaana w’omuyiinga n’ekula shikono, waabona nga mulimo umwaana, nga alikho alila. Shiisa shaamuwaambila umwaana uyo, kila umukhaana w’omuyiinga yuno aloma ari, “Umwaana yuno ali ni khuuba nga mutweela khu be ba Isiraeli” 7Khaangukho umukooko w’omwaana uyo, abe uwiimikhile nga emenielesa, weetsa waalomela umukhaana w’omuyiinga ari, “Ukana ise intsye ikhuweentsele mutweela khu bakhasi ba Isiraeli, akhutsowesele umwaana yuno?”
8Umukhaana w’omuyiinga weelamo ari, “N’utsye umureere.” Kila umwaana umukhaana uyo atsya khureera maayi w’omwaana umweene. 9Umukhaana wa Faraawo waalomela maawe w’omwaana tsana ari, “N’uyile umwaana yuno umuntsowesele, ni nase kane ikhuwe kumukheemba kwoowo,” Nashiryo maayi w’omwaana uyo, waayila umwaana waamutsowesa. 102.10: Bur 7.21Nga umwaana waatsowele, umukhasi uyo waamuyila isi umukhaana wa Faraawo, uwamwikesa khuuba umwaana uweewe. Kila amutwiikha lisiina ari “Musa,” nga aloma ari, “Khulwekhuuba namwangala khu meetsi.”
Musa atitukha khukhwaama i Misiri
112.11: Bur 7.23-282.11: Heb 11.24Shifukhu shitweela, nga ari Musa waatsowa, ali umuundu umukhulu, waakyeendakakho waatsyakho isi ba Isiraeli baashe bataambisibwila, nga baraambisibwa buukulwa. Kila abona umu Misiri mutweela nga akhupa umu Isiraeli. 12Musa n’anyukanyuka waabona nga mbaawo umuundu yeesi umuboone ta, naye wenyukhila umu Misiri uyo, waamukhoonya, waabisa kumulaambo kweewe mu muyekhe.
13Musa n’elayo khuubona babaandu beewe luundi, waabona ba Isiraeli babili nga balikho bakhupana. Kila atsya isi uyo uwarakikhisa buusoolo waamureeba ari, “Iwe shiina kila ukhupa umu Isiraeli washoowo?” 14Kila uyo amwiilamo nga amureeba ari, “Naanu ukhureerewo iwe nga umuwuli weefwe, naluundi, iwe niye ukhukhalila ifwe kimisaango? Nase ukana khuntsira nga ni weerire umu Misiri?” Shino shareerera Musa khuurya khuukali naabi, khulwekhuuba aashifumbula ari babaandu baamanyile sheesi aaba waakholile. 152.15: Bur 7.29; Heb 11.27Faraawo n’awulila sheesi Musa aakhola, waamuweentsa ari amwiire. Ne Musa waatitukha waatsya mu shibala sheesi balaanga bari Midiani.
Shifukhu shitweela, Musa abe wekhaale aambi n’isebele,
19Baamwiilamo bari, “Iliwo umusaani umu Misiri ukhutseetile khukhwaama isi babaayi, khaba waakhutayila ni kameetsi waawa bibyaayo byeefwe byaanywa.” 20Yesero waabareeba ari, “Ne ali waheena? Shiina kila mukheetsile ni naye? Tsya mumulaange eetse khulye biilyo ni naye.”
21Musa waafukiilila khuumenya muungo mwa Yesero, uwakelawo waamuwa umukhaana weewe Zipora, khuuba umukhasi weewe. 22Zipora n’asaala umwaana, Musa waaloma ari, “Kane imulaange ndi Geresomu, khulwekhuuba ise ndi umwiitswa busa mu shibala shino.”
23Lwanyuma lwe kimiiko kimikali, umuyiinga wa Misiri uyo waafwa. Ne ba Isiraeli baarama nga bataambisibwa, kila belootsa isi Wele bari abayeete. Khuulila khwaabwe khwaatsya khwoola isi Wele. 242.24: Rak 15.13,14Wele waawulila khuulila khwaabwe, aryo Wele waashebulila indakaano isi niye umweene aakhola ni Iburayimu, ni Isaaka ni Yakobo. 25Wele waabona babaandu ba Isiraeli nga bataambisibwa, kila abawaambila shiisa.