Swahili Bible2

SHIITABO SHA

RUSE

KHUKHWAANTSULA

Shiitabo shino sha Ruse shikhuwakho mu bwiimbi khu buulamu bwe muungo mw’omuundu umu Isiraeli mu biseela bibyaba bye bisaayumba mu mbuka iye Baakayi. Ruse aaba umukhasi khukhwaama mu Mowabu, uwakhwaalikha khu musaani umu Isiraeli, uwaba mutweela khu basooleli ba Nawomi. Umusaani uyo n’amala khuufwa, nga Nawomi akana khukhwiilayo mu Isiraeli, Ruse waaloba khuuramayo i Mowabu, ne waakana khuutsya ni maayi weewe umumasaala. Ruse wokyesanisa khuukana khuukali naabi isi maayi weewe yuno, naluundi waaba umwiyikinwa naabi isi Wele wa Isiraeli. Nga boolele mu Isiraeli, Ruse aafuna umuseetsa ukuundi lisiina bari Bowazi, khukhwaama mu balebe b’omuseetsa weewe uwanyoowa. Ni khuubirira mu bukhwaale buno, Ruse ekyela kuukhu wa Dawudi, uwaba umuyiinga umukhulu naabi mu Isiraeli.

Tsingano tse mu shitabo she Baakayi tsikhwokyesanisa buukosi bubwakwa khu baandu ba Isiraeli, babaarura khu Wele, baryo beyawukha khu baandu ba Wele.

Inoondekhana iye bibiilimwo

Nawomi akobolayo i Beselehemu ni Ruse (1.1-22)

Ruse akaanana Bowazi (2.1—3.18)

Bowazi ayila Ruse (4.1-22)