Swahili Bible2

2

Bowazi akaanana ni Ruse

1Nawomi aabayo n’umulebe w’omuseetsa weewe, abe isi balaanga bari Bowazi, uwaba umusaani umuyiindifu, luundi nga waamanyikhana buulayi naabi, uwe mu shikuuka sha Elimeleki. 22.2: Lev 19.9,10; Maka 24.19Shifukhu shitweela, Ruse waalomela Nawomi ari, “Khayo intsye mu mikuunda isi balikho bakyesela, naangalake bikala bya seyiri bibiramaka aasi, siinga nga inyoola umuundu unyala waafukiilisa.”

Nawomi waamwiilamo ari, “N’utsye mukhaana wase.”

3Aryo Ruse waatsya mu mukuunda kukwaba kwa Bowazi, waangalaka bikala bibyaramaka aasi, nga waaloondile khu baandu babaakyesa. Bowazi yuno aaba umulebe w’omuseetsa wa Nawomi Elimeleki.

4Lwanyumakho, Bowazi woola khukhwaama i Beselehemu, weetsa mu mukuunda kweewe, kila alomela babaakyesa ari, “Umukasya abe ni nanywe.”

Nabo beelamo bari, “Nawe Umukasya abe ni nawe.”

5Kila Bowazi areeba umusaani ulolelela baraambi babaandi ari, “Umukhaana uyo uwa naanu?”

6Umusaani weelamo ari, “Ali umukhasi uwaama i Mowabu, uweetsa ni Nawomi. 7Anoombile ari imulekhe abe nga angalaka bikala bya seyiri bibiramaka aasi inyuma we baraambi babaakyesa. Waaraambile aryo khukhwaama kumutikhinyi nga s’awolakho ta. Khuurusakho ari bona nio awolakho khakyeekhe khari aasi e shishiniini she kuusaala.”

8Bowazi waatsya aambi isi Ruse waamulomela ari, “Mukhaana wase, ukhatsya khukhwangalaka bikala bya seyiri mu mukuunda kw’omuundu ukuundi ta. Ari n’ubaatsake ano ni bakhasi bano babanaambila ise, 9ube nga ubaloondakho nibo buli isi batsya nga babuusa byeesi basaani barema. Naarewuule basaani bano balekhe khukhuunaanisa ta. Buli lweesi wiwulilila bulesa, utsya unywe khu meetsi kakaali mu soongwe keesi baama khutsukhamo.”

10Kila Ruse enamisa kumurwe kweewe aasi aloma ari, “Iwe waamanya uri ise naama mu linaambo liliindi busa. Ne shiina kila iwe umaambila ise shiisa uryo?”

11Bowazi waamwiilamo ari, “Ise baayimboolela byoosi, musaambo isi wayeetamo maayi woowo umumasaala, khukhwaama nga umuseetsa woowo n’afwa. Naluundi ise naamanya isaambo isi walekhamo maayi woowo atweela ni paapa woowo, ni linaambo lyoowo, weetsa ano khuumenya mu baandu beesi ukhamanyatsakakho ta. 12Nashiryo ise inoomba ndi Umukasya Wele wa Isiraeli, akhuliyile byoosi byeesi wakhola. Ni khuubona ndi ari bona waayitsa is’ali lwe buliindi, imuloomba ndi akhuwe tsikhabi.”

13Ruse waamwiilamo ari, “Musakhulu, nga shilayi naabi iwe khukhuunganikhayo ni shiisa shikali uryo, nase newulila buulayi, abe yakhaba nga ise s’indi mutweela khu baraambi boowo ano ta.”

14Imbuka iye khuulya ni yoola, Bowazi waalomela Ruse ari, “Yiitsa ano ulye ni nafwe biilyo. Aamba kumukaati ukusiikhe mu viini.” Aryo Ruse wekhala aasi, waaliila atweela ni baraambi, kila Bowazi waamwakaanisa kumukaati kwa seyiri kumukhalaange. Ruse aryo waalya wekura, byaaramakho nakhurama.

15Ruse n’enyukha luundi khukhwangalaka biikala bibyaramaka inyuma, Bowazi waalomela baraambi beewe basaani ari, “Mumulekha angalake yakhaba biyuuyi byeesi mubuusile, mukhamukhaangabisa ta. 16Luundi ni mumutsoolakilemo bikala bibiindi bya seyiri mubimulekhele aasi abyangalake. Mukhamurafuyila ta!”

17Aryo Ruse waangalaka bikala bya seyiri bino khukhwoolesela ilala angoloobe. Nga n’amala khuukhupaka byeesi angalaka, byaamamo shishiipo shiboofu shishitsufu sha seyiri. 18Waasuta byeesi aabuusa, waabiyila ingo mu shiriimba, waatsya wokesa maayi weewe umumasaala Nawomi. Waarusayo ni biilyo byeesi aaliilakho byaarama, waabimuwa.

19Kila Nawomi amureeba ari, “Shaleelo utsiile khubuusila waheena? Kubeele kumukuunda kwa naanu? Khali Wele aweele umuundu ukhubirisile buulayi aryo tsikhabi.”

Ruse weelamo maayi weewe umumasaala ari, aatsya khuraambila mu mukuunda kw’omuundu isi balaanga bari Bowazi.

202.20: Lev 25.25Nawomi weelamo ari, “Umukasya awe Bowazi tsikhabi lwe shiisa sheesi okesaane isi baalamu namwe isi baafu.” Waalooselakho luundi ari, “Umusaani uyo ali umulebe weefwe, uwe shikuuka sheefwe umweene, niye ali ni khuukhulolelela ifwe.”

21Ruse naye weelamo luundi ari, “Naluundi anomeele ise ari imbaatsake atweela ni bakhaana beewe baraambi, khukhwoolesa ni balimala khuukyesa.”

22Nawomi waalomela Ruse ari, “Mukhaana wase, shiba shilayi iwe khuutsyatsaka n’uraambila atweela ni bakhaana abo mu mukuunda ukwo, lwekhuuba s’umanya shishinyala khuukhukholikhakho mu mukuunda kw’omuundu ukuundi ta.” 23Aryo Ruse waaramatsaka aambi ni bakhaana baraambi ba Bowazi nga bakyesa seyiri, khukhwoolesa likyesa lyoosi ni lyawa. Ni mu mbuka iyo yoosi, Ruse weloosela nga amenya ni maayi weewe umumasaala Nawomi.