Swahili Bible2

SHIITABO SHE

TSIZABULI

KHUKWANTSULA

Shiitabo she Tsizabuli nisho shiitabo she kimyeenya luundi she khuuloomba mu Bayibuli. Shiitabo shino shakholebwakho ni baaroni babaakhali batweela ta, nga shayilawo imbuka indeeyi naabi. Kimyeenya kino ni tsisaala tsino tsabuusaanisibwa naluundi tsaraambisibwa ni babaandu ba Isiraeli mu khwisaaya khwaabwe. Ne imbuka ni yabirawo, tsaabuusibwa atweela, tsaatubaasibwa mu byaronebwa biikhosefu.

Kiminayi kye diini kino kili kye bikuuka bibikhali bitweela ta. Kili kimyeenya kye khuuruuya ni khukhwiisaaya Wele, tsisaala tse khuuloomba buyeeti, buliindi, ni khuuloomba buwonesi. Naluundi tsili tsisaala tse khuuloomba khukhwiyakhilwa, kimyeenya kye khuusiima Wele lwe tsikhabi tseewe, ni khukhwikoontselela Wele khuuwa baasiku shitaambiso. Tsisaala tsino tsiloombebwa n’umuundu mutweela naluundi tsinyala tsaaloombebwa ni babaandu boosi nga linaambo. Tsindala tsokesanisa bibyambaaso bye mukari mubweene bibiili by’omuundu mutweela, ne tsitsiindi nga tsokesanisa bibikanibwa ni ntsambaasa iye babaandu ba Wele boosi.

Tsizabuli tsaraambisibwa naabi ni Yesu, ni baaroni babaarona Indakaano imbya, tsiryo tsaaba nga tsiyilibwa nga shishiindu shikhulu naabi mu khwisaaya mu Mesaayilo khukhwaamila ilala makiboole.

Inoondekhana iye bibiilimwo

Tsizabuli 150 tsaaruungikhibwa mu biyuuyi namwe biitabo 5, nga bino:

Tsizabuli 1-41

Tsizabuli 42-72

Tsizabuli 73-89

Tsizabuli 90-106

Tsizabuli 107-150