Swahili Bible2

8

Shiriifwa sha Wele

1O Umukasya, iwe Umukasya weefwe,

nga lisiina lyoowo lili likhulu naabi mu shibala shoosi!

Shiriifwa shoowo shiruuyibwa khukhwoola mwikulu.

28.2: Mat 21.16Nisho shikila batsweenge ni babaanuuna baaruuya ni kiminwa kyaabwe.

Iwe waayiyombekhelakho lumako khukhwiwonesa isi baasiku boowo,

ni khukhwakamisa buli muundu yeesi ukhukhaandisa.

3Ise naasamiliile busa lwe khukhwiyaanga, nga naalolile mu ngaaki mwikulu

lyeesi wakhola ni kamakhono koowo,

ni kumweesi ni tsinieniesi byeesi warawo.

48.4: Yob 7.17,18; Zab 144.3; Heb 2.6-8Umuundu niye shiina iwe khuumwaambaasakho,

namwe iwe khukhwiinaanayo isi ifwe babaandu buundu busa?

5Ne bona isaambo isi iwe wamubuumbamo,

waamurakho liyabi lye shiriifwa ni lukoosi,

ataambakho khakyeekhe alekhaane ni nawe Wele.

68.6: 1 Kor 15.27; Efes 1.22; Heb 2.8Wamuwa bunyala khuuwula bibiindu byoosi

byeesi iwe wakhola ni kamakhono koowo,

waara bibiindu byoosi mu bunyala bweewe.

7Kamasheese koosi ni tsikhaafu,

ni tsisolo tsoosi tse mwirome natso,

8ni binywiinywi bye mu ngaaki, ni tsinyeeni tse mu meetsi,

ni bibuumbe byoosi bibiili mu nyaantsa waabira mu bunyala bweewe.

9O Umukasya, Mukasya weefwe,

nga lisiina lyoowo lili likhulu naabi mu shibala shoosi!