Swahili Bible2

4

Khuuloomba khwe angoloobe

1O Wele, n’untsilemo nga naakhuloombele, Iwe uli umuliindi wase.

Ise ni naba mu bukosi, iwe wanjeeta.

N’umaambile shiisa ari, uwulile khuuloomba khwase.

2Inywe babaandu mulyoolesa eena khuulekha khuntsisamo ise shiriifwa?

Mulyoolesa eena khuukana bibiindu bibikhalimo kumukaso ta,

ni khuuloondelela bye bubeeyi?

3Ne inywe ni mushebulile muri,

Umukasya waaroboole abo babaamukana khuuba babaandu beewe.

Ni naye ambulila ise nga naamwilootseele.

44.4: Efes 4.26Inywe nimunikine khulwe khuurya,

naluundi mwaakamise khukhwoonaka khweenywe;

shino mushambaasekho naabi mu myoyo kyeenywe

nga mwaakonele mu bulili bweenywe.

5Muwaaneyo biwaanwa bibyaakhila isi Umukasya,

naluundi mumwiyikine niye.

6Iliwo baakali babaaloomba bari, “O Umukasya,

n’ukhuwe tsikhabi tsitsiindi!

Ukhwaburusile buwaanga bwe shiisa shoowo!”

7Wambeele ise kumwikhoyo kumukali mu mwoyo kwase,

kufuurisa ni kumwikhoyo kweesi baalala bafuna

mu musalo kwaabwe kwe biilyo ni viini.

8Ari ise kane niyalise aasi naluundi ingone liilo mu lukoosi,

lwekhuuba iwe Umukasya,

iwe wenyene niye uwuniinda ise

naaba mu lukoosi, nio naalekha khurya ta.