Swahili Bible2

2

Umuyiinga umurobole uwa Wele

12.1: Bur 4.25,26Lwashiina kamanaambo kambaasa bye bisaayumba?

Ni babaandu lwashiina bambaasa bibikhalimo ta?

2Bayiinga be shibala beemikha nga berekekhele,

ni bawuli bateesela atweela

khuukhaandisa Umukasya n’umuyiinga weewe umurobole,

3nga baloma bari, “khakhwirusekho buuwuli bwaabwe,

khakhwiyabule kiminyololo kyaabwe.”

4Ne Umukasya uwikhala khu shitsoloŋo angaaki mwikulu abatsekhelela busa,

luundi waalekelesa tsinengekharengekha tsaabwe.

5Lwanyuma mu lirima lyeewe waabarafuyila

luundi waaraambisa buurafu bweewe buukali khuubariisariisa nga aloma ari,

6“Khu lukiingi lwase lukhosefu Sayuuni,

ise naayikhasakho umuyiinga wase.”

72.7: Bur 13.33; Heb 1.5; 5.5Umuyiinga tsana waaloma ari,

“Kane ingukuule likaambila mweesi Umukasya anomela ari,

‘Iwe uli umwaana wase, shaleelo ise neekyelile Paapa woowo.

8Ari n’unoombe ise shishiindu shoosi sheesi ukana,

ni nase kane ikhuwe iwe kamanaambo koosi nga buusikha bwoowo,

ni shibala shoosi shibe shishoowo.

92.9: Bimb 2.26,27; 12.5; 19.15Iwe ulibafuniaaka nga uraambisa imiimbo iye shiibya,

ulibabulyungula nga ni babulyungula inyuungu iye liloba.’ ”

10Nashiryo, ari inywe bayiinga ni mundekeerese,

mwiyike, mube ni kamakesi inywe baawuli be shibala.

11Ni mwakaanise Umukasya nga muli ni khuumurya

naluundi nga muli baawolu.

12Fukhamilila umuyiinga lwe khuumurya,

nio manya alekhe khukhalala ta, shishinyala khuubareerera khuuhela.

Lwekhuuba lirima lyeewe linyukha khaangu.

Bali ni khabi abo babaamwiyunayo isi ali lwe buliindi.