Swahili Bible2

19

Shiriifwa sha Wele

1Likulu lyokyesana shiriifwa sha Wele;

ni neebyo bibiili mwibaanga bibuula buraambi bwe kamakhono keewe.

2Buli shifukhu shishibira shiboolelakho shishiindi shishiilakho,

ni shiilo shishiwakho shiboolelakho shishiindi bye kamakyesi.

3Mbaawo inganikha namwe bilomo byeesi biraambisa ta,

ni likono lyabyo siliwulilikhana ta,

419.4: Roma 10.18ne likono lyabyo litsya lisalanila mu shibala shoosi,

ni bilomo byabyo byaatsya byawulilikha iyo n’isi shibala shakama.

Mu ngaaki iyo mwikulu nimwo mweesi Wele akholela inyaanga bubwikhalilo bwayo.

5Inyaanga nyene iyo irura kumutikhinyi,

nga n’ubona umusaani umweeha n’arura mu ntsu yeewe,

naluundi irakikha lukyeendo lwayo

yaba busa nga umutimi we tsiindimo uwe kamaani.

6Irura nga yaama khu lubeka lutweela lwe likulu

yaatsya khukhwoola khu lubeka luluundi;

mbaawo shishiindu shoosi shishibisa khukhwaama khu bukhafu bwayo ta.

Likaambila ly’Omukasya

7Likaambila ly’Omukasya lili likwalaafu,

nilyo lisamo kamaani bushaakha;

khuuleekela khw’Omukasya khwiyikinikha,

khuwa kamakyesi abo babaakhali nako ta.

8Khuuleekela khw’Omukasya khuli khuukwalaafu, khwikhoyesa kumwoyo;

likaambila ly’Omukasya lili likhosefu, lireera khuumanya mu byambaaso.

9Khuurya Umukasya khuli khuulayi,

nikhwo khwiloosela biilo ni biilo.

Isaambo isi Umukasya akhalamo kimisaango ili iya ŋali,

naluundi ili indayi buli busheele.

10Ibyo nibyo bibyaakha khuukanibwa naabi khufuurakho ni zaabu ifuura buulayi;

nibyo bili biitokota naabi khufuurisakho bubuushi bwe ntsushi bubweene.

11Bibyeene ibyo nibyo bibireewula umwakaanisi woowo;

ni khuubiloondeelela mulimo kumukheemba kumukali.

12Ne naanu unyala khuubona bibyoonako byeewe umweene?

Ise n’usiingekho bibyoonako byase bibiibisile.

13N’uniinde ise umwakaanisi woowo khukhwaama khu bibyoonako bya lubuula;

ukhaandekha byaanyalisa khukhuumbula ta!

Nio nase ndyo imbe ukhalikho ni she khuubiyisibwa ta,

imbe nga siindikho ni shishoonako she kamaani ta.

14Khali bilomo bye mukhanwa mwase ni bibyambaaso bye mu mwoyo kwase,

bisiimibwile mu moni tsoowo, O Umukasya,

iwe niye isi nilukhilayo naluundi iwe niye umuwonesi wase.