Swahili Bible2

18

Kumweenya kwe khuusiima

1O Umukasya, ise ikhukana iwe,

iwe niye umuliindi wase.

2Umukasya niye lulwaanda lwase, niye buliindi bwase.

Wele wase niye lulwaanda lwase, niye bubwilukhilo bwase,

niye uwuniinda nga ingabo yase.

Niye aniinda, luundi andimiilila waaniinda buulayi.

3Ise nilootsela Umukasya, niye waambonesa ise

khukhwaama isi baasiku baase.

Aryo niye aakha khuuruuyibwa.

4Buwaangafu bwe khuufwa bwaantsibotokhelela ise,

ni khuungu ye khuuhela yaantsikhakho.

5Buwaangafu bwe khuufwa bwaantsibotokhelela ise,

ni kimireko kye khuufwa kyeereka khukhuumaambisa ise.

6Nga ndi mu mutaambo kwase, ise nelootsela Umukasya,

nalilila Wele wase khukhuunjeeta.

Ni naye aawulila likono lyase nga ali mu Lisaayilo lyeewe Likhosefu,

naluundi waarekeeresa khuulila khwase khwe buyeeti.

7Shiryo shibala shaanikina luundi shaatengaasibwa.

Kimisiinji kye tsinjiinji tsyayeŋaana, lwekhuuba Wele aaba waakhalaale.

8Lisuusi lyetuukha khukhwaama mu moolu keewe,

ni kumulilo kukuutindiima ni kamaanda kakoosha,

byaama mu mukhanwa mweewe.

9Niye onuula likulu, weekha aasi,

ni shishiilima shikali shaba aasi e bikyele byeewe.

10Niye apamburukhila khu ndaaha tse shishiindu shishiili nga malayika

waapamburukha ni kamaani kamakali nga ikhuungu niwuutsa.

11Niye efuunikhilila mu shiilima shaamubisa,

webiimbilila mu mafuumbi kamamali kaamwibotokhelela,

kamafuumbi kakaareera ifula.

12Kamararara ni kamaanda ke kumulilo

byaama mu khumulikha khukhuuli mu moni tseewe,

biryo byaabira busa mu mafuumbi ke kamaani ako.

13Lwanyuma Umukasya waapapanukhila mwikulu,

ni likono lyooyo uuli Angaaki luukali lyaawulilikha.

Aryo abawo kamararara ni kamaanda ke kumulilo.

14Niye alasa buyiingo bweewe, waasalanisa baasiku beewe,

ni khuumulikha khuukali waabasalanisa boosi.

15Mu lwaalo lwe nyaantsa mwabonekha,

ni kumusiinji khweesi shibala shiimikhilekho kwabonekha ibulafu.

O Umukasya, uryo nga ni wabarafuyila baasiku boowo,

luundi wabakhookhela mu lirima lyoowo.

16Umukasya ekhisa aasi kumukhono kweewe

khukhwaama mwikulu, waambukula ise,

waakhweesa ise khukhwaama mu meetsi kamakali waandusa ibulafu.

17Niye ise khukhwaama isi baasiku baase be kamaani,

ni khukhwaama isi babaambiiyila

lwekhuuba baaba baafuura ise kamaani.

18Baantsibwakala khu shifukhu sheesi naba nga ndi mu mutaambo,

ne Umukasya niye uwaandimiilila.

19Niye aanjeeta waandusa mu bukosi,

waambonesa ise lwekhuuba antsikhoyela.

20Umukasya aamba ise kumukheemba kwase lwe bukwalaafu bwase,

naluundi aamba tsikhabi lwekhuuba ise sinabakho ni kumusaango kwoosi ta.

21Lwekhuuba ise naloondelela kamakaambila k’Omukasya,

naluundi naakhururakho khu mukhoosi kwa Wele wase ta.

22Ise nawaamba kamakaambila keewe koosi,

ni biilakilo byeewe, luundi naakhumiinyaalilakho kamakaambila keewe ta.

23Ise sinabakho ni kumusaango mu moni tseewe ta,

ise naayiliinda samweene khuulekha khukholakho shiibi shoosi ta.

24Ni lwe lomo yino, kila Umukasya aamba ise

shiwaanwa shase nga bukwalaafu bwase ni buli,

lwekhuuba aashimanya ari ise siindikho ni kumusaango ta.

25O Umukasya, iwe uli uwaŋali isi abo babaali baŋali is’uli,

luundi uli umukhosefu isi abo babaali nga sibalikho ni lisaanda lyoosi ta.

26Iwe uli Umukwalaafu isi abo babaali bakwalaafu,

ne uli umurafu isi abo babaaborokha.

27Iwe uwonesa abo babaali baawolu,

ne iwe wikhisa aasi abo babeyiinga.

28Iwe Umukasya Wele wase umaambisila itaala yase waamba buwaanga,

ukalusa shishiilima sheesi indimo khuuba buwaanga.

29Iwe unjeeta khuuwula baasiku baase,

ni lwe bunyali bwoowo Wele wase,

ise inyala khuuruuka tsimako tsaabwe.

30Wele oyu tsintsila tseewe tsili tsingwalaafu,

byeesi asuubisa biyikinikha.

Niye ali ingabo y’abo boosi babaatimaka is’ali lwe buliindi.

31Naanu niye uuli Wele? Akhali Umukasya yenyene niye uli Wele.

Naanu niye lulwaanda lweefwe? Akhali Wele weefwe yenyene niye uuli lulwaanda.

32Niye ali Wele uwumba ise kamaani,

luundi niye uwuŋoonela intsila yase yaalekha khubamo buukosi ta.

3318.33: Habk 3.19Niye awandalasa bikyele byase waabiwa kamaani byaaba nga bye khisi,

aryo waaniindila mu njiinji nga ndi mu lukoosi.

34Andeekela ise bye busoolo,

nio naanyalisa khuutsanuusa buyiingo bwa buroonzi.

35O Umukasya, iwe waayiimba ise ingabo ye buwonesi,

ni kumukhono kwoowo kumulayi kwantsayilisile ise,

ni buliindi bwoowo bwaakholile ise khuuba umuundu umukhulu naabi.

36Wambalaayisiile ise intsila lwe bikyele byase,

ni bikyele byase byaakhureremukha naakwa ta.

37Ise ndimisa baasiku baase naabawaamba,

naluundi singene indureyo ta khukhwoolesa nga naabaheseele ilala.

38Mbakhupila ilala aasi, baalekha khunyala khukhwinyukhawo ta;

baarama nga baakwiile aasi e bikyele byase.

39Iwe niye uwuumba ise kamaani ke khuusoolana;

luundi iwe niye ukila naawula baasiku baase.

40Iwe niye uwaakila baasiku baase baatima baandurakho,

ni naabo boosi babaambiyila nabahesa.

41Nibo baalila lwe buyeeti, nga mbaawo na mutweela ubawonesa ta,

belootsa isi Umukasya, ne niye s’abeelamo ta.

42Ise mbatsuungaka bekyela busa nga lifukhuulu liliyilibwa ni mbewo;

imbasaambakilila busa nga litosi lye khu mikhoosi.

43Iwe wambonesa ise khukhwaama isi babaandu be bisaayumba;

uryo waangalusa ise khuuba umuwuli we kamanaambo,

babaandu abe beesi ikhaamanya ta, bekyela babaantsakaanisa ise.

44Banaambo beetsa baafukhamilila ise;

ni bawulila bilomo byase baabifukiilila.

45Banaambo beene bawamo kamaani,

beetsa nga banikina busa khukhwaama mu bifwo byaabwe mweesi beebisa.

46Umukasya ali mulamu! Niye lulwaanda lwase,

aruuyibwe naabi!

Naluundi boolelesa bukhulu bwa Wele uwumbonesa ise.

47Niye Wele uwunyalisisa ise khuuwula baasiku baase,

weesa kamanaambo aasi aase

48naluundi waambonesa ise khukhwaama isi baasiku baase.

O Umukasya, iwe uwuumba ise kamaani waakila ise naawula baasiku baase,

uniinde ise khukhwaama isi babaandu babetsuule buurafu.

4918.49: Roma 15.9Lwashino shishiikila ikhuboolelesa akari mu manaambo, O Umukasya,

kane niimbe khuukhubuyila lisiina lyoowo.

50Wele awa buuwuli bwe kamaani isi umuyiinga weewe umurobole,

naluundi okesanisa khuukana khuukali isi umurobole weewe,

isi Dawudi n’isi babetsukhulu beewe biilo ni biilo.