Swahili Bible2

14

Buubi bwe babaandu

114.1: Roma 3.10-12Babaandu baasilu mu myoyo kyaabwe baloma bari, “Wele s’aliwo ta.”

Boosi baayonekha, baakholile bibyoonako bibikhakholikha ta,

mbaawo namutweela ukhola biilayi ta.

2Umukasya emikha mwikulu waalola aasi khu baandu,

khuubona noola iliwo babaakhola bye kamakyesi, babesaaya Wele.

3Ne boosi baaborokha, boosi khuuyilila atweela baayonekha,

mbaawo namutweela ukhola biilayi ta,

mbaawo akhaba namutweela ta.

4Umukasya areeba ari, “Mu boosi babaakhola buubi,

mbaawo namutweela ulikho ni kamakyesi ta?

Balumaka babaandu baase nga babaalumaka biilyo,

ne nga sibaloomba isi ise ta.”

5Ne nibo baliba ni khuurya khuukali,

lwekhuuba Wele ali atweela ni kumuboolo kwe bakwalaafu.

6Babaandu baabi boonakisa tsiŋoonaŋoona ts’omutaambi,

ne umutaambi elukhila isi Umukasya.

7Ise nikoontselela ndi khali buwonesi bwa Isiraeli bwaamile mu Sayuuni!

Umukasya n’alikobosawo luundi tsikhabi tse babaandu beewe,

ba Isiraeli balikhoya luundi balitikitya!