Swahili Bible2

12

Khuuloomba buyeeti

1O Umukasya, n’ukhuyeete,

lwekhuuba mbaawo umuundu umulayi namutweela uramilewo ta;

babaandu babeyikinwa baaweelewo, mbaawo namutweela ta.

2Boosi buli mutweela akanikha bye bubeeyi isi uwashe,

beruuyaka babeene luundi bakanikha bibiikhalimo ta.

3O Umukasya, n’usilise kiminwa kikikanikha bye khukhwiyiinga,

fuunikha kiminwa ikyo kikiibuyila nga kiloma kiri;

4“Lwe bilomo byeefwe khufuna byeesi khukana,

kane khukanikhe byeesi khukana,

naanu unyala waakhureesa ifwe?”

5Ne ari Umukasya aloma ari, “Ari kane ninyukhe niitse,

lwekhuuba bataambi bamiinilisibwa,

barusibwakho bibiindu byaabwe,

abo babataambisibwa belootsa nga bali mu butsiina.

Ni nase kane imbawe buyeeti bweesi bakana.”

6Byeesi Umukasya asuubisa bili bya ŋali,

bili bikumu nga ifeetsa ingumu imalile khuuŋaŋasibwila

mu mulilo khuumala kimiluundi musaafu.

7O Umukasya, iwe n’ukhuliinde ifwe,

ukhutseete khukhwaama isi babaandu baabi be kumuboolo kuno.

8Babaandu baabi baasalaniile buli aandu oosi,

shiibi nisho sheesi babaandu ndi baruuya.