Swahili Bible2

11

Khukhwiyikina Umukasya

1Ise buliindi bwase buli mu Mukasya;

inywe munyala muryeena khukhuunoma ise muri,

“Pamburukha nga khanywiinywi wilukhile mu njiinji?

2Lwekhuuba baboonaki baakhweesile buyiingo bwaabwe,

buufumo baaburekile khu buyiingo,

bakana khulasila babaandu baalayi mu shilima.

3N’iiba nga kumusiinji kutsya khwoonakisibwa,

umuundu umulayi anyala waakholawo shiina?”

4Umukasya ali mu Lisaayilo lyeewe Likhulu,

shitsoloŋo sheewe shili mwikulu.

Alolelela babaandu boosi,

naluundi waamanya byoosi byeesi bakhola.

5Umukasya emenielesa bakwalaafu ni baabi beene shitweela busa,

abiiyila abo babaakana khuukhola bye shituluungu.

6Atsukhilila khu boonaki kamaanda ke kumulilo ni bunoro,

ni mbewo imbile iyoosha niyo iliiba kumukabo kwaabwe.

7Lwekhuuba Umukasya ali Umukwalaafu,

naluundi niye akana bye bukwalaafu,

ni naabo babaabikhola, kane bamenyatsake mu moni tseewe.