Swahili Bible2

7

Biwaanwa byeesi baraangilisi baareera khu Lisari Likhosefu

1Aryo nga Musa waamalile khuurawo Lisari Likhosefu, waalibiitakho tsikhabi, waaliwaanayo isi Umukasya atweela ni bibiindu byoosi bibilitsiilakho, ni shisheeso nasho ni bibiindu byakhwo bibishitsiilakho. 2Lwanyuma baaraangilisi ba Isiraeli boosi, abo babaaraangilila bikuuka ni bukuuka bukyeekhe bwe ba Isiraeli, beetsa isi Lisari Likhosefu, 3nga bareera biwaanwa isi Umukasya bibyoola: Bikaari bye kamaani bisesaba ni tsiyeeyi likhumi na tsibili, nga buli bikuuka bibili khu nibyo biba ni shikaari shitweela, na buli shikuuka nga shiba ni iyeeyi ndweela khwiibyo bibyareerebwa.

4Lwanyuma kila Umukasya alomela Musa ari, 5“Fukiilisa waakaanile biwaanwa bino khukhwaama isi babaandu bano, ubiwe ba Levi banyale khuubiraambisa ano mu Lisari Likhosefu, khusiintsiila khu milimo kyaabwe kyeesi buli mutweela khu nibo akhola.”

6Aryo Musa waakaanila bikaari ibyo, ni tsiyeeyi itso, waabiwa ba Levi. 7Musa waakaanisa basooleli ba Gereshoni bikaari bibili, ni tsiyeeyi tsine khusiintsila khu milimo kyaabwe, 8ni basooleli ba Merari waabawa bikaari bine ni tsiyeeyi shinaane, nabo khuusiintsiila khu milimo kyaabwe. Bino byoosi byakholebwela aasi e buraangilisi bwa Isamari, umusooleli wa Aroni. 9Ne isi basooleli ba Kohasi, mbaawo na shitweela sheesi Musa aabawa ta, lwekhuuba nibo baaba nga baloolelela bibiindu bikhosefu, byeesi baaba nga basutatsakila khu mabeka kaabwe.

10Baaraangilisi bareera biwaanwa khuubiwaanayo khu shifukhu khweesi shisheeso shawaanibwilayo. Bino byoosi baabireera iburaangisi we shisheeso. 11Ne Umukasya waalomela Musa ari, “Buli mutweela khu baaraangilisi bano, kane abe ni shifukhu shisheewe khweesi kane awaanileyo biwaanwa byeewe khu sheeso, nga shiwaanibwayo.”

12Umuraangilisi uwanyoowa khuuwaanayo shiwaanwa khu shifukhu shishanyoowa aaba Nahashoni, umusooleli wa Aminadabu, uwe mu shikuuka sha Yuda. 13Shiwaanwa sheewe shaba, isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu, 14ni pwakhuli ndweela iye zaabu, nga baakitsusilemo bubaane, 15iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 16indurume ndweela lwe khuuwaanibwayo nga shiwaanwa she shishoonako, 17ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Nahashoni, umusooleli wa Aminadabu.

18Khu shifukhu she khabili, umuraangilisi uweelakho khuuwaanayo shiwaanwa aaba Nesaneli, umusooleli wa Zuwa, uwe mu shikuuka sha Isakaari. 19Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu, 20ni pwakhuli ndweela iye zaabu, nga baakitsusilemo bubaane, 21iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 22indurume ndweela lwe khuuwaanibwayo nga shiwaanwa she shishoonako, 23ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Nesaneli, umusooleli wa Zuwa.

24Khu shifukhu she khataru, umuraangilisi uweelakho khuuwaanayo shiwaanwa aba Eliyabu, umusooleli wa Heloni, uwe mu shikuuka sha Zebuluuni. 25Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu lisari likhosefu, nga baatubaasilemo kamafura ke shiwaanwa she buufu, 26ni pwakhuli ndweela iye zaabu, nga baakitsusilemo bubaane, 27iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 28indurume ndweela lwe khuuwaanibwayo nga shiwaanwa she shishoonako, 29ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Eliyabu, umusooleli wa Heloni.

30Khu shifukhu she khaane, umuraangilisi uweelakho khuuwaanayo shiwaanwa aba Elizuri, umusooleli wa Shedewuri, uwe mu shikuuka sha Rewubeni. 31Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 32ni pwakhuli ndweela iye zaabu, nga baakitsusilemo bubaane, 33iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 34indurume ndweela lwe khuuwaanibwayo nga shiwaanwa she shishoonako, 35ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Elizuri, umusooleli wa Shedewuri.

36Khu shifukhu she kharaano, umuraangilisi uweelakho khuuwaanayo shiwaanwa aba Shelumiyeli, umusooleli wa Zurishadaayi, uwe mu shikuuka sha Simeoni. 37Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 38ni pwakhuli ndweela iye zaabu, nga baakitsusilemo bubaane, 39iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 40indurume ndweela lwe khuuwaanibwayo nga shiwaanwa she shishoonako, 41ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Shelumiyeli, umusooleli wa Zurishadaayi.

42Khu shifukhu she khasesaba, umuraangilisi uweelakho khuuwaanayo shiwaanwa aba Eliyasaafu, umusooleli wa Dewuyeli, uwe mu shikuuka sha Gadi. 43Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 44ni pwakhuli ndweela iye zaabu, nga baakitsusilemo bubaane, 45iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 46indurume ndweela lwe khuuwaanibwayo nga shiwaanwa she shishoonako, 47ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Eliyasaafu, umusooleli wa Dewuyeli.

48Khu shifukhu she kumusaafu, umuraangilisi uweelakho khuuwaanayo shiwaanwa aba Elishama, umusooleli wa Amihudi, uwe mu shikuuka sha Efurayimu. 49Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 50ni pwakhuli ndweela iye zaabu, nga baakitsusilemo bubaane, 51iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 52indurume ndweela lwe khuuwaanibwayo nga shiwaanwa she shishoonako, 53ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Elishama, umusooleli wa Amihudi.

54Khu shifukhu she shinaane, umuraangilisi uweelakho khuuwaanayo shiwaanwa aba Gamaliyeli, umusooleli wa Pedahizuri, uwe mu shikuuka sha Manase. 55Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 56ni pwakhuli ndweela iye zaabu, nga baakitsusilemo bubaane, 57iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 58indurume ndweela lwe khuuwaanibwayo nga shiwaanwa she shishoonako, 59ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi shaba shiwaanwa sha Gamaliyeli, umusooleli wa Pedahizuri.

60Khu shifukhu she shisyeenda, umuraangilisi uweelakho khuuwaanayo shiwaanwa aaba Abidani, umusooleli wa Gidiyoni, uwe mu shikuuka sha Benyamini. 61Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi beetsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 62ni pwakhuli ndweela iye zaabu, nga baakitsusilemo bubaane, 63iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 64indurume ndweela lwe khuuwaanibwayo nga shiwaanwa she shishoonako, 65ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi shaba shiwaanwa sha Abidani, umusooleli wa Gidiyoni.

66Khu shifukhu she likhumi, umuraangilisi uweelakho khuuwaanayo shiwaanwa aba Ahiyezeri, umusooleli wa Amishadaayi, uwe mu shikuuka sha Dani. 67Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 68ni pwakhuli ndweela iye zaabu, nga baakitsusilemo bubaane, 69iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 70indurume ndweela lwe khuuwaanibwayo nga shiwaanwa she shishoonako, 71ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Ahiyezeri, umusooleli wa Amishadaayi.

72Khu shifukhu she likhumi na shitweela, umuraangilisi uweelakho khuuwaanayo shiwaanwa aba Pagiyeli, umusooleli wa Okurani, uwe mu shikuuka sha Asheri. 73Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 74ni pwakhuli ndweela iye zaabu, nga baakitsusilemo bubaane, 75iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 76indurume ndweela lwe khuuwaanibwayo nga shiwaanwa she shishoonako, 77ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Pagiyeli, umusooleli wa Okurani.

78Khu shifukhu she likhumi na bibili, umuraangilisi uweelakho khuuwaanayo shiwaanwa aba Ahira, umusooleli wa Enani, uwe mu shikuuka sha Nafutaali. 79Shiwaanwa sheewe shaba isawaani iye feetsa ndweela iyaba nga yoolesa i kilo ndweela ni shisiintsa, ni shibuumba she feetsa nasho nga shoolesa aambi i kilo ndweela, nga mu bino byoombi betsusilemo buufu buunose buulayi bwe shipimo she mu weema, nga baatubaasilemo kamafura ke shiwaanwa she buufu, 80ni pwakhuli ndweela iye zaabu, nga baakitsusilemo bubaane, 81iwuunwa inyana ndweela, imiiku intsowe buulayi ndweela, ni lisheese lilyaana lilimalile kumwiiko mutweela nalyo litweela, bino nga bye khuuwaanibwayo khuuba tsisaayilo tsintsoshe, 82indurume ndweela lwe khuuwaanibwayo nga shiwaanwa she shishoonako, 83ni tsiyeeyi tsibili, tsimiiku tsintsowe buulayi tsiraano, tsindurume natso tsiraano, ni kamasheese kamaana kakoolesa kumwiiko mutweela nako karaano. Tsino tsaba tse khuuwaanibwayo nga tsisaayilo tsitsireera lukoosi. Bino byoosi byaba shiwaanwa sha Ahira, umusooleli wa Enani.

84Baryo musaambo iyo, baaba nga bawaanayo shisheeso, nga bawaanayo biwaanwa bino, khukhwaama mu baaraangilisi be ba Isiraeli: Tsisowaani tse feetsa likhumi na tsibili, tsikaraaya tse feetsa natso likhumi na tsibili, ni bipwakhuli bye zaabu likhumi na bibili, 85nga buli sowaani ndweela iye feetsa yoolamo busiro aambi tsikilo kamakhumi kabili na shinaane, khusiintsila khu bipimo bye mu weema, 86ni bipwakhuli bye zaabu likhumi na bibili, nga byetsuulekho bubaane, nga nabyo byoolamo busiro khuubirisa mu kilo ndweela, khusiintsila khu bipimo bye weema, 87tsiwuunwa likhumi na tsibili, kamamiiku nako kakaatsowa buulayi likhumi na kabili, ni kamasheese kamaana kakoolesa kumwiiko mutweela nako likhumi na kabili, atweela ni biwaanwa bye biilyo bibyoomu, bibitsiilakho, nga bino byoosi bili bye khukhwoosha busa. 88Bibyaayo byoosi bibyaba bye khuuwaanayo nga tsisaayilo tse khuloomba lukoosi tsaba tsoola tsiwuunwa kamakhumi kabili na tsine, kamamiiku kamakhumi kasesaba, tsindurume natso kamakhumi kasesaba, kamasheese kamaana ke kumwiiko mutweela nako kamakhumi kasesaba. Musaambo yino baaba nga babiita shisheeso tsikhabi, baaba nga bashiwaanayo.

89Abe buli lweesi Musa enjilila mu Lisari Likhosefu, atsya waakanikha n’Umukasya. Mu bweenemwo abe nimwo mweesi awulilila likono ly’Omukasya nga lyaamila khu ngaaki khwe Sanduuku iye Ndakaano, iyaba akari e bibuumbe bibiili bibyabakho tsindaaha, bibyaba khu shifunikho she Sanduuku khu ngaaki.