Swahili Bible2

6

Biilakilo bibiwaamba khu ba Nazariti

1Luundi ndi Umukasya waalomela Musa 2aboolele babaandu ba Isiraeli ari: Umuundu yeesi ukhalawo khukhwiwoongayo isiindi nga akhola shishitsubo she khuuba umu Naziriti, 36.3: Luka 1.15sishimwaakhila khuunywakho shishimeesa she viini namwe indali ta. Umu Naziriti s’akhiile khuunywakho shishiindu shoosi shisuuribwa khukhwaama mu mizabibu shoosi ta, namwe khuulyakho kimizabibu kyoosi ta. 4Khukhwaama nga umuundu uyo n’akhalawo khuuba umu Nazariti, akhalyakho shishiindu shoosi shishaama mu muzabibu, abe yakhaba tsimiitso, namwe shihaafu she lituunda ilyo ta. 5Umuundu uyo n’aba nga waakhola shitsubo she khuuba umu Nazariti, s’akhiile khuukhalakho namwe waabekakho litsuune lyeewe. Umuundu abowebwa ni shitsubo sheewe isho she khuuba umukhosefu, imbuka yoosi isi aba waayitsuba khuuba umu Naziriti w’Omukasya. Nashiryo akhiile khuuleheesa litsuune lyeewe.

6Imbuka yoosi isi umuundu uyo amala nga ali umu Naziriti, akhakhakakho khuutsyakho aambi ni kumulaambo kwoosi ta. 7Oba kumulaambo kuno kuli kwa paapa weewe, namwe kwa maayi weewe, namwe kwa wandaaye, namwe kw’omukooko weewe. N’atsyakho aambi ni nakwo, umuundu uyo aba nga wenyaalutakile mu moni ts’Omukasya. 8Bifukhu byoosi byeesi kane abewo nga ali mulamu, aba ali umukhosefu uwawaanibwayo isi Umukasya.

9Ne siinga umuundu yeesi afwa mu khaangu naabi nga ali aambi ni naye, umu Nazariti uyo aba wekyelile umunyaalu, ni nashiryo aakha khuubekakho litsuune lyeewe, ate lyaakha khuubekebwakho lwanyuma lwe biifukhu musaafu, khu mukholo kwe khukhwipyeeluusa. 10Ne khu shifukhu shishiilakho she shinaane, umu Nazariti uyo aakha khuureera kamawuusi kabili, namwe bukaburuku bubili isi umusaayi mu lisari likhosefu. 11Umusaayi kane awaaneyo binywiinywi bino, khatweela akhawaaneyo nga shiwaanwa she shishoonako, ni khakhaaramile nga isaayilo intsoshe khukhuuntsikhoyesa ise. Bino byoosi abikhola nga kumukholo kwe khupyeeluusa khulw’omu Nazariti, lwekhuuba etiilakho khu mulaambo. Ni khu shifukhu sheene isho, umusaayi apyeeluuse ni kumurwe kweewe, nga litsuune ni lirakikha khuutsowa luundi. 12Umuundu uyo aakha khukhwiwoongayo luundi isi Umukasya, lwekhuuba kumulaambo kwaakila waaba umunyaalu. Nashiryo aakha khukhola shishitsubo shishiindi, she khukhwiwoongayo luundi nga umu Nazariti. Naluundi limiiku lilyoolesa kumwiiko mutweela, lyaakha khuuwaanibwayo khukhwiisayo bibiindu bikwalaale luundi.

136.13: Bur 21.23,24Aryo umu Nazariti uyo nga waamalile khuukhola bisuubiso bye khuuba umu Naziriti luundi, kane areerebwe mu lisari likhosefu, 14awaaneyo shiwaanwa she bibyaayo bitaru, bibikhalikho buuleme bwoosi ta, nga nibyo kumiiku kutweela kukwoolesa kumwiiko mutweela lwe khukhuuntsikhoyesa ise, lisheese likhasi litweela khuuba shiwaanwa lwe bibyoonako, kumiiku kutweela kukumalile khuutsowela ilala khuukuwaanayo lwe khuuloomba lukoosi. 15Umu Nazariti yuno aakha khuureera ni shishiipo she kimikaati kikikhalimwo kamamela ta, nga waareerekho ni biwaanwa bye bilime, ni kamafura ke kuusaala ku olivu nga, khulikho ni bukaati nga waatubaasilekho biwaanwa bye viini. 16Lwanyuma lwayo, umusaayi abiwaaneyo khu sheeso isi Umukasya, khuuba nga shiwaanwa she shishoonako, ni shiwaanwa shishooshe. 17Awaaneyo ni limiiku khuuba isaayilo ireera lukoosi, atweela ni shishiipo she kimikaati kikiikhalimo kamamela ta, khuutubakho ni biwaanwa bye biilime bibyoomu ni biwaanwa bye viini. 18Lwanyuma lwa bino byoosi, umu Nazariti yuno, ali ni khukhwiimikha ibwiinjililo we liisari likhosefu, abekekho litsuune lye khu murwe kweewe, ni litsuune lino alituume mu mulilo kweesi umusaayi araambisile khuuwaanayo tsisaayilo butweela.

19Lwanyuma nga inyama iye shinama she bweeni she limiiku nga shaamalile khuuteekhebwa buulayi, umusaayi ashisute, nga ayililakho ni kumukaati mutweela, ni khakaati khakyeekhe khatweela, abyaakaanise umu Nazariti, umalile khukhwipyeeluusa. 20Shishiilakho, umusaayi kane abibukule abiwaaneyo khuuba nga shiwaanwa sha buraawa isi Umukasya, ulwo shibe shekyelile shiwaanwa shikhosefu isi umusaayi. Bino byoosi atweela ni inyama iye shifuba, ni shinama she takho, bili by’omusaayi nga likaambila ni liloma. Nga bino byoosi byaweele, umu Nazariti yuno aba sashiili umu Nazariti ta, ari anyala warakikha khuunywa i viini.

21Bino nibyo biilakilo byeesi umu Nazariti yeesi aakha khuuloondelela. Ne siinga umu Nazariti asuubisa khuuwaanayo shiwaanwa shishifuurakho awo bukali, akhiile khukhwoolelesa sheesi aba nga waalomile khuukhola.

Tsikhabi tseesi basaayi bawa babaandu

22Umukasya waalomela Musa 23khuuboolela Aroni ni basooleli beewe ari, “Ni muba nga muloombela babaandu ba Isiraeli tsikhabi, kane muraambisatsake bilomo bino:

24‘Inoomba ndi Umukasya abawe tsikhabi,

luundi abatseete buulayi;

25Umukasya abokesanise bubweela bweewe

ni shiisa sheewe shikali;

26Umukasya abaloolelele inywe ni buulayi bweewe,

luundi abawe lukoosi.’ ”

27Lwanyuma kila Umukasya aloma ari, “Siinga Aroni ni basooleli beewe baanoomba ise khuuwa babaandu ba Isiraeli tsikhabi, ise kane imbawe tsikhabi.”