Swahili Bible2

32

Bikuuka bibyaba shanjelekha wa Yorudaani

(Kamakaambila 3.12-22)

1Babaandu be mu shikuuka sha Rewubeni, ni sha Gadi, baaba bali ni bibyaayo biikali naabi. Ne ni baabona bari liiswa lya Jazeri ni Gileyadi lili lye kamaayilo kamalayi ke bibyaayo, 2baatsya isi Musa n’umusaayi Eliyazaari, ni isi baaraangilisi babaandi ba Isiraeli, babalomela bari, 3“Bisiintsa bya Atarosi, Diboni, Jazeri, Nimura, Heshiboni, Eleyale, Sebamu, Nebo, ni Bewoni, 4nga nibyo bisiintsa byeesi Umukasya aakhuyeeta khwaawula, bili biilayi naabi khukhwaayisilamo bibyaayo, ate nga ifwe babaakaanisi boowo khuli ni bibyaayo biikali naabi. 5Iwe siinga uba nga waashisiimile, n’ukhuwe ifwe liiswa lino libe lilyeefwe, khulekhe khwaambukha luluutsi luno Yorudaani ta.”

6Musa naye weelamo babaandu be mu shikuuka sha Gadi ni sha Rewubeni ari, “Ari inywe mukana murame ano, nga ba Isiraeli basheenywe bali khuutsya mu busoolo? 7Lwashiina muli khuukana khuumalamwo basheenywe kamaani ke khuukhalisa khuutsya mu shibala sheesi Umukasya abaweele? 832.8: Bala 13.17-33Iyo niyo isaambo nyene ndweela isi bakuuka beenywe baakhola, khu mbuka isi nabarumanila khukhwaama i Kadeshi Barineya, khuutsya khulambuula liiswa. 9Baakyeenda baatsya boola mwitila lya Eshikolu, baatsya baabona liiswa, lwanyuma baakobola baamalamwo babaandu ba Isiraeli babaaramile kamaani, nga babalomela bari sishinyalikha khukhwiinjila mu shibala sheesi Umukasya aabasuubisa khuubawa isho ta. 1032.10: Bala 14.26-35Lwe shisheene isho, lirima ly’Omukasya lyaniinaniina khu shifukhu khweene ikhwo, wetsuba nakhwitsuba nga aloma ari, 11mbaawo n’umuundu na mutweela, khuubo babaama mu Misiri, baboolesa kimiiko kamakhumi kabili ni khuuniina ngaaki, babaalitsya babone luundi benjile mu shibala sheesi aasuubisa Iburayimu, Isaaka, ni Yakobo ta. Lwekhuuba nibo sibaafukiilisa byeesi Umukasya atsya khukhola ta. 12Baaba boosi khurusakho Kalebu, umusooleli wa Jefune umu Keni, ni Yoswa, umusooleli wa Nuni, nibo bonyene babaloondelela Umukasya ni kumwoyo kwaabwe kwoosi. 13Ni lirima ly’Omukasya lyaba liikali naabi isi ba Isiraeli, shaakila Umukasya waabayila baakyeendaanila mu mubiimbi khuumala kimiiko kamakhumi kane, khukhwoolesa nga kumuboolo kwaabo babooneka kwaaweelewo. 14Ari bona nanywe mwenyukhiilemo, kumuboolo kwe baboonaki babeene nga bakuuka beenywe ni baaba, nanywe mulikho mukhola shishiindu nisho shitweela sheene, khukhwiiloosela khuukhalasa Umukasya ni khufuurisakho. 15Ne siinga mwiloosela khukhwikaana mwalekha khuuloondelela Umukasya, indi luundi kane antsukhe babaandu bano mu mubiimbi kuno. Ari ikwo kane kube musaango kweenywe!”

16Lwanyuma kila babaandu be mu shikuuka sha Rewubeni ni sha Gadi besyeenda aambi ni Musa bamulomela bari, “Ari ifwe khukana khukhwombekha kamataala ke bibyaayo byeefwe ano, khwombekhe ni biriimba bye kamatikiiyi khulwe bakyelama beefwe ni babaana beefwe. 17Ne ifwe fwabeene, kane khwiireekekhe, khwisabikhe bye busoolo, khwitubaase khu ba Isiraeli basheefwe khuutsya mu busoolo, khukhwoolesa ni kane khubonele ilala khuri nabo boolele mu shifwo shaabwe. Ne nga babaana ni baakyelama beefwe kane babe nga baaliindibwile buulayi mu mako tse kamatikiiyi. 18Ifwe singene khukobolakeyo ingo weefwe ta, khukhwoolesa nga buli muundu wa Isiraeli wekhaale watelelile mu shifwo sheewe shisheene. 19Ifwe singene khufune buusikha bwe liiswa shanjelekha wa Yorudaani ta, lwekhuuba busikha bweefwe buli khu lubeka luno lwe bwaamanyaanga wa Yorudaani.”

20Kila Musa abalomela ari, “Inywe siinga muba nga mumwoomiisa sheesi mulomile, khali mwandyaabaliile bye buusoolo byeenywe, mutsya khusoolanila Umukasya. 21Naluundi siinga mufukiilisa mwaatsya nga mwaabaliile bye buusoolo byeenywe shanjelekha wa Yorudaani ni ba Isiraeli babaaramile boosi, khukhwoolesa nga Umukasya waamalile khuwoonamwo baasiku beenywe, 22liryo liiswa ilyo kane libe nga lyawaambibwile. Lwanyuma lwayo nio mukobole mu liswa lyeenywe lino, nga muli balekhuule busa, nga mbaawo she khukhwiwaambilisakho isi Umukasya namwe ba Isiraeli basheenywe ta. Ni liiswa lino kane libatsake lilyeenywe. 23Ne siinga mulekha khukhwoolelesa khusuubisa khweenywe ukhwo, kane mube nga mwoonakisile isi Umukasya, muryo muweebwe shitaambiso. 24Nashiryo, nimwombekhele bakyelama beenywe atweela ni babaana beenywe biriimba, mwombakhe ni kamataala lwe kamasheese ni tsimbusi tseenywe. Ne mwaakha mubonele ilala muri mwoolelesa sheesi mwasuubisa.”

25Baryo babaandu be mu shikuuka sha Gadi ni sha Rewubeni beelamwo Musa bari, “Ifwe baakulwa boowo kane khukhole nga n’ukhulakiile. 26Bakyelama beefwe ni babaana beefwe atweela ni kamasheese ni tsikhaafu tseefwe kane barame ano mu biriimba bya Gileyadi. 27Ne buli mutweela khwiifwe babaakaanisi boowo, babaamalile khukhwaabalila bye busoolo, kane khwambukhe khutsye khuusoolana buusoolo bw’Omukasya, nga iwe musakhulu n’ulakiile.”

2832.28: Yos 1.12-15Lwanyuma kila Musa awa umusaayi Eliyazaari ni Yoswa umusooleli wa Nuni biilakilo bibibawaambakho, atweela ni baaraangilisi be bikuuka bya Isiraeli byoosi. 29Waabalomela ari, “Siinga babaandu be mu shikuuka sha Gadi ni sha Rewubeni, baabalila bye buusoolo byaabwe baambukha luluutsi Yorudaani khuutsya khuusoolana busoolo, nga Umukasya n’alakila, nilwe buyeeti bwaabwe ubwo, mwaawula baasiku, mweyilila liiswa ilyo, mwaakha khuubawa shisiintsa she liiswa lya Gileyadi khuuba lilyaabwe. 30Ne siinga bekaana baalekha khuukhalisa luluutsi Yorudaani ni nanywe ta, bali ni khuufuna kumukabo kwaabwe mu shisiintsa sha Kanaani, nga bikuuka bibiindi byoosi ni bitsya khufuna.”

31Baryo basaani be mu shikuuka sha Gadi ni sha Rewubeni nabo beelamwo bari, “Ifwe khuli babaakaanisi boowo, naluundi kane khukhole shoosi sheesi Umukasya akhulomeele khuukhola. 32Kane khwambukhe luluutsi Yorudaani, khutsye mu Kanaani, nga khwaabaliile bye buusoolo byeefwe. Ne liiswa lye buusikha bweefwe kane libe khu lubeka luno lwe bwaamanyaanga we luluutsi.”

33Aryo Musa waakabila babaandu be mu shikuuka sha Gadi, ni sha Rewubeni, atweela shisiintsa shitweela she shikuuka sha Manase, liiswa lilyaba ly’omuyiinga Sihoni uwe ba Amori, ni lilyaba ly’omuyiinga Ogo uwa Bashani, ni khuuyililakho biriimba bibyebotokhelelawo. 34Baryo babaandu be mu shikuuka sha Gadi bombekha biriimba bya Diboni, Atarosi, Aroweri, 35Aturosi-Shofani, Yazeri, Yogubeha, 36Besi-Nimura, ni Besi-Harani. Boombekha tsimako tse kamatikiiyi khuubibotokhelela, naluundi boombekha ni kamataala ke bibyaayo byaabwe.

37Babaandu be mu shikuuka sha Rewubeni nabo boombekha biriimba bya Heshiboni, Eleyale, Kiriyasayimu, 38Nebo, ni Bayaali-Mewoni (kamasiina kano baakyelawo bakashuusa), atweela ni Sibuma. Biifwo bino bibyoombekhebwa bushaakha baabityuukha kamasiina kakaandi.

39Babaandu be mu khakuuka khakyeekhe kha Makiri, umusooleli wa Manase, bebwakala shisiintsa sha Gileyadi, baawaambaka biriimba byayo, baatsya baabimenyamwo, baawoonamwo ba Amori babaabimenyatsakamwo. 40Aryo Musa waakabila babaandu ba Makiri shisiintsa sha Gileyadi, baryo nabo baamenyatsaka mubweene umwo. 41Yayiri khukhwaama mu shikuuka sha Manase waatsya webwakala naluundi wawaambaka ni bibyaalo byayo, waabityuukha lisiina ari Havosi Yayiri.32.41 Havosi Yayiri: Shimanyisa Bibyaalo bya Yayiri.

42Noba naye waatsya webwakala luundi wawaamba shiriimba sha Kenasi, atweela ni bibyaalo bibibotokhelelewo, waabityuukha lisiina ari Noba.