Swahili Bible2

3

Basooleli ba Aroni

1Luno nilwo luruungo lwe be muungo mwa Aroni ni Musa, khu mbuka isi Umukasya akanikhila ni Musa khu lukiingi Sinaayi. 23.2: Bala 26.60Kamasiina ke basooleli ba Aroni: Nadabu, niye uwaba umukiboole, Abihu, Eliezari, ni Isamari. 3Bano nibo basooleli ba Aroni beesi baatsukhakho kamafura, baroborebwa khukhwakaanisa nga basaayi. 43.4: Lev 10.1,2; Bala 26.61Ne Umukasya umweene weera Nadabu atweela ni Abihu mu mubiimbi kwa Sinaayi, lwekhuuba baaraambisa kumulilo kukukhali kumukhosefu ta. Babeene bano baaba nga bashiili khusaalakho babaana ta, nashiryo Eliezari ni Isamari baakaanisa nga basaayi khu mbuka ya paapa waabwe Aroni.

Ba Levi baroborebwa khuuyeeta Basaayi

5Lwanyuma kila Umukasya alomela Musa ari, 6“Reera shikuuka sha Levi aambi, ubareewo khuuba nga nibo bayeeti b’omusaayi Aroni. 7Bano bali ni khuuba nga nibo babaraamba khu lwa Aroni mu Lisari Likhosefu, ni khulwe babaandu ba Isiraeli boosi. 8Nibo babaakane babe nga balolelela bibiraambisibwa bye mu Lisari Likhosefu, ni khukhwakaanisa khulwe ba Isiraeli. 9Ba Levi bano bonyene nibo babawaanibwileyo khukhwaama mu ba Isiraeli boosi, khuuba bayeeti ba Aroni ni basooleli beewe. 10Robora Aroni ni basooleli beewe bonyene khukhwakaanisa nga basaayi. Umuundu ukuundi yeesi ukhakakho khukhola kumulimo kwe busaayi, aakha khukhwiiribwa.”

11Umukasya waalomela luundi Musa ari, 123.12: Luky 13.2“Mu shifwo sh’omwaana umukiboole usaalikhana mu ba Isiraeli, ise ari neroboreere ba Levi bano khuuba babaase babeene musaambo ya buraawa. 13Lwekhuuba bikiboole byoosi bili bibyase. Khu shifukhu khweesi nakhoonyela babaana besiinde baakiboole be mu Misiri, nakhalawo khukhwiroborera bikiboole byoosi bye babaandu mu Isiraeli, ni bisolo byeene khuuba bibyase. Ise ndi niye Umukasya uulakile bilomo bino.”

Khuubalibwa khwe ba Levi

14Luundi ndi Umukasya waakanikha isi Musa mu mubiimbi kwa Sinaayi, nga aloma ari, 15“Ngana ubale basaani atweela ni basooleli be mu shikuuka sha Levi, nga ubala tsiingo tsaabwe, ni bukuuka bwaabwe bukyeekhe. Mu bano boosi ubabala khukhwaamila ilala khu mwaana umuŋaalye uwe kumweesi mutweela, khuuniina angaaki.” 16Aryo Musa waababala nga Umukasya n’amulakila.

17Basooleli bataru ba Levi babaaba baakhulu be bukuuka bwaabwe bukyeekhe ni bano; Gereshoni, Kohasi, ni Merari. 18Basooleli ba Gereshoni nibo bano; Libuni ni Shimeyi. 19Basooleli ba Kohasi nabo bano; Amuramu, Izihari, Heburoni, ni Uziyeli. 20Ni basooleli ba Merari baaba nibo Mahili ni Mushi. Bano boosi nibo babaaba basooleli ni babetsukhulu ba Levi, babaaba baraangilila bukuuka bukyeekhe bwe mu shikuuka sha Levi.

21Khakuuka kha Gereshoni khaabamo ba Libuni ni ba Shimeyi. 22Babaandu baamwo boosi atweela beesi baabala, khukhwaama khu mweesi mutweela ni khuuniina angaaki boola bikana musaafu ni bitoondo biraano (7,500). 23Khakuuka khano khaaba ni khuuba khu lubeka lwe bukwanyaanga we lisari. 24Be mu Gereshoni bano baaba aasi e buraangilisi bwa Eliyasaafu umusooleli wa Layeli. 25Kumulimo kwaabwe mu tabenakuulo kwaba kwe khuuloolelela lisari lilyeene, ni she khuukubiimbakho she khu ngaaki, ni ngubo ibiimbakho imulyaango, 26ni ngubo itsuungatsuunga mukari mwe lulwaanyi lwe lisari, atweela ni ngubo ni kimikosi kye bwinjililo we lulwaanyi ni shisheeso shayo. Babaandu be mu khakuuka khano khe ba Gereshoni baaba nga nibo be khuurekekha i tabenakuulo yino atweela ni khuukisambulaka nga byaweele.

27Bukuuka bukyeekhe bwe mu Kohasi bwaba nibo ba Amuramu, ba Izihari, ba Heburoni, ni ba Uziyeli. 28Nga baabalile be seetsa boosi khukhwaamila khuwe kumweesi mutweela khuuniina angaaki, boosi boola babaandu bikana shinaane ni bitoondo bisesaba (8,600). 29Babaandu be mu Kohasi bano baaba bali ni khuura i kaambi yaabwe khu lubeka lwe mwaalo lwe lisari, 30n’umuraangilisi waabwe aaba Elizafani, umusooleli wa Uziyeli. 31Kumulimo kwaabwe mu lisari kwaba kwe khuuloolelela Isanduuku ikhosefu, ni meetsa khweesi baabiikhatsaka kumukaati kumukwalaafu, kumukhoondi khweesi beemisatsaka itaala, bibyeeso, bibiindu byoosi bibyaraambisibwatsaka mu khwisaaya, ni ngubo iyabiimba iburaangisi we shiifwo shishifuura bukhosefu. Babaandu ba Kohasi bano baaba nga nibo babaarekekha bibiindu bino, ni khuubirusawo nga kumulimo kwaaweele.

32Eliyazari umusooleli wa Aroni, niye uwaba umuraangilisi we baaraangilisi be ba Levi boosi, ni khuukhakakho khuubona ari kumulimo kwe khu lisari kukholebwa.

33Bukuuka bukyeekhe bwe mu Merari bwaba nibo ba Mahili ni ba Mushi, 34boosi atweela baabalibwa be seetsa, khukhwaama khuwe kumweesi mutweela khuuniina angaaki boola bikana bisesaba ni bitoondo bibili (6,200). 35Babaandu be mu Merari bano baaba bali ni khuura i kaambi yaabwe khu lubeka lwe ngaaki lwe lisari. N’umuraangilisi waabwe aaba niye Zuriyeli umusooleli wa Abihayili. 36Bano boosi baaweebwa kumulimo kwe khuuloolelela tsifuremu tse lisari, kimibya kimisimikha, kimirongoolo, bye khukhwiimisamwo, ni bibiindu byamwo bibiindi. Nibo kumulimo kwaabwe kwaba kwe khukhola khu biindu bino. 37Naluundi baaba bali ni khuuloolelela tsintseko tse lulwaanyi lwe bulafu, ni kimirongoolo kyayo, ni bye khukhwiimisamwo byayo, ni bitsaangi, atweela ni kimikosi kyakhwo.

38Ne Musa ni Aroni atweela ni basooleli baabwe, baaba nga bali khuura i kaambi yaabwe khu lubeka lwe bwaamanyaanga we lisari, ni khuubona bari ba Isiraeli besaaya musaambo iyaakhila buulayi mu shifwo shikhosefu. Abe umuundu ukuundi yeesi ukhakakho khukhwiitsa khuukhola kumulimo kweesi Musa ni Aroni baaba nga bakhola, abe ali ni khukhwiiribwa. 39Baryo Musa ni Aroni baatsya mu moni khuubala ba Levi, nga batsiila khu bukuuka bwaabwe bukyeekhe, ni tsiingo. Buryo buukali bwe ba Levi bano, khukhwaamila khuwe kumweesi mutweela khuuniina angaaki, boosi atweela boola kimikaanda kibili ni bikana bibili (22,000).

Ba Levi bayila shiifwo she Basooleli baakiboole

40Ndi luundi Umukasya waalomela Musa ari, “Khola luruungo, ubale babaana besiinde baakiboole be babaandu ba Isiraeli boosi, khukhwaama mu buli tsiingo, khuurakikhila khuwe kumweesi mutweela khuuniina angaaki. 41Bano boosi kane babe babaase, ne mu shifwo shaabwe kane ise ifukiilise ba Levi, atweela ni bikiboole bye bibyaayo byaabwe, mu shifwo she bikiboole bye bibyaayo bye ba Isiraeli babaaramile.”

42Aryo Musa waakhola nga Umukasya n’amulakila, waabala babaana besiinde baakiboole be babaandu ba Isiraeli. 43Boosi khukhwaamila khuwe kumweesi mutweela khuuniina angaaki, boola kimikaanda kibili, bikana bibili, ni bitoondo musaafu na bataru (22,273).

44Lwanyuma ndi Umukasya waalomela Musa ari, 45“Ari n’uwaaneyo ba Levi khuuba iwoongo isi ise mu shifwo she babaana besiinde baakiboole be babaandu ba Isiraeli, naluundi uwoongeyo bibyaayo bye ba Levi bikiboole isi indi, mu shifwo she bibyaayo bikiboole bye ba Isiraeli. Ba Levi ari bali babaase. 46Ne bona babaana besiinde baakiboole be ba Isiraeli bali baakali naabi khufuurakho ba Levi, nga babafuurira bukali bwe bitoondo bibili ni kamakhumi musaafu na bataru (273), ingana ubakule khukhwaama isi samweene ubalooselekho. 47Lwa buli mutweela khu beene abo, uli ni khuusasulayo bisiintsa bye feetsa biraano, nga nibwo buukusi bwaŋali. 48Kamapeesa kano ukawe Aroni ni basooleli beewe.”

49Aryo Musa waakhola sheesi Umukasya aamulomela, waabuusa kamapeesa kano khukhwaama khuubo bitoondo bibili ni kamakhumi musaafu na bataru (273). 50Bisiintsa bye feetsa bino atweela byoosi bibyabuusibwa byoola shikana shitweela, bitoondo bitaru, ni kamakhumi kasesaba (1,365). 51Lwanyuma Musa waabisuta waabiwa Aroni ni basooleli beewe, nga Umukasya umweene n’amulomela khuukhola.