Swahili Bible2

9

Babaandu bebiiyisa bibyoonako byaabwe

1Lwanyuma khu shifukhu shishikhola kabili na bine, she kumweesi mwene ukwo kwe kumusaafu, ba Isiraeli baabuusana, baakhalawo khuubuya intsala, baakwaara bikwaaro bye bukoongwe, naluundi batuumaka lifukhuulu mu matsuune kaabwe, khukhwookesa bari bali mu mutaambo. 2Ba Isiraeli bekhalakho babeene khukhwaama khu baandu babaaba be kamanaambo kakaandi, kila ba Isiraeli bebiiyisa bibyoonako byaabwe, ni bye bakuuka baabwe. 3Baamala tsisaawa tsitaru tsimbuufu, nga barekeeresa byeesi baabasomela khukhwaama mu Makaambila k’Omukasya, Wele waabwe. Nio tsisaawa tsitsyalooselakho tsitaru, babaandu bebiiyisa bibyoonako byaabwe naluundi besaaya Umukasya.

4Aabawo ba Levi babeemikha khu shikuusi abe sheesi bakholile sha buraawa, baloomba naluundi bakuukuula isi Umukasya Wele waabwe. Baaba nibo bano: Yeshuwa, Bani, Kadimiyeli, Shebananiya, Buni, Sherebiya, ni Chenani. 5Lwanyuma ba Levi Yeshuwa, ni Kadimiyeli, ni Bani, ni Hashabineniya, ni Sherebiya, ni Hodiyiya, ni Pesahiya, baloma bari: “Yinyukha khu ngaaki muruuye Umukasya Wele weenywe, uliwo biilo ni biilo. Khayo khusiime lisina lyeewe, liliili angaaki khuuminyisa, khuruuya khwoosi ni khusiima khwoosi.”

6Kila Ezira aloma ari:

Iwe wenyene niye Umukasya,

Umubuumbi we likulu

ni tsinieniesi tsyoosi.

Umubuumbi we shibala

ni n’abo boosi babaashimenyamo.

Umubuumbi we nyaantsa,

ni bibiindu bibikimenyamo byoosi.

Iwe niye isebele iye buulamu,

iwe niye isi tsinieniesi tsitsyetsula

mu ngaaki tsiruuya.

79.7 a Rak 11.31; 12.1; b: Rak 17.5Iwe uli Umukasya Wele weefwe,

iwe niye uwarobora Iburamu

waamwaamisa mu shibala she Uri,

mu Babulooni,

waamutwiikha uri Iburayimu.

89.8: Rak 15.18-21Khulwekhuuba aaba ali umuundu umwiyikinwa,

iwe waakhola indakaano ni naye

iye khuuwa lisaaye lyoowo

shibala abe shishiilimo ba Kanani,

ba Hiti,

ba Amori ni ba Perizi

ni ba Yebusi,

ni ba Girigashi.

Bona ari iwe wolelesele sheesi wamulomela niye,

nga buli busheele iwe ni wolelesa byeesi uba walomele.

99.9 a Luky 3.7; b: Luky 14.10-12Nga bakuuka beefwe bali mu Misiri,

iwe wabona kumutaambo kweesi baabamo;

ni baloomba isi iwe nga bali khu nyaantsa Imbesemu,

iwe wabayeeta waabatiimiilila.

109.10: Luky 7.8—12.32Iwe waamanya uri umuyiinga uwa Misiri

ni linaambo lyeewe ni baraangirisi beewe

abe bamiinikhilisa babaandu boowo.

Nashiryo iwe wakhola bye kamakaanga bibiriisa

khu ba Misiri

waakila baakhurya iwe naabi

ni khukhwoolisa lwe shaleelo luno.

119.11 a Luky 14.21-29; b: Luky 15.4,5Iwe wakabananisamo inyaantsa khabili

waakila babaandu boowo baabiramo

nga bakyeendela khu liloba lilyoomu busa.

Ne iwe wakholowa baasiku baabwe

beekha nga kamabaale mu meetsi,

kameetsi kaabamila.

129.12: Luky 13.21,22Abe buli kumuusi iwe uraangirira babaandu boowo

nga uraambisa lifuumbi liikali,

ne mu shilo waraambisa kusiindi kwe kumulilo

khuubamulikhila babone intsila isi bakyeendelakho.

139.13: Luky 19.18—23.33Iwe weekha aasi khu lukiingi Sinaayi

nga waama mwikulu waabakanikhayo,

nio waakila iwe waawa babaandu boowo

kamakaambila kamalayi ni biilakilo biilayi

ni ndeekela indayi.

14Iwe wabaleekela nibo khukhwiisa lukoosi

mu shifukhu shoowo shikhosefu sha Sabato,

naluundi waalakila umwakaanisi woowo Musa

khuubaleekela nibo kamakaambila koowo.

159.15 a Luky 16.4-15; b: Luky 17.1-7; c: Maka 1.21Nga intsala ni yabalya,

iwe wabawa biilyo khukhwaama mwikulu,

naluundi buulesa ni bwabalya,

iwe wabawa kameetsi khukhwaama mu lwaanda.

Lwanyuma iwe waabalakila khuutsya

khuwaamba shibala

sheesi abe wamala khaale khukhwitsuba

uri ukhaabawe nibo.

169.16: Bala 14.1-4; Maka 1.26-33Ne ndi bakuuka beefwe tsena abo

baaba ni shikili shikali

baalekha khuuloondelela kamakaambila koowo ta.

179.17: Luky 34.6; Bala 14.18Baalekha khurekeeresa bibyoowo ta,

naluundi baalekha khushebulila bye kamakaanga

byeesi iwe wakhola nga naabo baboone ta.

Ne khulwe khuukhuminyaalila iwe

beeroborera babeene umuraangirisi

khuubamiinikhilisa nga ni baaba i Misiri.

Ne iwe uli Wele uli mwirekefu khukhwiiyakhila,

iwe uli uwe bubweela naluundi uwe shiisa,

uwikhalilikha,

naluundi uli ni khuukana khukhuukhakama ta.

Nashiryo iwe walekha khubaantsukha nibo ta.

189.18: Luky 32.1-4Ikhaba nga nibo bebuumbila babeene

shifwaani she moosi,

bakhufwotsola iwe naabi,

bashisaaya nga baloma bari,

“Ba Isiraeli, uyuno niye Wele

uwabarusa inywe mu khutaambisibwa i Misiri.”

199.19: Maka 8.2-4Khulwe shiisa shoowo shikali,

iwe siwabaantsukha mu mubiimbi ta;

siwabarusakho lifuumbi

abe lilibaraangirira nibo kumuusi,

namwe kumulilo abe kukubaraangirira mushilo

khubokesa intsila khweesi bali ni khuutsya ta.

20Iwe wabawa Umwoyo woowo umulayi

khuubaraangirira nibo.

Iwe siwaloba khuubawa nibo biilyo,

namwe khuubawa kameetsi ta.

21Iwe wabaliindila nibo mu mubiimbi

khuumala kimiiko kamakhumi kane;

nga mbaawo sheesi bekoomba ta.

Bikwaaro byaabwe sibyonuukha,

namwe bikele byaabwe byasiila ta.

229.22: Bala 21.21-35Iwe wabawa kamaani ke khuuwula

bayiinga ni kamanaambo mu busoolo,

waakila baabukula kamaswa ke babaandu abo.

Bawaamba shibala sha Sihoni,

umuyiinga wa Heshiboni,

ni sha Ogo,

umuyiinga uwa Bashani.

239.23 a Rak 15.5; 22.17; b: Yos 3.14-17Iwe wabayila waabawa shibala

sheesi abe wasubisa khuuwa bakuuka baabwe;

wabawa tsikhabi tsye lisaaye liikali,

baaba baakali khuuminyisa tsinieniesi tsye khwikulu.

249.24: Yos 11.23Lisaaye lyaabwe lyatsya lyaawaamba shibala isho,

beekela baawuli baasho.

Iwe wabayeeta khuuwula mu busoolo

bayiinga ni babaandu be mu Kanani,

waalekha uri bakhole sheesi bakana

khu baasiku baabwe.

259.25: Maka 6.10,11Bawaamba biriimba byeesi bebotookhelesa kamatikiiyi,

ni kimikuunda kikyaama biilyo biilayi.

Beela muntsu abe tsitsiilimo bibiindu biilayi,

baanywa kameetsi musebele tseesi nibo bakhaayaba ta.

Baanyoola kimikuunda nga kilimo biilimwa biikali.

Baalya biilyo bekura,

naluundi baakhomela buulayi busa

beekhoya khulwe tsiikhabi khukhwaama isi iwe.

269.26: Baak 2.11-16Ne shitweela busa baakhuminyaalila iwe,

naluundi baakhushukhakho khusiiwe.

Baaminyaalila kamakaambila koowo,

naluundi beera baŋoosi boowo

beesi iwe wamweene waabasiindikhila khuubareewula,

uri nio bakobole isi iwe.

Baakhola bibiindu biikali bibikhukhomyaasa iwe.

27Nashiryo iwe wabawaanayo

mu makhono ke baasiku baabwe,

waakila baababirisa buubi naabi.

Ne mu khutaambisibwa khweesi baaba balimo,

bakhulilila iwe bari ubayeete.

Nga iwe uli mwikulu warekeeresa

khuulila khwaabwe, wabawa sheesi baaloomba.

Khulwe shiisa shoowo shikali,

iwe wabasiindikhaatsakila baawonesi

baabawonesatsaka khukhwaama khu baasiku baabwe.

28Ne abe uli bafunakho luukoneele,

baakhola bibyoonako luundi,

nawe abe ndi luundi wabaantsukhila baasiku baabwe,

khuubabirisa buubi.

Abe uri bakobola isi iwe baloomba buyeeti,

khulwe shiisa shoowo,

iwe wabatimiilila khukhwaama mwikulu.

299.29: Lev 18.5Iwe wabeelelela khuubareewula

uri bakoboleyo khuuloondelela

kamakaambila koowo.

Ne shitweela busa beebirisa buubi,

baalekha khuuloondelela kamakaambila koowo ta.

Balekha khuuloondelela kamakaambila

kakaareera buulamu ta,

ne akhali baaba ni shikili

beeloosela busa khukhuuminyaalila iwe.

309.30: 2 Bay 17.13-18; 2 Kim 36.15,16Iwe wabekhaliilikha khuumala kimiiko kimikali

naluundi waabareewula nga Umwoyo woowo

abirira mu baŋoosi boowo.

Ne shitweela busa baalekha khurekeeresa ta.

Nashiryo iwe wabaantsukha

mu makhono ke baasiku baabwe luundi.

31Ne shitweela busa,

khulwekhuuba iwe uli Wele

uwe shiisa shiikali naluundi uwiyakhila,

waalekha khubahesa

namwe khubaantsukha ta.

329.32: 2 Bay 15.19,29; 17.3-6; Ezira 4.2,10 “Ni nashiryo, Wele weefwe,

iwe uli uwe kamaani, umunyali uwa byoosi,

iwe niye isi babaandu boosi barya,

naluundi iwe uli umwiyikinwa mu ndakaano yoowo.

Ukhabona bihangafu byeesi ifwe,

ikhaba bayiinga beefwe, baraangirisi beefwe,

baŋoosi beefwe, bakuuka beefwe,

byeesi khubiriremo khukhwaama

imbuka isi bayiinga ba Asiriya

baakhuyilila ifwe mu bubowe khukhwoolisa anariha,

nga shishiindu shifwiiti isi iwe ta.

33Ilala, mwiibyo byoosi bibyamala

khuukhukholikha khusiifwe,

iwe warama nga uli uwaŋali mu byoosi.

Iwe warama nga uli umwiyikinwa,

n’efwe khwakhola bibyoonako.

34Bayiinga beefwe, ni baraangirisi beefwe,

ni basaayi beefwe, ni bakuuka beefwe,

sibaloondelela kamakaambila koowo ta,

namwe khureewula khweesi iwe wabawa ta.

35Ikhaba nga iwe wabawa nibo buyiinga,

ni bibiindu biilayi biikali naabi,

ni liloba liikali naluundi liilayi,

ne nibo baloba khukhwaantsukha bibyoonako byaabwe.

36Bona ari ifwe khuli baakulwa,

mu shibala sheesi iwe wawa bakuuka beefwe,

uri balye bilimwa byamwo ni biwaanwa biilayi!

37Likesa lyamwo liilayi lyoosi,

liweela khu bayiinga beesi iwe warawo

uri babe baawuli beefwe,

khulwe bibyoonako byeefwe.

Bakhwoolisa khusiifwe kumutaambo kumukali,

bibyaayo byeefwe bayila nga ni bekanisa.

Khuli mu mutaambo kumukali.”

Babaandu bakhola indakaano

38Ni nashiryo, khulwe bibiindu bino byoosi, ifwe khulikho khukhola indakaano, khukirone. Baraangirisi beefwe, ni ba Levi beefwe, ni basaayi beefwe, boosi batsya khuukiisakho kimikhono kyaabwe.