Swahili Bible2

7

1Lwanyuma lwe khukhwoombakha bushaakha litikiiyi, khwaramo kimilyaango, naluundi khwaarawo baaliindi khu Lisaayilo Likhulu, ni babeembi be kimyeenya, naluundi ba Levi babaandi bawaambisibwa buuraambi bwaabwe. 2Ise nawaamba wandaayase bari Hanani, khuuba umuwuli mu Yerusalemu, atweela ni Hananiya, umuraangirisi uwe liiye lye mu lumako. Khulwekhuuba abe Hananiya ali umwiyikinwa, naluundi abe arya Wele khuuminyisa babaandu babafuura buukali. 3Baabili bano nabalomela ndi, “Mukhalekha bekulawo kimilyaango kye shiriimba Yerusalemu ta, khukhwoolisa nga kumuumu kwaabiliile ilala. Bona muri bekalawo bakhomekhele ilala, nga bashiili khurura khu mulimo kwe khuliinda ta. Robora baaliindi khukhwaama mu bekhali be mu Yerusalemu, nga buli mutweela ali ni shiifwo shisheewe, nga shili aambi ni ingo weewe.”

Luruungo lwe babaakobola khukhwaama mu bubowe

(Ezira 2.1-70)

4Ikhaba nga Yerusalemu imbalaayi, ne babaandu babaamenyamo abe bali bakyeekhe bari, naluundi abe mbaawo tsintsu tsimbyaakha tsyeesi baamala khukhwoombakhamo ta.

5Nashiryo Wele waamba shishambaaso she khuubuusa be muungo mw’omuyiinga, ni baraangirisi, ni babaandu ba busheele, imbarone aasi khuuloondekhana ni luruungo lwe khuusaalikha khwa buli mutweela. Nanyoola shitabo shishiilimo luruungo lwaabo babaanyoowa khuukobola khukhwaama mu bubowe. Bano nibo beesi nanyoolamo.

6Nga babaandu bano nibo babaakobola khukhwaama mu bubowe bweesi Nabukaduneza umuyiinga wa Babulooni aabayilila, ne nga ari abe bamenya mu shisiintsa shino, sha Yuda ni Yerusalemu. Buli mutweela abe amenya mu shiriimba she waabwe. 7Beetsa ni Zerubabeli, Yeshuwa, Nehemiya, Azariya, Ramiya, Nahamani, Modekaayi, Bilishani, Misiperesi, Bikifayi, Nehumu, ni Banaha.

Mu basaani ba Isiraeli, abe buli muungo boola bari: 8be lisaaye lya Parosi, bikana bibili, shitoondo shitweela ni kamakhumi musaafu na babili (2,172). 9Be lisaaye lya Shefatiya, abe boola bitoondo bitaru ni kamakhumi musaafu na babili (372), 10be lisaaye lya Ara, abe boola bitoondo bisesaba ni kamakhumi karaano na babili (652) 11be lisaaye lya Pahasi Mowabu, khubirira muunda iya Yeshuwa ni ya Yowabu, abe boola bikana bibili, bitoondo shinaane ni likhumi na shinaane (2,818), 12be lisaaye lya Elamu, abe boola shikana shitweela, bitoondo bibili ni kamakhumi karaano na bane (1,254), 13be lisaaye lya Zatu, abe boola bitoondo shinaane ni kamakhumi kane na baraano (845) 14be lisaaye lya Zakayi, abe boola bitoondo musaafu ni kamakhumi kasesaba (760) 15be lisaaaye lya Binuyi, abe boola bitoondo bisesaba ni kamakhumi kane na shinaane (648) 16be lisaaye lya Bebayi, abe boola bitoondo bisesaba ni kamakhumi kabili na shinaane (628) 17be lisaaye lya Azagadi, abe boola bikana bibili, bitoondo bitaru ni kamakhumi kabili na babili (2,322), 18be lisaaye lya Adonikamu, abe boola bitoondo bisesaba ni kamakhumi kasesaba na musaafu (667), 19be lisaaye lya Bigifayi, abe boola bikana bibili ni kamakhumi kasesaba na musaafu (2,067), 20be lisaaye lya Adini, abe boola bitoondo bisesaba ni kamakhumi karaano na baraano (655), 21be lisaaye lya Ateri, khubirira munda iya Hezekiya, kamakhumi syeenda na shinaane (98), 22be lisaaye lya Hashumu, bitoondo bitaru ni kamakhumi kabili na shinaane (328), 23be lisaaye lya Bezayi, abe boola bitoondo bitaru ni kamakhumi kabili na bane (324) 24be lisaaye lya Harifu, shitoondo shitweela ni likhumi na babili (112) 25be lisaaye lya Gibiyoni, kamakhumi syeenda na baraano (95).

26Be lisaaye lilyaama i Beselehemu ni Netofa, abe boola shitoondo shitweela ni kamakhumi shinaane na shinaane (188), 27khukhwaama mu shiriimba she Anasosi, shitoondo shitweela ni kamakhumi kabili na shinaane (128), 28khukhwaama mu shiriimba she Besi Azimafesi, abe boola kamakhumi kane na babili (42) 29khukhwaama mu Kiriyasi Yearimu, Kefira ni Berosi, bitoondo musaafu ni kamakhumi kane na bataru (743), 30khukhwaama i Rama, bitoondo bisesaba ni kamakhumi kabili na mutweela (621), 31khukhwaama i Mikamasi, shitoondo shitweela ni kamakhumi kabili na babili (122), 32khukhwaama i Beseli ni Ayi, shitoondo shitweela ni kamakhumi kabili na bataru (123), 33khukhwaama mu shiriimba she Nebo shishiindi, kamakhumi karaano na babili (52), 34khukhwaama mu Elamu, shikana shitweela, bitoondo bibili ni kamakhumi karaano na bane (1,254), 35khukhwaama mu Harimu, abe boola bitoondo bitaru ni kamakhumi kabili (320), 36khukhwaama i Yeriko, bitoondo bitaru ni kamakhumi kane na baraano (345), 37khukhwaama i Lodi, Hadidi, ni Ono, bitoondo musaafu ni kamakhumi kabili na mutweela (721), 38khukhwaama i Senaha, bikana bitaru, bitoondo syeenda ni kamakhumi kataru (3,930).

39Basaayi babaakobola baaba boola bari: khukhwaama mwisaaye lya Yedayiya, nga nimwo mumuuli be nda iya Yeshuwa, abe boola bitoondo syeenda ni kamakhumi musaafu na bataru (973), 40be lisaaye lya Imeri, shikana shitweela ni kamakhumi karaano na babili (1,052) 41be lisaaye lya Pashuri, abe boola shikana shitweela, bitoondo bibili ni kamakhumi kane na musaafu (1,247), 42be lisaaye lya Harimu, abe boola shikana shitweela ni likhumi na musaafu (1,017).

43Ba Levi babaakobola, nga bali be lisaaye lya Yeshuwa, khuubirira muunda iya Kadimiyeli, ni Hodafiya, abe boola kamakhumi musaafu na bane (74), 44Babeembi be kimyeenya, be lisaaye lya Asafu, abe boola shitoondo shitweela ni kamakhumi kane na shinaane (148). 45Babaliinda khu bilibwa: be lisaaye lya Shalumu, lisaaye lya Talumoni, lisaaye lya Akubu, lisaaye lya Hatita, lisaaye lya Shobayi, atweela abe boola shitoondo shitweela ni kamakhumi kataru na shinaane (138).

46Babaraamba mu Lisaayilo Likhulu nga nibo: be lisaaye lya Ziha, lisaaye lya Hasufa, lisaaye lya Tabawosi, 47be lisaaye lya Kerosi, lya Siya, lya Padoni, 48be lisaaye lya Lebana, lya Hagaba, lya Shalumayi, 49be lisaaye lya Hanani, lya Gideli, lya Gahari, 50be lisaaye lya Reyayiya, lya Rezini, lya Nekoda, 51be lisaaye lya Gazamu, lya Uza, lya Paseya, 52be lisaaye lya Besayi, Meyunimu, lya Nefusimu, 53be lisaaye lya Bakabuku, lya Hakufa, lya Harihuri, 54be lisaaye lya Bazilusa, lya Mehida, lya Harasha, 55be lisaaye lya Barakosi, lya Sisera, lya Tema, 56be lisaaye lya Neziya, ni lya Hatifa.

57Abo babaakobola khukhwaama mu baraambi ba Solomoni baaba nibo bano: be lisaaye lya Sotayi, lya Soferesi, lya Perida, 58be lisaaye lya Yala, lya Darukoni, lya Gideli, 59be lisaaye lya Shefatiya, lya Hatili, lya Pokeresi Hazebayimu, ni lya Amoni.

60Khukhwaama khu buli lisaaye lyaabo abe babaraamba mu Lisaayilo Likhulu ni n’abo abe babaaba baraambi ba Solomoni, atweela abe boola bitoondo bitaru ni kamakhumi syeenda na babili (392).

61Babeelakho bano, abe baama mu biriimba bino: Teli Malaha, Teli Harasha, Kerubu, Adoni, ni Imeri. Ne abo bakhaasikhana isaambo iye khushihandalasa bari tsiingo tsyaabwe tsili tsye lisaaye lye ba Isiraeli, nibo bano: 62lisaaye lya Delayiya, lya Tobiya, lya Nekoda, nga bali bitoondo bisesaba ni kamakhumi kane na babili (642). 63Basaayi khukhwaama mu beene abo baaba nibo: be lisaaye lya Hobayiya, lisaaye lya Hakozi, lisaaye lya Barizilayi (uyuno ayila umukhaana uwa Barizilayi, khukhwaama i Gileyadi, waakila baamuwa ni lisina ilyo).

64Be lisaaye lya Hobayiya, ni lya Hakozi, ni lya Barizilayi, baaweentsa luruungo luluwaamba khu lisaaye lyaabwe, ne baalekha khunyoola ta. Nashiryo, baabarusa khu kwe busaayi, khulwekhuuba abe bali be mbikho. 657.65: Luky 28.30; Maka 33.8Shino shaakila gafana waabalobela khuukabananila atweela ni babaandu babaandi khu bilyo bikhosefu, khukhwoolisa nga umusaayi ukhola buŋoosi nga araambisa Urimu ni Sumimu, nga waabonekhile.

66Basaayi babaakobola abe boolisa babaandu kimikaanda kine, bikana bibili, bitoondo bitaru, ni kamakhumi kasesaba (42,360), 67baraambi baabwe abe boola bikana musaafu, bitoondo bitaru, ni kamakhumi kataru na musaafu (7,337); ni babeembi be kimyeenya, basaani ni baakhasi, nga boola bitoondo bibili ni kamakhumi kane na baraano (245). 68Abe bali ni tsiŋwaaŋwa bitoondo musaafu ni kamakhumi kataru na basesaba (736), tsinyuumbu bitoondo bibili ni kamakhumi kane na baraano (245), 69tsiŋamiya bitoondo bine ni kamakhumi kataru na baraano (435), ni tsisikilya bikana bisesaba, bitoondo musaafu ni kamakhumi kabili (6,720).

70Batweela khu baraangirisi be tsiingo tsyaabwe baawayo biwaanwa, mu khuyeeta khukhwoombakha Lisaayilo Likhulu bushaakha. Gafana umweene aawaanayo izaabu iyoola tsikilo shinaane ni shisiintsa, bipwakhuli bibiraambisibwa mu Lisaayilo Likhulu kamakhumi karaano, ni bikwaaro bye basaayi bibyoola bitoondo biraano ni kamakhumi kataru (530). 71Batweela khu baraangirisi be tsiingo baawaanayo mu libiikhilo izaabu iyoola tsikilo shitoondo shitweela ni kamakhumi kasesaba na shinaane (168), n’ifeetsa iyoola tsikilo shikana shitweela, bitoondo bibili ni kamakhumi karaano (1,250). 72Babaandu babaaramire boosi baawaanayo bibiindu bibyoola tsikilo shitoondo shitweela ni kamakhumi kasesaba na shinaane (168) tsy’ezaabu, ni tsikilo shitoondo shitweela ni kamakhumi kane (140) sh’efeetsa, ni bikwaaro bye basaayi kamakhumi kasesaba na musaafu (67).

737.73: 1 Kim 9.2; Neh 11.3Nashiryo basaayi, ba Levi, babaliinda khu bilibwa, babeembi be kimyeenya, ni baraambi be mu Lisaayilo Likhulu, ni ba Isiraeli boosi, abe buli mutweela amenya mu shiriimba she waabwe.