Swahili Bible2

13

Khukhwaawulamwo babeetswa

113.1: Maka 23.3-5Khu shifukhu isho khweesi beelwaatsilakho isi buli mutweela Kamakaambila ka Musa, shanyoolikhana nga babaandu ba Amoni ni ba Mowabu, sibaafukiilisibwa khuubalibwa nga babaandu ba Wele ta. 213.2: Bala 22.1-6Khulwekhuuba ba Isiraeli ni baaba bengila mu Kanani, babaandu abo baaloba khuubawa biilyo ni kameetsi. Naluundi babaandu abo baaraambisa Balamu khuutsuba ba Isiraeli. Ne Wele weefwe waashuusa shitsubo isho, waashikyelisamo ikhabi. 3Lwanyuma lwe khuurekeeresa Kamakaambila ka Musa, ba Isiraeli baatimisa abo boosi babaakhaaba ba Isiraeli ta.

Byeesi Nehemiya aashuusaŋanamwo

4Nga bino bishiili khukwawo ta, abe umusaayi Eliyashabu waaroborebwa khuuba nga niye uloleelela kamabiikhilo ke mu Lisaayilo Likhulu. Eliyashabu yuno abe ali umulebe uwa Tobiya. 5Nashiryo Eliyashabu waawa Tobiya bitweela khu biseenge bye kamabiikhilo, abe mweesi babiikha bibiindu bikhali bitweela ta, nga mulimo biwaanwa bibyaama mu likesa, bubaani, bipwakhuli bibiraambisibwa mu Lisaayilo, iviini, ni kamafura ke kuusaala ku olivu. Bino abe biba nga baabiweele ba Levi, babeemba kimyeenya, babaaliinda khu Lisaayilo, ni biwaanwa byeesi bayilila basaayi.

6Bino byakholikha mu mwiiko kwe kamakhumi kataru na kibili kwe buwuli bwa Ahasweero, nga umuyiinga uwa Babulooni. Mu mbuka iyo abe ise siindi mu Yerusalemu ta, khulwekhuuba abe naatsya khukeniyilakho umuyiinga uyo. Lwanyuma namusaba waafukiilisa ise 7khukhwiilayo mu Yerusalemu. Nga noolile nio naanyoola she mbikho sheesi Eliyashibu aakhola, khuuwa Tobiya shiseenge she khuukonamo, mu Lisaayilo. 8Khulwe lirima liikali, nawaamba bibiindu bya Tobiya byoosi naabitumaka ibulafu. 9Lwanyuma naalakila ndi bapyeluuse biseenge ibyo. Kila ingobosamo bibiindu abe bibiraambisibwa mu Lisaayilo lya Wele, ni bye likesa, ni bubaani.

1013.10: Maka 12.19Naluundi ise nashifumbula ndi, babeemba kimyeenya mu Lisaayilo, ni ba Levi baakali busa baakobolakayo iwaabwe khuulima biilyo, khulwekhuuba abe sibabawakho bibyaamile mu likesa ta. 11Kila inaanga baraangirisi boosi, nabekiitsa nga imbareeba ndi, “Shiina kila babaandu baantsukha Lisaayilo lya Wele?” Lwanyuma naabalakila khukhwiilayo buli mutweela khu buraambi bweewe.

1213.12: Mal 3.10Lwanyuma lwa bino, babaandu be mu Yuda boosi, baareera biwaanwa bya shitweela she likhumi she likesa, iviini, ni kamafura, baabiyila mu mabiikhilo. 13Ikhumaliilisa, ise naroborayo basaani bataru be lisuno, khuliinda bibiindu bino ni khuubikabila babaandi. Baaba nibo bano: umusaayi Shelemayiya, Zadoki umuleekeli uwe kamakaambila, ni Pedayiya umu Levi. Umuyeeti waabwe aba bari Hanani, umwaana uwa Zakuri, naluundi umwitsukhulu uwa Mataniya.

14Wele wase, ise inoomba ndi khali ushebuliile ise khulwe bibiindu biilayi byeesi ise ikholeele Lisaayilo ni bubwiyikinwa, ni buraambi bwalyo.

1513.15: Luky 20.8-10; Maka 5.12-14; Yer 17.21,22Naluundi mu biifukhu ibyo, ise nabona bibiindu abe byeesi babaandu be mu Yuda bakhola khu shifukhu sha Sabato. Abe sibaakama khuusuura iviini shonyene ta, ne abe batsya khuukesa biilimwa mu mikuunda kye kimizabibu, kimifiki, ni bibiindi, ni bara khu sikilya tsyaabwe, ni babiyila mu Yerusalemu khuukulisa. Nashiryo ise nabareewula khuulekha khukulisa biilyo khu shifukhu sha Sabato ta. 16Babaandu abe babaawuyila mu Yerusalemu nga baama mu shiriimba Tuulo, abe bareera tsinyeeni ni bibiindu bibiindi ni bakulisa khu shifukhu sha Sabato. 17Khulwe lirima ise nareewura baraangirisi be mu Yuda, nga imbalomela ndi, “Inywe mulikho mukhola shishiindu she bubwoonaki! Mulikho mukhomyaasa shifukhu sha Sabato. 18Mwebiliile muri bakuuka beefwe beebirisa bari, waakila Wele weefwe waakhwantsukha ifwe ni shiriimba shino, waakila khwataambisibwa? Ari shitweela busa mulikho mureera lirima lya Wele khu Isiraeli luundi, khuubirira mu khukhomyaasa shifukhu sha Sabato!”

19Shangoloobe nga ne bushe khu Sabato, nalakila bekalawo biilibwa nga antsye bulikho bwiilabula. Nabalomela ndi mbaawo khukhwikulawo ta, khukhwoolisa nga shifukhu sha Sabato shaweele. Narawo baaliindi babaase samweene khu bilibwa, khuubona bari mbaawo she khukulisibwa shishireerebwa mu shiriimba khu Sabato ta. 20Ifuunda indweela namwe tsibili, babaakhola bye khuukulisa baakonela ibulafu we shiriimba Yerusalemu, ni byeesi bakulisa byaabwe. 21Ne nabareewura ndi, “Ne ni mumala mweelakho mwaakhola isho luundi, kane mbawaambe imbabowe.” Khukhwaamila abweene awo, baalekha khukhwiitsakho luundi khu Sabato ta. 22Ise nalakila ba Levi khukhwiliinda nga bakhosefu, ni khuuliinda biilibwa khu Sabato, babone bari shifukhu isho shiliindibwa nga shikhosefu.

Wele, ise inoomba ndi, khali ushebuliile shino nasho, uryo uniinda ise khulwe khuukana khwoowo khukhuukhakama ta.

Bukhwaale ni kamanaambo kakaandi

2313.23: Luky 34.11-16; Maka 7.1-5Lwanyuma nashifumbula ndi iliwo Bayudaaya batweela babaayila bakhasi khukhwaama mu manaambo ke Ashidodi, Amoni, ni Mowabu. 24Babaana baabwe baakali busa abe sibanyala bakanikha lulimi Luheburaniya ta; abe bakanikha lulimi lwe ba Ashidodi, namwe ta tsitsiindi busa. 25Nashiryo khulwe lirima liikali, natsuba basaani abo. Nalakila baabakhupa, baabakhweesakakho ni litsuune lyaabwe. Lwanyuma ise nabetsubila mu lisina lya Wele nga inoma ndi, “Mukhakhakakho mwawayo babaana beenywe bakhaana khukhwaalikha khu baandu abo ta; namwe muyile bakhasi khukhwaama iyo ta. 2613.26 a 2 Sam 12.24,25; b: 1 Bay 11.1-8Bakhasi nga babeene abo nibo babaakila nio umuyiinga Solomoni wakhola bibyoonako. Abe mu manaambo koosi, mbaamo umuyiinga uwaba nga niye ta, naluundi abe Wele amukana naabi. Wakila Wele waamwikesa niye khuuba umuyiinga uwa Isiraeli yoosi. Ne shitweela busa, bakhasi khukhwaama mu manaambo kakaandi baakila niye wakhola bibyoonako. 27Ari mwaambaasa muri kane ifwe khutsiile khu byeesi inywe mulikho mukhola, bye bubwoonaki bwe angaaki bino bye khuyila bakhasi be kamanaambo kakaandi, ifwe khushuukhe khu Wele weefwe?”

2813.28: Neh 4.1Yehoyayida, umusoleeli uw’omusaayi umukhulu Eliyashibu, abe ali n’umwaana umusiinde abe uwayila umukhaana uwa Sanabalati, khukhwaama i Horoni. Nalakila umusiinde uyo khuutsya.

29Wele wase, ise inoomba khali ubashebulile nibo, khulwekhuuba babaandu bano bakhola bye mbikho khu buraambi bwe busaayi ni Ndakaano isi wakhola ni ba basaayi ni ba Levi.

30Lwanyuma nabonela ilala ndi imala mu baandu tsisaambo tsye kamanaambo kakaandi. Nio nawa basaayi ni ba Levi, buli mutweela buraambi bweewe. 31Naluundi nabona indi babaandu baareera tsiikhu tsye khuuraambisa khu sheeso, mu nyaanga niyo inyene, ni khuureera bye likesa bibinyoowa mu nyaanga niyo inyene.

O Wele, inoomba ndi khali umbeele ise tsikhabi, khulwe bibiindu biilayi byeesi ikholile.