Swahili Bible2

26

Tsiikhabi tse khuuba babaawulila Umukasya

(Kamakaambila 7.12-24; 28.1-14)

126.1 a Lev 19.4; b: Luky 20.4; Maka 5.8; 16.21,22; 27.1Umukasya waaloma ari, mukhakholatsakakho shibuumbe, namwe shifwaani shoosi, khukhwaama mu libaale, namwe shishiindu shoosi, mwaashinamila nga mushisaaya ta. Khulwekhuuba ise niye Umukasya Wele weenywe. 2Ise ndi Umukasya, nashiryo muli ni khukhwiisa shiriifwa mu shifukhu sha Sabato ni shiifwo shase shiikhosefu. 326.3: Maka 11.13-15; 28.1-14Ni muba nga mwamenyile nga muloondelela kamakaambila kaase, ni biilakilo byaase, 4kane ise imbawe inywe ifula mu mbuka inyene isi mukikanilamo. Shino kane shinyalise liloba lyeenywe khukhwaama biilimwa mu bukali, ni kimisaala nakyo kibekho bibyaamo biikali. 5Mukhaafune biilyo biikali, shikile likesa libanyoole nga mushiwuula bitaayi, naluundi likesa libewo khukhwoolesa ni mumiitsa luundi. Mukhaabe ni bye khuulya mu bukali, naluundi mukhaamenye mu lukoosi.

6Ikhaabawe inywe lukoosi mu shibala sheenywe, mukone liilo nga simwiyembeelela umuundu yeesi ta. Ikheere tsisolo tsindafu mu liloba lyeenywe intsimalemo, naluundi sikhaabatsakewo buusoolo mu shibala sheenywe ta. 7Mukheraatsake baasiku beenywe babaabebwakala inywe, ni babaandi mukhaabatimise busa batsye. 8Ikhaba basilikhale beenywe baraano bonyene, bakhaanyalise khuufuura baasiku shitoondo shitweela, ni basilikhale beenywe shitoondo shitweela shikhaafuure baasiku kumukaanda mutweela (10,000). 9Ise ikhaabawe inywe tsiikhabi naluundi mube ni babaana baakali, ni nase ikhaaliindatsake ikwangwaani isi ikhaakhole ni nanywe. 10Mukhaakesaatsake biilyo biikali, mulye kumwiiko kwoosi, mwoole ni khuutuuma bilala nio akile mubuunge biilyo bishaakha. 11Ise ikhaamenyaatsake akari eenywe nga imenya mu lisari likhosefu, naluundi ise sikhaabaantsukhe inywe ta. 1226.12: 2 Kor 6.16Ise ikhaamenye akari enywe, inywe mube babaandu baase, ni nase imbe Wele weenywe. 13Ise Umukasya Wele weenywe, nabarusa inywe khukhwaama mu Misiri, indi nio mukhabatsakakho baakulwa luundi ta. Ise nafuniaaka kamaani abe kakaabamiinikhilisa inywe, naabalekhuula mwaakeenda nga mwikana busa.

Biitsubo nga babaandu baaminyaliile Wele

1426.14: Maka 28.15-68Ne siinga mulekha khuwulila byeesi inoma, naluundi mwaalekha khuuloondelela kamakaambila kaase ta, 15mwaambiyila ise, mwaandurakho, mwaafuniaaka indakaano isi ise ikholile ni nanywe, 16kane imbareere biitsubo. Ikhaabareere ingunyi, tsindwaale tsitsikhawona ta, ni kamayima kakile mufwe tsiimoni, buulamu bweenywe buwetsekhelele. Abe mwakhalimiitsa biilyo, ne mukhaamale busa imbuka, khulwekhuuba baasiku beenywe bakhaabafuure inywe mu busoolo, babe nibo babaalya byeesi mumiitsile. 17Ise ikhaabayukhekho ingile baasiku beenywe babafuure inywe, ni nabo babaakhabakana inywe ta, bekele khuuba baawuli beenywe. Mukhaabe ni khuurya khuukali naabi, mwoole khutitukha ni mutima mwenyene busa ikhaba nga mbaawo uli khubatimisa ta.

18Ne noola lwanyuma lwa bino nga shitweela busa simulikho muloondelela byeesi ise inoma ta, ikhaaloselekho shitaambiso khuuba shiibi kimiluundi musaafu. 19Ikhaafuniake kamaani keenywe kakaakila mweniinisa angaaki, mulekhe khuubakho n’ifula nakhari ta, nio akile liloba aasi lyoome libe busa nga shiibya. 20Abe mwakharaamba ni kamaani, mukhaamale busa imbuka, khulwekhuuba kimikuunda kyeenywe sikikhaamemo biilyo ta, ikhaba kimisaala sikikhaabekho bibyaamo ta.

21Lwanyuma ni muba nga mushiminyaalila ise, mulekhe khuuloondelela byeesi inoma ta, nase ikheloosele khubarerera tsindwaale tsiimbi naabi, khukhwoolesa kimiluundi musaafu. 22Ikhaabasiindikhile tsiisolo tsye mwiiswa tsiindafu, tsilye babaana beenywe, ni bibyaayo byeenywe, murame bakyeekhe bari, akile ni kimikhoosi kyeenywe kisiimbe.

23Lwanyuma lwa bino byoosi, shitweela busa nga mwaalobile khuuloondelela byeesi ise inoma, muli khu byeenywe busa, 24awo samweene ikhaabaantsukhe inywe, samweene imbawe bitaambiso biibi naabikho kimiluundi musaafu khuufuurisa bibyanyoowa. 25Ikhaabareere busoolo, khuubawa shitaambiso she khukhwiliyaasa ikwangwaani yase. Nga mwabuusaane mu biriimba byeenywe, ikhaabasiindikhile tsindwaale tsiimbi naabi tsitsikhawona ta, naluundi imbasiindikhile baasiku beenywe babafuure mu busoolo. 26Ikhaabasiindikhile intsala iye kamaani, ikile bakhasi likhumi bateekhe isefuluya indweela yonyene. Bakhaabakabananisemo biilyo ibyo, nio abe mwakhalya, simuliikura ta.

27Ne lwanyuma lwa bino byoosi, shitweela busa nga mwaalobile khuuloondelela byeesi ise inoma, nga muli khu byeenywe busa, 28kane ise imbayukhekho imbokesanise lirima, imbawe shitaambiso shishituumawo kimiluundi musaafu. 29Khulwe ntsala ingali ikhaabewo, ikhaakile mulye babaana beenywe babeene. 30Ise ikhaatsye khu bikiingi noonakise biifwo byeenywe bye khukhwisaayilamo, isambulake bibyeeso byeenywe, ikholowe kimilaambo kyeenywe khu kye ba wele beenywe. Kumwoyo kwase singane kubakanekho inywe na khari ta. 31Ikhoonakise biriimba byeenywe bikele kamakubili busa, noonakise biifwo byeenywe bye khukhwisaayilamo, nikaane ni khukhwakaanila tsisaayilo tsyeenywe. 32Ise ikhoonakise shibala sheenywe buubi naabi, akile be kamanaambo kakaandi babaakheetse khumenyamo besindukhe sheesi ise ikholile. 33Ise ikhaabasiindikhile busoolo, imbasalanise mu manaambo kakaandi. Shibala sheenywe shikhaarame awo busa, ni biriimba byeenywe bikele busa kamakubili.

34Inywe mukhaabe nga muli mu shibala she baasiku beenywe, ne liiloba lyeenywe likhaabe likana busa nga ni lili mu khuwola. 35Nga lili busa nga kamakubili, likhaabe lili mu khuwola khweesi abe inywe mwaloba khuuliwa. 36Abo babaakhaabe mu bubowe mu manaambo kakaandi babe ni khuurya khuukali naabi, nio abe ikhaba likono ly’embewo khuuwutsa lisaafu, likile batime, bafwaane busa uri umusiku n’ali khuubatimisa. Batime bakwe ni benyukha bonyene busa, ikhaba nga mbaawo uli khubatimisa ta. 37Ikhaba nga mbaawo uuli khuubatimisa ta, bakhaatime bakhaandakililane bonyene busa, ifwaane uri umusiku uliwo. Naluundi simukhaabekho ni kamaani ke khuusoolanisa baasiku beenywe ta. 38Mweesi mukhaafwiile mu shibala she kamanaambo kakaandi, babasiikhe n’ibweene iyo. 39Bakeekhe babaaliramakho khus’iinywe nga bali mu shibala she baasiku beenywe, mukhaawetsekhelele busa muwewo, khulwe bibyoonako byeenywe, ni neebyo bye bakuuka beenywe.

40Ne lisaaye lyeenywe nilyo lilibiiyisa bibyoonako byalyo, ni neebyo bye bakuuka baabwe byeesi baakhola khusi ise, nga ni baantsikaana ise, 41baakila nase naabekaana naabasiindikha mu shibala she baasiku baabwe. Noola lwanyuma lisaaye lyaabwe lyaabeele ni khukhwiwombeekha, naluundi nga baliyile khulwe bibyoonako byaabwe, 4226.42 a Rak 28.13,14; b: Rak 26.3,4; c: Rak 17.7,8nase kane ikhebulile indakaano isi nakhola ni Yakobo, ni Isaaka, ni Iburayimu, shikile isuubise babaandu abo buyaakha indi kane ise imbawe shiibala isho. 43Ne khuunyoowa bali ni khuurusibwa mu shibala isho, nio liloba linyalise khuuwolela ilala nga abe ni lyaakhiile, naluundi bali ni khuuliya mu bwitsufu khulwe khukhwikaana kamakaambila kaase ni biilakilo byase. 44Ne shitweela busa, abe bakhaba nga bali mu shibala she baasiku baabwe, ise singane imbaantsukhile ilala, namwe imboonakisile ilala ta. Singane ise ifuniakilewo ilala indakaano isi ise nakhola ni nabo ta, khulwekhuuba ise ndi Umukasya Wele waabwe. 45Ne khulwekhubeela nibo, ise ikhaashebulile indakaano isi nakhola ni bakuuka baabwe, beesi ise nareera khukhwaama mu Misiri, nga kamanaambo kaboone. Ise nakhola shino nga ingana indi imbe Umukasya Wele waabwe.

46Kano niko kamakaambila, ni biilakilo, n’indeekela byeesi Umukasya aawa Musa nga ali khu lukiingi Sinaayi, ari awe ba Isiraeli.