Swahili Bible2

20

Biitaambiso bye babaaminyaalila Wele

1Umukasya waalomela Musa ari, 2boolela ba Isiraeli boosi uri, umu Isiraeli yeesi namwe umwiitswa umenya mu Isiraeli yeesi, ni kane awaaneyo umwaana weewe nga isaayilo isi wele Moleki, bali ni khuumukhupa kamabaale bamwiire. 3Kane ise samweene imukhupe kumukoongo indekhe khumwiinaanayo ta, naluundi imukhalekho imuruse khu baandu baase. Khulwekhuuba aba waaweeleyo mutweela khu baana beewe isi wele Moleki. Mu khukhola shino, umuundu aba waafwotsoole lisiina lyase likhosefu, ni shiifwo shase shikhosefu. 4Ne singa babaandu babaaramire balekha khukhwiinaanayo isi umuundu nga uyo, ni shikholwa sheesi akholile, baalekha khumwiira ta, 5kane ise samweene imukholekho, niye ni be muungo mweewe. Kane imbatuume ibulafu we lituuli lye babaandu baase, ni naabo boosi babaakhola bibiindu nga ibyo biryo.

6Siinga umuundu atsya khukhwireeba khu baandu babaakanikha khuubirira mu bakuuka babaafwa khaale ni baalakusi, kane ise imwiire arure mu lituuli lye babaandu baase. 7Muli ni khukhwiwaanayo isi ise mube bakhosefu, khulwekhuuba ise Umukasya Wele weenywe, indi umukhosefu. 8Ise ndi Umukasya, ubawa inywe tsiikhabi. Ni nashiryo muli ni khuuloondelela biilakilo byaase, mukhole nga ni biloma. 920.9: Luky 21.17; Mat 15.4; Mako 7.10Khulwekhuuba uyo yeesi utsuba paapa weewe ni maayi weewe, ali ni khukhwiiribwa. Mu khutsuba paapa weewe namwe maayi weewe, aba umweene werereere kumusaango.

1020.10: Luky 20.14; Lev 18.20; Maka 5.18Nga umusaani waakholile bye buyeyani n’umukhasi uw’owashe, umusaani uyo n’umukhasi uyo, babaakholile shiikholwa isho bali ni khukhwiiribwa. 1120.11: Lev 18.8; Maka 22.30; 27.20Umuundu uwaamba umukhasi uwa paapa weewe waamukhola khuuba umukhasi uweewe, boombi babaakholile shiikholwa isho bali ni khukhwiiribwa. Khulwekhuuba babeene baba bereerere kumusaango. 1220.12: Lev 18.15Umusaani n’awaamba umukhasi w’omwaana weewe waamukhola khuuba umukhasi uweewe, boombi babaakholile shikholwa isho bali ni khukhwiiribwa. Khulwekhuuba baba baakholile she imbikho, naluundi baba berereere babeene kumusaango. 1320.13: Lev 18.22Umusaani ni etubaasa n’umusaani uwashe waamukhola umukhasi weewe, boombi baba bakholile she mbikho. Bali ni khukhwiiribwa, khulwekhuuba baba berereere babeene kumusaango. 1420.14: Lev 18.17; Maka 27.23Umusaani n’ayila umukhasi waakelawo waayila ni maayiwe usaala umukhasi weewe, isho shiba she kumusilo. Boosi bataru bali ni khukhwookhebwa ni kumulilo bafwe, nio ilekhe khubawo bye kimisilo mus’iinywe ta. 1520.15: Luky 22.19; Lev 18.23; Maka 27.21Umusaani n’awaamba shishaayo waashikhola khuuba umukhasi weewe, niye ni shishaayo isho bali ni khukhwiiribwa. 16Umukhasi n’awaamba shishaayo waashikhola khuuba umuseetsa weewe, niye ni shishaayo isho bali ni khukhwiiribwa. 1720.17: Lev 18.9; Maka 27.22Umusaani n’awaamba umukooko weewe khu luwaande lwa paapa weewe namwe lwa maayi weewe, waamukhola khuuba umukhasi weewe, boombi bali ni khuweebwa shitaambiso khulwekhuuba baakholile she mbikho. Aba waamalilemo umukooko weewe shiriifwa sheewe, ni nashiryo, kumusaango kuba kwaamufuurire. 1820.18: Lev 18.19Siinga umusaani etubaasa n’umukhasi uli khuutsya i masaaba, aba waamalilemo umukhasi uyo shiriifwa sheewe. Boombi bali ni khuweebwa shitaambiso. 1920.19: Lev 18.12-14Mbaawo umusaani khuuwaamba seenge weewe, namwe maayi uloondekhana ni maayi weewe waamukhola khuuba umukhasi uweewe ta. Abo bali baalebe, nashiryo aba wakholile she kumusilo. Boombi bali ni khuweebwa shitaambiso. 20Siinga umusaani awaamba umukhasi uwa paapa weewe ukuundi, waamukhola khuuba umukhasi uweewe, aba waamalilemo paapa weewe uyo shiriifwa. Boombi bano bali ni khuuweebwa shitaambiso, bali ni khuufwa busa nga mbaawo usaalakho umwaana ta. 2120.21: Lev 18.16Siinga umusaani abukula umukhasi uwa wandaaye waamuyila khuuba uweewe, shino shiba she mbikho. Aba waamalilemo wandaaye weewe shiriifwa, ni nashiryo umusaani uyo n’umukhasi babaakholile isho, bali ni khuufwa busa nga sibasaalakho babaana ta.

22Ni nashiryo, muli ni khuuloondelela biilakilo byase ni indeekela yase, mukhole sheesi biloma. Nio shino shikile mumenye buulayi khu liloba lyeesi mutsya khumenyamo. 23Mukheebirisa nga kamanaambo abe kakaali khu liloba ilyo, keesi natimisa kaatsya ta. Khulwekhuuba ise naababiiyila nibo khulwe khuukhola bibiindu nga ibyo biri. 24Ne bona ise naabalomeele inywe indi, intsya khubawa liiloba lyaabwe, shibala shishiilimo liiloba liilayi naabi, lilyaama biilyo biikali. Ise ndi Umukasya Wele weenywe, ubaroboore inywe khuuba baaburaawa naabi khukhwaama khu manaambo kakaandi.

25Ni nashiryo, nga mukana mube bakanwa isi ise, muli ni khukhwaawulawo bisolo ni binywiinywi ibyo byeesi ise imbalakiile inywe khuulya, ni khuulekha khulya ta. 26Nashiryo inywe muli ni khuuba baakhosefu, khulwekhuuba ise Umukasya indi umukhosefu, naluundi naabawuule inywe khukhwaama mu baandu boosi, indi mube babaandu baase. 27Umuundu ukhola kwe buulosi, namwe uloma ari bakuuka babaafwa khaale bakanikha khubirira mu niye, ali ni khukhwiiribwa. Bali ni khuumukhupa kamabaale bamwiire, khulwekhuuba kumusaango kuba kwaamufuurire.