Swahili Bible2

19

Bibiwaamba khu ntsibirisa

1Umukasya waalomela Musa ari, 219.2: Lev 11.44,45; 1 Pet 1.16Boolela lituuli lye ba Isiraeli uri bali ni khuuba baakhosefu, khulwekhuuba ise Umukasya Wele weenywe indi umukhosefu. 319.3 a Luky 20.12; Maka 5.16; b: Luky 20.8; Maka 5.12Ise ndi Umukasya Wele weenywe, ni nashiryo buli mutweela ali ni khukhwiisamo paapawe ni maayi weewe shiriifwa. Naluundi buli mutweela ali ni khukhwiisamo shifukhu sha Sabato lukoosi. 419.4 a Lev 26.1; b: Luky 20.23; 34.17; Maka 17.2-5Ise ndi niye Umukasya Wele weenywe, nashiryo mbaawo khuubuumba bifwaani busa nga ba wele ta.

5Nga umuundu akaanisayo isaayilo ireera lukoosi isi Umukasya, shitsilililwa shili ni khuuba shiri nio Umukasya akaanile khuuloomba khw’omuundu uyo. 6Isaayilo iyo bali ni khuukiliilawo khu shifukhu isho, namwe khu shifukhu shishiilakho. Ne iramakho yoosi khukhwoolesa khu shifukhu shishikhola khataru, bali ni khuukyoosha busa ni kumulilo ilale, iwewo. 7Ni mukilya khu shifukhu shishikhola khataru, isho shiba she imbikho, ise singana ifukiilile isaayilo iyo ta. 8Uyo yeesi ulya khu saayilo iyo aba waasaalile kumusaango, khulwekhuuba aba wafwotsoole shishiindu shishiili shikhosefu isi Umukasya. Umuundu uyo bali ni khuumutuuma ibulafu we lituuli lye ba Isiraeli.

919.9: Lev 27.15; Maka 24.19-22Nga mukesa biilyo khukhwaama mu mukuunda, muli ni khuulekhakho bye khu ndulo khwe kumukuunda, ni n’ebyo bibikwa aasi mukhabyangala ta. 10Nga mukesa kimizabibu kyeenywe, mukhamalilakho ilala ta, namwe mwangala ikyo kikikwiile aasi ta. Muli ni khuulekhela abo babaali bataambi, namwe babeetswa. Ise ndi Umukasya Wele weenywe.

1119.11 a Luky 20.15; Maka 5.19; b: Luky 20.16; Maka 5.20Mukheebatsaka shabeene, namwe mwaakanikha bye bubeeyi, namwe mwaalyakhana ta. 1219.12: Luky 20.7; Maka 5.11; Mat 5.33Ise ndi Umukasya Wele weenywe, nashiryo mukharaambisa lisiina lyase nga mwitsuba byeesi mukhali khuutsya khukhwoolelesa ta.

1319.13: Maka 24.14,15Mukhamiinikhilisatsaka basheenywe, namwe mwaanuula bibiindu byaabwe ta. Muli ni khuusasula kumukheemba kw’omuundu ubaraambiire kumulimo, khu shifukhu shisheene sheesi araambiire. 1419.14: Maka 27.18Mukhatsubatsaka umuundu uuli umumiinyi ta. Namwe mukharawo shishiindu shaareka umuundu uuli umubofu ta. Isho muli ni khuushikhola khulwe khukhuuntsisamo ise lukoosi, khulwekhuuba ise ndi Umukasya Wele weenywe.

1519.15: Luky 23.6-8; Maka 16.19Nga mukhala kimisaango, mbaawo khukhwikhupila lubeka lutweela ta, akhali muli ni khukhwookesanisa bwaŋali isi basheenywe, oba bali bataambi namwe bayiinda. 16Ukhakyeendaana busa mu baandu nga usalanisa kamatsi ta. Naluundi mukhaloba khuuwayo bujulisi bubunyala bwaayeeta umuundu mu musaango ta.

1719.17: Mat 18.15Ukhawaambila uwashoowo liirima waamubiikha mu mwoyo kwoowo ta. Naluundi nga umuundu waakhukhalasile, ukharya khuumulomakho ta. N’ulekha khukhola isho ta, kane ube waakholile shishoonako. 1819.18: Mat 5.43; 19.19; 22.39; Mako 12.31; Luka 10.27; Roma 13.9; Gal 5.14; Yak 2.8Ise ndi Umukasya Wele weenywe. Nashiryo mukhelihaasa ibyo byeesi babaakholilekho, namwe mwaaba ni likoko isi basheenywe ta. Akhali muli ni khuukana basheenywe nga ni mwikana mwabeene.

1919.19: Maka 22.9-11Muli ni khuuloondelela biilakilo byaase, mubone muri, mbaawo umuundu uwaamba shishaayo she isaambo ikiindi, ari shisaale inyana mu shaayo she isaambo ikiindi busa ta, namwe ikhabawo ubyaala biilimwa bye bikuuka bibili mu mukuunda mutweela ta. Naluundi mbaawo khuukwaara ingubo isi baarukha mu buwutsi bwe tsisaambo tsibili ta.

20Umusaani n’awaamba umukulwa uwekhasi isi umuundu ukuundi aamala khaale khuuselela, waamukhola umukhasi uweewe, babaandu babili bano sibeeribwa ta, akhali umusaani ukholile isho ali ni khuuliha. Khulwekhuuba umukhasi abe ashiili umukulwa. 21Umusaani ukholile isho, ali ni khuuyila limiiku, nga isaayilo iye khukhwinyusawo bibyoonako, isi Umukasya. Ali ni khuukiyila ibweeni we lisari likhosefu, 22umusaayi araambise limiiku ilyo khuuloomba ari Umukasya eyakhile umuundu uyo bibyoonako byeewe. Musaambo iyo, kane Umukasya eyakhile umuundu uyo bibyoonako byeewe.

23Nga mwoolile khu liloba lyeesi ise intsya khubawa inywe, muli ni khuubyaala kimisaala kikyaama bibyaamo bye khuulya. Ne mu miiko kikinyoowa kiitaru, mukhalyakho bibyaamo byakyo ibyo ta. 24Mu mwiiko kukuukhola khane, bibyaamo ibyo muli ni khuubiwaanayo musaambo iya buraawa nga biikhosefu, nga musiima Umukasya. 25Ne mu mwiiko kukuukhola kharaano, bikhaame bibyaamo biikali naabi, nio mulye khu byeene ibyo. Ise ndi Umukasya Wele weenywe.

2619.26 a Rak 9.4; Lev 7.26,27; 17.10-14; Maka 12.16,23; 15.23; b: Maka 18.10Mukhalya shishaayo, mwaalya ni kamalasile kaasho ta. Mukhewaambila mu bye bufumu ni khuulakula ta. 2719.27: Lev 21.5; Maka 14.1Mukhawaamba litsuune lyeenywe mwaalibowela inyuma khu ngoolo, namwe mwaabeka khu ndulo khwe bunwaanwa bweenywe ta. 28Mukharona khu mibili kyeenywe bari khulwe khuulila baafu ta. Ise ndi Umukasya Wele weenywe.

2919.29: Maka 23.17Mukhawaanayo babaana beenywe bakhaana khuukhola bye buyeyani mu masaayilo ta. Ni mukhola isho, kane babaandu boosi bashuukhe beele khu ba wele babaandi, nio akile shiibala sheenywe shitsulemo bubwoonaki. 3019.30: Lev 26.2Ise ndi Umukasya, nashiryo muli ni khukhwiisa shiriifwa mu shifukhu sha Sabato ni shiifwo shase shiikhosefu. 3119.31: Maka 18.11; 1 Sam 28.3; 2 Bay 23.4; Isay 8.19Ise ndi Umukasya Wele weenywe, ni nashiryo mukhatsya khukhwireeba khu baandu babaakanikha khuubirira mu bakuuka babaafwa khaale ta. Abo baboonakisa busa, mbaawo shiilayi shishibaamamo ta. 32Babaandu baakhulu boosi, muli ni khuubesamo lukoosi. Naluundi muli ni khukhuuntsisaaya ise Wele weenywe, khulwekhuuba ise ndi Umukasya.

3319.33: Luky 22.21; Maka 24.17,18; 27.19Nga iliwo umuundu uwe linaambo liliindi uwiitsile khuumenya ni nanywe mu shibala sheenywe, mukhamumiinikhilisa ta. 34Muli ni khuubirisa umwiitswa musaambo isi mubirisamo babeekhali be mu shibala sheenywe, mumukane nga ni mukanana mwenyene. Khulwekhuuba nanywe lutweela mwaba babeetswa mu Misiri. Ise ndi Umukasya Wele weenywe.

3519.35: Maka 25.13-16; Nikh 20.10; Ezek 45.10Nga mupima buuleeyi, namwe buusiro, namwe buukali bwe shishiindu, mukhalyaakhana ta. 36Muli ni khuuraambisa bipimo bituufu mu buli sheesi mupima. Ise ndi Umukasya Wele weenywe, uwabamusa inywe khukhwaama khu liloba lya Misiri. 37Ise ndi Umukasya, nashiryo muli ni khuuloondelela biilakilo byase ni indeekela yase, mukhole nga ni biloma.