Swahili Bible2

18

Bibiwaamba khu khukhwitubaasa khwe bakhasi ni basaani

1Umukasya waalomela Musa ari, 2Boolela ba Isiraeli uri ise ndi niye Umukasya Wele waabwe. 3Nashiryo mukhaloondelela tsisaambo tsye ba Misiri tsyeesi mwabona nga mumenyayo ta. Namwe mukhaloondelela byeesi babaandu babaali mu Kanaani, isi indi khuubayila, bakhola ta. Mukhaloondelela intsibirisa yaabwe ta. 4Ise ndi Umukasya Wele weenywe, ni nashiryo muli ni khuuloondelela bilakilo byase, ni indeekela yase. Ise ndi Umukasya Wele weenywe. 518.5: Neh 9.29; Ezek 18.9; 20.11-13; Luka 10.28; Roma 10.5; Gal 3.12Nashiryo muli ni khuuloondelela biilakilo byaase n’indeekela yase.

6Ise ndi Umukasya Wele weenywe. Mbaawo umuundu yeesi uuli ni khukhwitubaasa n’umulebe weewe, waamukhola umukhasi namwe umuseetsa ta. 7Mbaawo khuuwaamba maayi woowo ukhusaala waamukhola umukhasi ta. Khulwekhuuba ukhwo khuba khuumalamo paapawo lukoosi lweewe, naluundi uyo ali maayi woowo. 818.8: Lev 20.11; Maka 22.30; 27.20Mbaawo khuuwaamba umukhasi uwa paapawo, waamukhola umukhasi ta. Isho shimalamo paapawo lukoosi lweewe. 918.9: Lev 20.17; Maka 27.22Mbaawo khuuwaamba umukooko woowo umweene, namwe umukooko woowo uwa maayi woowo ukuundi, oba baamusalila aango namwe ibulafu, waamukhola khuuba umukhasi ta. 10Mbaawo khuuwaamba umwitsukhulu woowo umukhaana, waamukhola umukhasi ta. Khulwekhuuba ukhwo khuba khukhwiimalamo wamweene shiirifwa. 11Mbaawo khuuwaamba umukooko woowo isi umukhasi uwa paapawo asaala n’umuundu ukuundi, waamukhola umukhasi ta. Khulwekhuuba ali umukooko woowo. 1218.12: Lev 20.19,20Mbaawo khuuwaamba seenge woowo, waamukhola umukhasi woowo ta, khulwekhuuba ali uloondekhana ni paapa woowo. 13Mbaawo khuuwaamba wandaaye uwa maayi woowo, waamukhola umukhasi woowo ta, khulwekhuuba ali uloondekhana ni maayi woowo. 14Mbaawo khuuwaamba umukhasi wa wandaaye wa paapawo, waamukhola umukhasi ta, ukhwo khuba khuumumalamo lukoosi, naluundi aba ali maayi woowo. 1518.15: Lev 20.12Mbaawo khuuwaamba umukhasi w’omwaana woowo, waamukhola umukhasi ta, ukhwo khuba khuumalamo umwaana woowo shiriifwa. 1618.16: Lev 20.21Mbaawo khuuwaamba umukhasi wa wandaayo, waamukhola umukhasi uwoowo ta, ukhwo khuba khuumumalamo niye shiriifwa. 1718.17: Lev 20.14; Maka 27.23Ukhawaamba umukhasi atweela n’umwaana weewe umukhaana, ni babeetsukhulu beewe bakhaana, waabakhola khuuba bakhasi boowo ta, khulwekhuuba bano baba balimo ni buulebe, naluundi shiba shishoonako she khukhwitubaasa ni baalebe. 18Nga umukhasi woowo ashiili umulamu, ukhayila wandaaye weewe khuuba umukhasi woowo ta, ukhwo khuba khuumalamo umukhasi woowo shiriifwa.

1918.19: Lev 20.18Nga umukhasi ali i masaaba, aba alikho bunyaalu, nashiryo mbaawo umuundu khuuba ni naye, waamumalamo shiriifwa sheewe ta. 2018.20: Lev 20.10Mbaawo khuuwaamba umukhasi uwowasho waamukhola umukhasi uwoowo ta, awo uba wereere wamweene khuubakho she bunyaalu.

2118.21: Lev 20.1-5Mbaawo khuuwaamba babaana beenywe mwaabawaanayo nga tsisaayilo isi wele Moleki ta. Khulwekhuuba isho shiba shiimalamo ise Umukasya Wele weenywe lukoosi.

2218.22: Lev 20.13Mbaawo umusaani khuuwaamba umusaani washe waamukhola khuuba umukhasi weewe ta, isho shili she mbikho. 2318.23: Luky 22.19; Lev 20.15,16; Maka 27.21Mbaawo umuundu khuuwaamba shishaayo waashikhola khuuba umukhasi weewe ta, aba wereereere umweene khuubakho she bunyaalu. Namwe ikhabawo umukhasi uwaamba shishaayo waashikhola khuuba umuseetsa weewe ta, isho shiba she mbikho.

24Ikhabawo umuundu mus’iinywe ukhola bibiindu nga bino biri ta. Khulwekhuuba kamanaambo keesi ise ndi khuutimisa karure mu Kanani katsye, abe kakhola bye bunyaalu nga bibyeene ibyo. 25Waakila liloba lyaabwe lyeetsula bye bunyaalu, nashiryo ise nabawa shitaambiso khulwe bibyoonako byaabwe. Nashiryo ise nabarusa nibo khu liloba ilyo, naafwaana busa nga umuundu n’alusaka byeesi amalile khaale khuulya. 26-27Ne inywe, atweela ni babaandu beesi munyoolamo, ni babeetswa babaamenya ni nanywe, muli ni khuuloondelela kamakaambila kaase, ni biilakilo byaase. 28Ni mwibirisa buubi, kane liiloba libekaane, libatuume ibulafu, nga umuundu n’aalusaka byeesi amalile khaale khuulya. 29Khulwekhuuba umuundu yeesi ukhaakhole bibiindu nga ibyo, bali ni khuumutuuma ibulafu we lituuli lye babaandu baase. 30Ise ndi Umukasya Wele weenywe, nashiryo muli ni khuuloondelela byeesi ise imbalakiile ndi, mukhakholakho biikholwa bye mbikho ibyo ta. Naluundi mukhewaambila mu biindu bibikila inywe mwaabakho she bunyaalu ta.