Swahili Bible2

10

Shishoonako she basaayi Nadabu ni Abihu

1Lwanyuma lwayo, Nadabu ni Abihu, nga bano nibo babili khu basoleeli ba Aroni, buli mutweela waabukula shipaati she khukhwookhelamo bubaani, baarakho kumulilo, baatsukhakho bubaani, babwooshela mu moni tsy’Omukasya, nga baraambisa kumulilo abe kukukhafukiilisibwa ta. Umukasya abe s’akana bakhole baryo ta. 2Lubaluba, Umukasya waasiindikha tsinimi tsye kumulilo tsindafu naabi, tsyaaboosha baafwa. 3Kila Musa alomela Aroni ari, “Shishiindu shishikholikhile shino nisho sheesi Umukasya amanyisa, nga n’aloma ari, ‘Abo babaali basaayi, nga bali mu baandu, bali ni khukhuuntsisamo ise shiriifwa.’ ” Ne Aroni waasila busa, waalekha khuloma shishiindu shoosi ta.

4Lwanyuma Musa waalaanga Mishayeli ni Elizafani, babaana ba Uziyeli, uwaba wandaaye wa paapa wa Musa ni Aroni. Kila abalomela ari, “Yiitsa musute kimilaambo kye baalebe beenywe, mukiruse amulyaango we liisari likhosefu, mukiyile ibulafu we kaambi.” 5Nashiryo besyeenda aambi, baabasutila mu bikwaaro byeesi baafwiilamo, baabayila ibulafu we kaambi, nga Musa n’aloma.

6Lwanyuma Musa waalomela Aroni ni babaana beewe babaaramire babili Eliyazeri ni Isamari ari, “Mukhalekha litsuune lyeenywe lyaasakalala busa, namwe mwoonuula bikwaaro byeenywe, muri mwookesanisa kumutaambo khu lwe khuufwa khwe baabili abo ta. Khulwekhuuba Umukasya kane akhalale, abeere inywe mwabeene, naluundi awe babaandu boosi shitaambiso. Khayo ba Isiraeli boosi, nga nibo babaali baalebe beenywe, bookesanise kumutaambo khulwe babaandu beesi Umukasya asiindikhiile kumulilo kweera. 7Naluundi mukharura amulyaango e lisari likhosefu mwaatsya ta, khulwekhuuba Umukasya waababiitile inywe tsiikhabi.” Nabo baatsiila khu byeesi Musa aabalomela, baalekha khururawo khuutsya ta.

8Kila Umukasya akanikha isi Aroni nga aloma ari, 9“Iwe ni basoleeli boowo, nga mwengiile mu lisari likhosefu, mukhanywakho iviini, namwe she khuunywa shoosi shishimeesa ta. Ni mumala mwaanywakho, kane mufwe. Shiilakilo shino shili ni khuubawo biilo ni biilo, mu miboolo kyoosi. 10Muli ni khuumanya khuukhalawo akari e bibiindu bibiili bikhosefu, ni bibikhali biikhosefu ta, ni n’ebyo bibifukiilisibwa, ni bibiili biinyaalu. 11Naluundi muli ni khuuleekela ba Isiraeli boosi biilakilo byeesi ise Umukasya nabawa nibo, nga imbirira mu Musa.”

1210.12: Lev 6.14-18Lwanyuma Musa waalomela Aroni ni basoleeli beewe babaaramawo Eliyazari ni Isamari ari, “Shiwaanwa shishiramiirekho she biilyo bibiili biibulungule isi baakaanisileyo isi Umukasya, shili shikhosefu naabi. Nashiryo ni mushikholemo kimikaati kikikhalimo kamamela ta, mukiliile aambi ni shisheeso. 13Muli ni khuuliila kimikaati ikyo mu shifwo shikhosefu, khulwekhuuba Umukasya waalomile ari, ukwo kuli kumukabo kwoowo ni babaana boowo. Muli ni khuubiliila mu shifwo shikhosefu naabi. 1410.14: Lev 7.30-34Ne inyama iye shiifuba ni iye sh’etakho bibisutibwile angaaki, ibyo munyala mwaabiliila mu shifwo shoosi shishiili shimiliwu. Be muuntsu yoowo boosi, ikhaba babaana bakhaana, nabo banyala baalya khu nyama iyo. Khulwekhuuba ibyo bili kumukabo isi iwe, ni basoleeli boowo, khukhwaama mu baandu, nga ili saayilo iye khuureera lukoosi. 15Inyama iye shetakho ni iye shifuba tsitsisutibwa angaaki, bali ni khuutsiwaanayo atweela ni kiminaawa kye khukhwookhebwa. Bino bili biwaanwa bye khuusuta angaaki babyokesaniseyo isi Umukasya. Khuumala biilo ni biilo, iwe ni basoleeli boowo muli ni khuuyila tsino nga kumukabo kweenywe, shibe nga Umukasya n’alakiile.”

16Ne Musa n’areeba bibiwaamba khu mbusi iye saayilo irusawo bibyoonako, washifumbula nga baamalile khaale khuukyookhela khu sheeso. Kila liirima limuwaambila Eliyazari ni Isamari, waabareeba ari, 1710.17: Lev 6.24-26“Shiina kila inyama iye saayilo iyo mukhakililiile ano mu shifwo shikhosefu? Inyama iyo ili ikhosefu naabi, naluundi yabaweebwa inywe nio munyalise khukhwityuukha bibyoonako bye lituuli lyoosi, isho shikile Umukasya eyakhile babaandu bibyoonako byaabwe. 18Khukhwaama nga kamalasile ke shishaayo sibakareerire mu lisari likhosefu ta, inyama yasho muli ni khuukiliila mu shifwo shikhosefu, nga Umukasya n’amala khaale khuulakila. Ne mu shifwo she khuukilya, inywe mukyookhile.”

19Kila Aroni elamo Musa nga aloma ari, “Lwe shaleelo, babaana baase babili baakaanisileyo isi Umukasya, isaayilo irusawo bibyoonako n’isaayilo intsoshe. Ne shitweela busa bibiindu bibingwiilekho, sibili biilayi ta. Ise imba uliile isaayilo irusawo bibyoonako, khali Umukasya ashiboone buulayi?”

20Sheesi Aroni elamo, shasangaasa Musa.