Swahili Bible2

2

Yoswa arumana babemenielesi i Yeriko

12.1: Heb 11.31; Yak 2.25Lwanyuma Yoswa umwaana wa Nuni waarumana basaani babili khukhwaama i Shitimu, khuutsya mu shimoonyo busa beemenielese shibala. Aabarumana nga abawa biilakilo bino ari, “Ni mutsye mwimenielese shibala isho buulayi, ni khuuminyisila ilala shiriimba Yeriko.” Baryo basaani bano baatsya, boola w’omukhasi malaaya isi balaanga bari Rahabu, baakonela ibweene iyo shiilo sho.

2Ne yabayo umuundu mutweela uwashiwulilakho, waatsya waaboolela umuyiinga we Yeriko ari, “Iliyo babaandu baalala babeetsile nga baama mu ba Isiraeli. Beetsile nga babemenielesi, bali ano ni nafwe shiilo shino.” 3Kila umuyiinga we Yeriko arumanisa isi Rahabu buurume buno ari, “N’uruse ibulafu basaani babeetsile benjila mu ntsu yoowo shiilo shino, lwekhuuba beetsile khukhwimenielesa linaambo lyeefwe.”

4Rahabu waayila basaani abo waababisila ilala. Ne weelamo baarume b’omuyiinga ari, “Ilala basaani babili beetsile ano mu ntsu yase yino, ne simanyile eena isi baamile ta. 5Antsye ni bubeele nga bwilabula, nga shiilibwa shishiili khukhwikalibwawo ta, basaani bano barurire baatsya. Ni nase sinaamanyile isi batsiile ta. Ne nambaasa ndi mubaloondekho khaangu, manya munyala mwaabanyoola.” 6Ne Rahabu aaba waayilile basaani bano, khuubabisa khu ntsu khu ngaaki, mu biyuuyi bye tsisakya tse kuusaala kweesi baamisamo tsingubo, tseesi aaba waara khu ntsu. 7Baryo baarume b’omuyiinga baamukha shiriimba, baatsya nga baloonda khu bemenielesi ba Isiraeli, lwanyuma shilibwa sheekalibwawo nga baamalile khuurura. Baatsya nga bahentselesa, boola isi intsila yaawukhila khuutsya khu Yorudaani.

8Nga bili biryo, Rahabu waaniina khu ntsu khu ngaaki tsana, nga babemenielesi ba Isiraeli bashiili khukona liilo ta, waababoolela ari, 9“Ise naamanyile ndi Umukasya atsya khuwa ba Isiraeli shibala shino. Isho shikila buli mutweela waariire naabi khulweenywe. 102.10 a Luky 14.21; b: Bala 21.21-35Ifwe khwaawulila isaambo isi Umukasya omelesamo Inyaantsa Imbesemu, khulweenywe nga ni mwaarura mu Misiri. Naluundi khwawulila ni saambo isi aahesamo bayiinga ba Amori nga nibo Sihoni ni Ogo, babaaba shanjelekha wa Yorudaani. 11Nashiryo ifwe buuri bwakhuwaambilawo khulweenywe nga ni khwashiwulilakho. Karyo kamaani ke khuusoolana kaakhuweelamo ilala. Umukasya Wele weenywe ali Wele uwula likulu mu ngaaki ni shibala aasi. 12Kale ise ingana muntsitsubile mu lisiina ly’Omukasya muri nga mweetsile khwiitsa, muliwaambila be muungo mwase shiisa, nga ise ni mbawaambiile inywe shiisa. Ngana muumbe khaabonelo khakhokesana 13khari babaandu beenywe sibalihesa paapa wase, namwe maayi wase, namwe babaandayase, namwe bakooko baase, ni be muungo mwaabwe ta.”

14Babemenielesi abo nabo baamwiilamo bari, “Rahabu, buulamu bweefwe khulwe buulamu bweenywe! Nashiryo iwe n’ukane ulekhe khuboolelakho umuundu yeesi, sheesi khuli khuukhola ta, nafwe khukhwitsubila khuri kane khuukhuwaambila iwe shiisa, Umukasya n’akane akhuwe shibala shino.”

15Intsu ya Rahabu yaba ili ibwitikiiyi we shiriimba, ni litweela khwi tilisa lyeewe lyaba lyaalolelela ibulafu we shiriimba. Isho shaakila waawa babemenielesi kumukosi, waabekulilawo litilisa beekhila khu mukosi. 16Kila abalomela ari, “Ni mutime, mwiibise mu ngoongo, nio babaandu babaali khuubaweentsa balekhe khubanyoola ta. Mwiibise ibweene iyo khuumala biifukhu bitaru, khukhwoolesa ni bawamo kamaani bakobole, nio nanywe muwaambe intsila iyabareera.”

17Babemenielesi baamwiilamo bari, “Iwe ukhukholile ifwe khwaakhwitsubila khuri, khulikhulekha iwe ni be muungo mwoowo nga baalamu. 18Nashiryo ifwe nga khwiitsa khukhwibwakala shibala shino, iwe ubowa kumukosi kumubesemu kuno mwitilisa lino lyeesi khururiremo. Ne unyoowa ureere paapa woowo, ni maayi woowo, ni babandaayo, ni babaandu babaandi boosi be muungo mwa paapa woowo. 19Ne siinga ibawo mutweela ulirura ibulafu khuutsya iyo mu nguudo, ukwo kuliba musaango kweewe, ni nafwe sishili khuwaambakho taawe. Ne siinga umuundu yeesi khuubo babaliiba muntsu, akholekhakho buubi, ukwo kuliiba musaango kweefwe. 20Ne ate ndi siinga uboolelakho umuundu yeesi khu sheesi khuli khuutsya khukhola, awo ndi ifwe sikhuliibakho ni kumusaango kwoosi, lwe shishitsubo sheesi ukilile ifwe khwaakhwitsubila ta.”

21Rahabu naye waabeelamo ari, “Naafukiilile khuukhola byoosi nga ni mulomele.” Lwanyuma waabasiibula baatsya intsila iyabareera, ni naye waakyelawo waabowa kumukosi tsana khwitilisa.

22Babemenielesi bano baatsya iyo mu ngoongo, baatsya beebisa khuumala biifukhu bitaru. Ni babaandu babaabaloondakho, baaba nga babaweentsela khu nguudo busa. Ne ni baalekha khubanyoola ta, baarurayo beelayo i Yeriko. 23Lwanyuma lwayo babemenielesi bano baarurayo mu ngoongo, beekha mwitila lya Yorudaani, baambukha luluutsi. Baryo beelayo isi Yoswa, baatsya baamuboolela byoosi nga ni byaba. 24Baaboolela Yoswa bari, “Ifwe khwaamanyiile ilala khuri, Umukasya atsya khuukhuwa ifwe shibala isho shoosi. Babaandu beeyo barya naabi buli lweesi bakhwaambaasilakho khusiifwe.”