Swahili Bible2

13

Liiswa lilyarama khuuyilibwa

1Imbuka yaabirawo, Yoswa waaba nga waahangaale mu miiko. Lwanyuma Umukasya waamulomela ari, “Ari bona iwe waahangaale mu miiko, ne ate ishiiliwo liiswa liikali busa lyeesi muli ni khuuwaamba. 2Nilyo lino: biifwo byoosi bibiilimo ba Firisitiya atweela ni ba Geshuri, 3ni khuutubakho ni liiswa khukhwaamila ilala khu luutsi Shihori mu shibala sha Avimu, khu lwaakha ni Misiri, khuutsya paka ingaaki khu lwaakha ni shibala sha Ekuroni, nasho shishaba shibalibwa nga she ba Kanani; mumwaba bayiinga baraano be ba Kanani babaamenyatsaka i Gaza, Ashidodi, Ashikeloni, Gasi, ni Ekuroni. 4Khu luwaande lwe mwaalo ishiiliyo liiswa lye ba Kanani lyoosi, khukhwaamila ilala i Araha mweesi ba Sidoni bamenya, ni khuutsya khukhwoolela ilala i Afeki she ba Amori. 5Ishiiliyo ni shiifwo she ba Gebali, ni khutubakho ni shibala sha Lebanoni shoosi shishiili i bwaamanyaanga, ni khukhwaamila ilala i Baawi Gadi shishiili imwaalo we lukiingi Herumoni, isi winjiilila i Hamasi. 613.6: Bala 33.54Ne shiifwo shishiilimo babekhali be mu shibala she mu njiinji tsa Lebanoni khukhwoola i Misurefoosi Mayimu, nga mulimo ni ba Sidoni boosi; abo samweene indi khuutsya khubawoonamwo boosi, nga ba Isiraeli bashiili khwoola ta. Iwe kabananisamwo busa liiswa lino mu bikuuka bye ba Isiraeli nga ni nakhulakila khukhola. 7Ngana iwe ukabananisemo liiswa lino akari mu bikuuka syeenda, ni shisiintsa she khabili she shikuuka sha Manase.”

Khuukabananisamo shibala she Bwaamanyaanga wa Yorudaani

813.8: Bala 32.33; Maka 3.12Umwakaanisi w’Omukasya Musa aba waamala khaale khukabananisa shibala she Bwaamanyaanga we luluutsi Yorudaani mu bikuuka bya Rewubeni, Gadi ni shisiintsa shitweela sha Manase. 9Shibala shino shelooselakho khuutsya ingaaki paka khu shiriimba shishiili mwitila lye luluutsi Arinoni, ni khutubakho shiriimba Aroeri shishiili khu ndulo khwe ngaaki mwitila lyeene. Shiifwo shino shayililamo ni biifwo bye kumusaleela bya Medeba ni Diboni, 10atweela ni biriimba bibyaba bya Sihoni, umuyiinga we ba Amori abe uwula i Heshiboni. Bitweela khu biriimba bino byatsiila ilala paka ibwaamanyaanga khukhwoola khu lwaakha ni ba Amoni.

11Biifwo bino byayililamo ni Gileyadi, shishaba shiifwo she ba Geshuri ni Maka, bibyaba khu lukiingi Herumoni, khuuyililamo ni shiifwo Bashani shoosi khukhwoola i Saleka. 12Shino shaba shisiintsa shishiwulibwa n’umuyiinga Ogo uwawula nga asintsiila i Ashitarosi ni Edireyi, naluundi niye uwawula nga umuyiinga uwakamayo mu ba Refayimu. Ne Musa aaba waamala khaale khuuwula bayiinga bano Sihoni ni Ogo, atweela ni babaandu baabwe, naluundi nga abe waayila ni liiswa lyaabwe lyeene. 13Ne shonyene ndi babaandu ba Isiraeli sibaawoona babaandu ba Geshuri ni Maka khuururamo ta, baabalekhamo bashiimenya atweela ni ba Isiraeli.

1413.14: Maka 18.1Musa s’akabilakho shikuuka sha Levi liiswa lyoosi ta, lwekhuuba Umukasya Wele wa Isiraeli aaba waabalakila ari mu shifwo she khuufuna liiswa, baaba bali ni khuufuna tsisaayilo tsitsaba tsiwaanibwayo khu sheeso.

Liiswa lilyaweebwa shikuuka sha Rewubeni

15Musa aakaba liiswa isi bukuuka bukyeekhe bwoosi bubuuli mu shikuuka sha Rewubeni. 16Liiswa lyaabwe lyarakikhila imwaalo we shiriimba shishiili akari mwitila lye luluutsi Arinoni, khuuyililamo ni shiriimba sha Aroeri, shishiili ingaaki we litila lyeene, khuutsya paka ingaaki mu biifwo bye kumusaleela bibibotokheleele Medeba, 17byaatsya byoola ni i Heshiboni ni khuuyililamo biriimba byamwo bibyaba khu musaleela kweeyo nga nibyo Diboni, Bamosi Baali, Besi Baali Mewoni, 18Jahazi, Kedemosi, Mefaasi, 19Kiriyasayimu, Sibuma, Zeresi Shahari shishaba khu lukiingi lwe mwitila, 20Besipeyoli, bisiintsa bye khu lukiingi Pisiga, ni Besi Jeshimosi. 21Liiswa lino lyayililamo ni biriimba bye khu musaleela kwoosi, atweela ni buyiinga bwe ba Amori bubwawulibwa n’umuyiinga Sihoni uwamenyatsaka i Heshiboni. Makiboole Musa aamusoolanisa waamuwula atweela ni baaraangilisi be Midiyani nga nibo bano: Evi, Rekemu, Zuri, Huri, Reba. Bano boosi baaba bawula biifwo bino khu lw’omuyiinga Sihoni. 22Ba Isiraeli beera ni Balamu umufumu, uwaba umwaana wa Beyori. 23Shibala shino shoosi khuuyililamo ni biriimba atweela ni bibyaalo byamwo byoosi byaba bye mu shikuuka sha Rewubeni ni lulwaakha lwaabwe lwatsya lwoola ibukwanyaanga khu ndulo khwe luluutsi Yorudaani.

Shisiintsa sheesi Musa aakabila shikuuka sha Gadi

24Musaambo niyo ndweela Musa aakaba liiswa isi bukuuka bukyeekhe bubuuli mu shikuuka sha Gadi. 25Shisiintsa shino shayililamo shiriimba Jazeri. Ni mu shisiintsa sha Gileyadi baayila liiswa ni biriimba khuutsya khukhwoola khu shiriimba Aroeri, shishaba ibwaamanyaanga wa Raba. Shisiintsa shino shoola nga shisiintsa she khabili she liiswa lilyaba lye ba Amoni. 26Liiswa lino lilyaweebwa Gadi lyatsya paka khukhwoola i Heshiboni, shishaba imwaalo we Ramasi Mizipe ni Betonimu shishaba ingaaki, ni khuutsya khukhwoolela ilala ingaaki ibweene i Mahanayimu ni Lidebori. 27Shikuuka sha Gadi shelooselakho ni khufuna shisiintsa she bukwanyaanga we litila lya Yorudaani, khuutsya khukhwoolela ilala khu nyaantsa Galilaaya, shishaba nga shiwulibwa n’umuyiinga Sihoni uwe Heshiboni khu mbuka iyo. Liiswa lino lyatsya lyamalilakho ilala ni biriimba nga; Besi Haramu, Besi Nimura, Sukosi atweela ni Zafoni. 28Biifwo bino khuuyililamo biriimba atweela ni bibyaalo byamwo byoosi byaweebwa shikuuka sha Gadi nga buusikha bwaabwe.

Liiswa lyeesi baakabila shisiintsa sha Manase she Bwaamanyaanga

29Musa aakabila bukuuka bukyeekhe bwe mu shitweela khu bisiintsa bye shikuuka sha Manase. 30Liiswa lyaabwe lyarakikhila i Mahanayimu, lyaatsya lyayililamo shisiintsa sha Bashani sheesi umuyiinga Ogo awula shoosi, ni khuutubakho Ashitarosi ni Edireyi nga nibyo bisiintsa bibiili mweesi aamenyatsaka. Mwayililamo ni biriimba kamakhumi kasesaba bye shikuuka sha Jayiri shoosi. 31Shikuuka shino shayililamo ni shisiintsa she khabili sha Gileyadi, ni khuuyililamo Ashitarosi, ni Edireyi bibyaba biriimba bikhulu by’omuyiinga Ogo uwa Bashani.

Bisiintsa bino byoosi byaweebwa isi Makiri, uwaba umwaana wa Manase, nga baweebwa khuusiintsiila khu bukuuka bwaabwe bukyeekhe.

32Iyo yaba isaambo isi Musa aakabananisamo liiswa nga ashiili mu musaleela kwa Mowabu, mu bwaamanyaanga wa Yeriko, nga wambukhile Yorudaani. 3313.33: Bala 18.20; Maka 18.2Ne shonyene ndi Musa s’akabilakho shikuuka sha Levi liiswa ta, lwekhuuba abe Umukasya Wele wa Isiraeli, abe waabasuubisa ari umweene kane abaloleelele.