Swahili Bible2

12

Luruungo lwe bayiinga babaawulibwa ni Musa

112.1: Bala 21.21-35; Maka 2.26—3.11Aabawo bayiinga babili beesi ba Isiraeli baawula shanjelekha we luluutsi Yorudaani. Bayiinga bano baaba bawula shisiintsa khukhwaama mu lukhootsa lwe Litila lya Arinoni, khukhwiikha imwaalo khukhwoola khu Lukiingi Herumoni, khuutubakho ni Bukwanyaanga wa Araba yoosi. 2Mutweela khu bayiinga bano aaba niye Sihoni uwe ba Amori, uwaba awula Heshiboni. Niye aawula khukhwaama i Aroeri khu ndulo khwe litila lya Arinoni, khuutsya khukhwoola khukari kwe luluutsi Yaboko, luluuli khu lwaakha ni ba Amoni, nga mulimo ni shisiintsa sha Gileyadi. 3Sihoni yuno aawula ni bwaamanyaanga we litila lya Yorudaani, khukhwaamila ilala khu nyaantsa Galilaaya, khukhwiikha imwaalo khukhwoola i Besijemosi, mwisina mwe lukiingi Pisiga. 4Baatsya ndi bawuli n’umuyiinga Ogo uwe Bashani, nga niye uwaba uwakamayo khu Barefayimu uwawula shisiintsa Ashitarosi ni Edereyi. 5Buyiinga bweewe bwaaniina khukhwoola ingaaki khu Lukiingi Herumoni, bwaatsya paka ibwaamanyaanga we shiriimba Saleka, ni khuuyililamo shibala sha Bashani, ni khuutsya khukhwoola khu ntsakha tse buyiinga bwa Geshuri ni Maaka. Buyiinga buno bwayililamo ni ingaaki we shibala sha Gileyadi.

612.6: Bala 32.33; Maka 3.12Musa umwakaanisi w’Omukasya aasoolanisa luundi waawula bayiinga baabili bano Sihoni ni Ogo. Lwanyuma lwayo waakabila shibala shino bikuuka bya Rewubeni, Gadi, ni shisiintsa shitweela she shikuuka sha Manase.

Bayiinga babaawulibwa ni Yoswa

7Lwanyuma lwayo, Yoswa ni ba Isiraeli baatsya bebwakala luundi baawula bayiinga be bukwanyaanga we Luluutsi Yorudaani, khukhwaamila ilala Baaligadi mu litila lya Lebanoni lilyaba ingaaki we Lukiingi Halaka aambi ni mwaalo we shibala sha Edomu. Yoswa aakabananisamo shibala shino waashiwa bikuuka bya Isiraeli nga buusikha bwaabwe bwa penani. 8Bisiintsa bino byayililamo shibala she tsingoongo, ni bikiingi bye bukwanyaanga, ni Litila lya Yorudaani ni bikiingi byamwo, khuutubakho ni Kumubiimbi kwe mwaalo. Yoswa ni ba Isiraeli baabukula shibala shino khukhwaama khu Hiiti, ba Amori, ba Kanaani, ba Perizi, ba Hiivi, ni ba Yebusi.

Ba Isiraeli baawula bayiinga be biriimba bino bibyaba ibukwanyaanga wa Yorudaani: 9uwe Yeriko, Ai shishaba aambi ni Beseli, 10uwe Yerusalemu, n’uwe Heburoni, 11uwe Yarimusi, n’uwe Lakishi, 12uwe Egiloni, n’uwe Gezeri, 13uwe Debiri, n’uwe Gederi, 14uwe Horuma, n’uwe Aradi, 15uwe Libuna, n’uwe Adulamu, 16uwe Makeda, n’uwe Beseli, 17uwe Tapuwa, n’uwe Heferi, 18uwe Afeki, n’uwe Lasharoni, 19uwe Madoni, n’uwe Hazori, 20uwe Shimuroni Meroni, n’uwe Akishafu, 21uwe Taanaki, n’uwe Megido, 22uwe Kedeshi, n’uwe Jokiniyamu khu lukiingi Karumeli, 23uwe Dori shishaba mu Nafosi Dori, n’uwe Goyimu she mu Galilaaya, 24n’umuyiinga we Tiruza. Boosi khuyilila atweela baaba bayiinga kamakhumi kataru na mutweela.