Swahili Bible2

5

1Elifasi weloosela waaloma ari:

Yobu, iwe yikhuunga anariha, kane ibewo uyo yeesi ukane akhwiilemo?

Iliyo ikhaba malayika mutweela isi iwe unyala weyikina?

2Ilala, ilala, khukhwiyembeelela khwonyene, khuukila umusilu waafwa,

ni bataambi bafwa khulwe liibuba.

3Ise naabonakho baasilu babaabonekha nga bali buulayi,

ne ise naasiindikha shiitsubo muungo tsyaabwe.

4Babaana baabwe sibalikho ni esi banyala khuumulila ta,

naluundi baakhabayila isi baakayi be kamakaambila,

mbaawo uwiinyukha khu ngaaki waabatseeta ta.

5Umusilu akhaalima biilimwa,

abo babaamuminya kamaani nibo babaabilya;

ikhaba ibyo byeesi amalilakho kamaani kamakali naabi khuukesa.

Abo babaali buulesa bekhala baaliliilila buyiindifu bweewe.

6Khulwekhuuba bubwoonaki sibutsowa khukhwaama mwiloba ta,

namwe buhangafu sibwaama aasi khwiloba ta.

7Ne akhali ndi babaandu basaaliikhila mu shibala shishitsuule buwaangafu,

nga n’ubona umuundu n’awaambisa kumulilo tsimweemwe tsaaniina mu ngaaki.

8Imba nga ise niye iwe, khali niloseele khuuloondelela Wele,

naluundi khali imulekhile aba niye ukhalawo kumusaango kwase.

9Ifwe sikhunyala khwamanya bibiindu bye kamaani byeesi niye akhola ta,

naluundi bye kamakaanga byeewe sibyakama ta.

10Niye usiindikha ifula yaakhupa khu shibala,

naluundi niye ukila kameetsi kaatsya mu mikuunda.

11Niye abukula abo babaali bataambi wabaniinisa angaaki,

ni naabo babaali mu mutaambo niye ubawa kumwikhoyo.

125.12: 1 Kor 3.19Niye uwoonakisa tsinengekharengekha tsyaabo babaali ni kimikhono kimileeyi,

waakila baamayo busa akhali khakhaandu ta.

13Ashuukhila abo babaali ni kimikhono kimileeyi,

waakila byeesi bakhola byaabaluyisa busa.

14Abe antsye akhaba nga ali kumuusi,

ne nibo babuukabuuka busa nga babaali mu shiilima.

15Ne Wele awonesa baafuubi khukhwaama mu meeno ke baboonaki,

naluundi awonesa bataambi khukhwaama mu meeno ke babaamiinikhilisa.

16Ni nashiryo ekalawo abo babaamiinikhilisa bashaabwe,

waakila bataambi baaba ni khukhwiyikina.

175.17: Nikh 3.11,12; Heb 12.5,6Umuundu isi Wele ekiitsakho, nga aba ali n’iikhabi!

Ni nashiryo ukhalekelesa khukhwikiitsa khukhwaama isi Umunyali uwa byoosi ta.

185.18: Hos 6.1Ikhaba nga Wele umweene niye ukila umuundu webeena khulwe kamakoontsyo,

ne niye umweene niye usilikha kamakoontsyo ako.

19Buli ifuunda isi utsiila isi Umukasya kane akhuyeete,

abe waakhatsyayo tsifuunda tsiinga, s’anyala wakhwantsukha iwe ta.

20Intsala yaakhakwawo, kane akhuliinde ulekhe khuufwa ta,

naluundi mu busoolo kane akhutseete iwe khukhwaama khu basiku boowo.

21Wele kane akhutseete iwe khukhwaama khu baandu babaakhulomakho tsilomo tsiimbi,

naluundi kane akhutseete ulekhe khukhwoonakisibwa ta.

22Mu khwoonakisibwa ni mu ntsala, iwe ukhaarame nga uli umusangaafu,

naluundi s’ukhaabe ni khuurya khulwe tsisolo tsitsiilya babaandu ta.

23Khulwekhuuba kimikuunda kyeesi iwe ulima sikikhaabemo kamabaale ta,

ni tsiisolo tsye mwiiswa sitsikhaakhwiibwakale ta.

24Iwe ukhaamanye uri muungo mwoowo mulimo lukoosi,

naluundi mbaawo shishikhebwakale shilye kamasheese koowo ta.

25Lisaaye lyoowo likhaabe liikali libalaahe,

libe busa nga bunyaasi khu shibala.

26Ukhaamenyewo luukali khukhwoolisa uwaangaalile ilala

ube busa nga iŋaano isi bakesa nga yahangaliile ilala buulayi.

27Yobu, bibiindu bino ifwe khwabihentseleselekho luukali,

khwaamanyile nga bili bya ŋali,

Nashiryo manya uri bili biilayi, ubitsiilekho.