Swahili Bible2

35

Inganikha iya Elihu ikhola khataru

1Kila Elihu eloosela aloma ari:

2Yobu, iwe wambaasa uri shili shituufu,

iwe khuuloma uri iwe s’uuli ni kumusaango isi Wele ta?

3Namwe iwe khureeba Wele uri, “Bibyoonako byase iwe bikhuwaambakho?

Shiina sheesi ise ifunilemo, mu khulekha khukhola bye bubwoonaki?”

4Yobu, ise inakhwiilamo isho,

iwe atweela ni basaale boowo.

5Yiinyusa tsiimoni ulole mu ngaaki, ubone;

ubone kamafuumbi nga ni keyiingile mu ngaaki, khuukhuminyisa iwe.

635.6: Yob 22.2,3Iwe waakhakhola bibyoonako, isho Wele shimukholakho shiina?

Iwe waakhoonaka tsifuunda tsiingali, Wele shimukholakho shiina?

7Iwe waakhakhola bibiindu biilayi, mbaawo sheesi ulikho umuwa niye ta;

mbaawo sheesi Wele ekoomba khukhwaama khus’iiwe ta.

8Bubwoonaki bwoowo bukila babaandu babaandi bataambisibwa;

ni buulayi bweesi ukhola bubayeeta nibo.

9Nga iliwo uuli khuuminikhilisa babaandu, belootsa;

belootsela uyo unyala khubatimiilila waabawonesa.

10Ne sebatimila isi Wele umubuumbi waabwe ta,

naluundi ubawa kumwiyikino nga bali mu bihangafu ta.

11Sebatimila isi Wele, ukhuwa ifwe kamakhula,

shaakila khwaaba bakesi khuuminyisa tsiisolo namwe biinywiinywi ta.

12Balila nga bakana buyeeti, ne Wele s’abayeeta taawe,

khulwekhuuba bali babeniinisa angaaki naluundi bali baboonaki.

13Ilala baakhalila, ne Wele s’aarekeeresa ta,

namwe umunyali uwa byoosi s’abenanayo ta.

14Ne abe iwe Yobu uloma uri s’uubona ni Wele ta,

aba kane shibe shiryeena?

Kumusaango kwoowo kuli muumoni tsyeewe,

nashiryo iwe liinda nga wiikhaliilikha.

15Iwe wambaasa uri Wele s’enaanayo khu byoonako ta;

uri niye s’aawa shitaambiso isi baboonaki ta.

16Yobu, iwe seshikhuyeeta khukhwiloosela ni khuukanikha bibiikhalimo ta;

khulwekhuuba shabonekhaane shili iwe ukanikha byeesi ukhamanyile ta.