Swahili Bible2

3

Yobu eŋuluŋuunya isi Wele

13.1: Yer 20.14-18Lwanyuma lwe bibiindu bino byoosi, Yobu wenyusa mukhanwa, waakanikha tsilomo tsiimbi tsitsiwaamba khu shifukhu khweesi aasaalikhilakho. 2Waaloma ari:

3O Wele, khali ureere shiitsubo khu shifukhu khweesi ise nasaalikhilakho,

ni khu shifukhu khweesi ise nakwiila muunda mwa maayi wase.

4O Wele, khali shiifukhu isho shibeele she shishiilima!

Khali iwe sewiilileyo khuushebulila shiifukhu isho luundi ta,

namwe khali buwaanga sebushimulikhilekho luundi ta.

5Khali shishiilima ni ngunyi bifuusilisile shiifukhu isho,

Khali kamafuumbi kashibiimbiliile,

Ni nyaanga ilekha khushimulikhakho ta.

6Khali shishiilima namukoto shiwaambile shiilo isho!

Khali seshibalikhiile atweela ni biifukhu bibiindi taawe!

Khali seshibalikhile nga shitweela khu bifukhu bye kumweesi ukwo ta!

7Khali shiilo isho shibeele busa nga mbaawo ukuundi usaalikhilakho ta,

ilekha khubawo kumwikhoyo kw’omwaana khuusaalikha ta.

8Khayo abo babaakhola kwe khuutsuba,

naluundi nga bali ni kamaani ke khusyukhuulula kuusolo Lefiyasani,

batsube shiifukhu isho.

9Khali tsinieniesi tsye kumutikhinyi kwe shifukhu isho setsimulikhile ta.

Khali shiilo isho seshibeelekho ni khukhwiyikina khwe khuufuna buwaanga,

namwe shibonakho ikhaba buwaanga bwe kumutikhinyi ta.

10Khulwekhuuba shilo isho seshandobela ise khuusaalikha ta,

ni khuulekha khukhuuntsokesa ise kumutaambo ta.

11Shiina kila ise ikhaafwiila muunda ya maayi wase?

Namwe khulwashiina kila ise ikhaafwiila awo abweene,

nga nio naamalile khuusaalikha?

12Shiina kila maayi wase aamaamba ise khu bikele byeewe?

Namwe shiina kila ise nanuuna libeele lya maayi?

13Khulwekhuuba khali nafwa intsya busa mu lukoosi,

khali ari ise ndi mu khuwola mu lukoosi.

14Khali indi imakoombe atweela ni bayiinga ni baawuli,

abo babeyombakhila babeene bushaakha kamakubili ke lubili.

15Namwe khali indi atweela ni naabo babaaba n’izaabu,

abo abe babetsusa tsiintsu tsyaabwe ni feetsa.

16Namwe shiina kila ise ikhaaba busa nga umwaana isi batuumisa busa,

waafwa nga waakhubonakho buwaanga ta?

17Nga babaandu babaali mu ŋani, sibakhola bye bubwoonaki ta,

naluundi ibweene iyo, baraambi babaaluyile banyoolayo khuuwola.

18Ibweene iyo ikhaba baabowe banyoolayo lukoosi,

khulwekhuuba mbaawo ubarafwiila, namwe waabawa kamakaambila ta.

19Ibweene iyo inyoolikhayo bayiinda ni bataambi,

ikhaba umukulwa aba ali umulekhuule khukhwaama isi umukoosi weewe.

20Shiina kila abo babaali mu mutaambo barama nga bashiili baalamu?

Shiina kila abo babaali ni butsiina mu myooyo barama nga bashiili baalamu?

213.21: Bimb 9.6Nga bekoomba naabi khuufwa, ne sibafwa ta!

Nga baweentselesa naabi khuufwa khuuminyisakho ni babaaweentsa bye buyiindifu!

22Baaba nga sibalikho ni kumwiikhoyo kwoositsana ta,

naluundi bali mu mutaambo khukhwoolisa nga baafwiile baabasiikhile.

23Wele s’ababoolela buulamu bwaabwe nga ni butsya khuba ta,

naluundi aba waabariiyire waabebotokheleele.

24Khulwekhuuba mu shifwo she khuulya biilyo,

ise ndi mu khulila kamasika busa khulwe kumutaambo,

naluundi ise sinaakamisa khukhwilootsa ta.

25Khulwekhuuba ibyo byeesi ise iminyisa khukhwiyembeelela,

byeesi iminyisa khuurya, nibyo bibintsolakho.

26Ise s’indi bulaayi namwe ni lukoosi ta,

naluundi bihangafu byase sibyakama ta.