Swahili Bible2

SHIITABO SHA

EZIRA

KHUKHWAANTSULA

Shiitabo sha Ezira shilooselakho busa khu biindu bibikanikhibwa mu bitabo bye Kimiboolo biibili, nga shitsya shikanikha khu khukobola khwe baabowe Bayudaaya khukhwaama mu bubowe mu Babulooni, ni khuukhobosa buushaakha khwe buulamu ni khukhwisaaya mu Yerusalemu. Bibiindu bino byoosi bitsya nga bikanikhibwakho musaambo yino: (1) Lituuli liikiboole lye Bayudaaya babaanyoowa khuukobola khukhwaama mu Babulooniya, khusiintsiila khu shilakilo sha Sayiraasi, kayisaali wa Pasiya; (2) Khukhwoombekha bushaakha Liisaayilo Liikhulu, ni khuuliwaanayo, ni saambo isi khukhwisaaya khweesiibwamo bushaakha mu Yerusalemu; (3) Lwanyuma lwe khuubiirawo kimiiko mikyeekhe kiri, yabawo lituuli lye Bayudaaya liliindi lilyakobola nga lili aasi e buraangilisi bwa Ezira, uwaba umumanyilifu naabi mu bye kamakaambila ka Wele, uwanyalisa naabi khuuyeeta babaandu khukhwiiŋoonaŋoona bushaakha mu buulamu bwaabwe bwe diini ni buulamu bwa busheele, nio banyale khuukhiinga buulamu bwaabwe bwe kumwoyo mu Isiraeli.

Inoondekhana iye bibiilimwo

Khuukobola khukhwaama mu bumuli khukhwaanyoowa (1.1—2.70)

Khukhwoombekha Liisaayilo Liikhulu bushaakha ni khuuliwaanayo khweene (3.1—6.22)

Ezira naye akobola ni baamuli babaandi (7.1—10.44)