Swahili Bible2

2

Luruungo lwe babaandu babaakobolayo

(Nehemiya 7.4-73)

1Umuyiinga Nebukaduneeza uwa Babulooni aaba waayila babaandu be mu Yuda baakali khuuba baabowe mu Babulooni. Khu mbuka yino baakali khu nibo baakobolaka mu Yerusalemu ni mu Yuda, nga buli mutweela atsya khuumenya mu shiriimba sheewe shisheene. 2Baakobolaka nga baraangililwa ni Zerubabeli, Yeshuwa, Nehemiya, Serayiya, Reeluyiya, Modekaayi, Bilushani, Misiparu, Rehumu, ni Baana.

Luno nilwo luruungo lwe babaandu ba Isiraeli babaakobola: 3Babetsukhulu ba Paroshi baaba boola shikana shitweela, shitoondo shitweela ni kamakhumi musaafu na babili (1,172). 4Babetsukhulu ba Shefatiya baaba boola bitoondo bitaru ni kamakhumi musaafu na babili (372). 5Babetsukhulu ba Ara baaba boola bitoondo musaafu ni kamakhumi musaafu na baraano (775). 6Babetsukhulu ba Pahasi-Mowabu, nga nibo baaba basooleli ba Yeshuwa ni Yowabu, baaba boola bikana bibili, bitoondo shinaane ni likhumi na babili (2,812). 7Babetsukhulu ba Elamu baaba boola shikana shitweela, bitoondo bibili ni kamakhumi karaano na bane (1,254). 8Ba Zatu boola bitoondo syeenda ni kamakhumi kane na baraano (945). 9Ba Zakayi boola bitoondo musaafu ni kamakhumi kasesaba (760). 10Ba Bani boola bitoondo bisesaba ni kamakhumi kane na babili (642). 11Ba Bebayi boola bitoondo bisesaba ni kamakhumi kabili na bataru (623). 12Ba Azigadi boola shikana shitweela, bitoondo bibili, ni kamakhumi kabili na babili (1,222) 13Ba Adonikamu boola bitoondo bisesaba ni kamakhumi kasesaba na basesaba (666). 14Ba Bigivayi boola bikana bibili, ni kamakhumi karaano na basesaba (2,056) 15Ba Adini boola bitoondo bine ni kamakhumi karaano na bane (454). 16Ba Ateri, khukhwaama mu Hezekiya, baaba boola kamakhumi syeenda na shinaane (98). 17Ba Bezayi boola bitoondo bitaru ni kamakhumi kabili na bataru (323) 18Ba Jora boola shitoondo shitweela ni likhumi na babili (112). 19Ba Hashumu boola bitoondo bibili ni kamakhumi kabili na bataru (223). 20Ba Gibari boola kamakhumi syeenda na baraano (95). 21Ba Beselehemu boola shitoondo shitweela ni kamakhumi kabili na bataru (123). 22Ba Netofa boola kamakhumi karaano na basesaba (56). 23Ba Anasosi boola shitoondo shitweela ni kamakhumi kabili na shinaane (128). 24Ba Azimavesi boola kamakhumi kane na babili (42). 25Babetsukhulu ba Kiriyasarimu, Kyefira, ni Beerosi boola bitoondo musaafu ni kamakhumi kane na bataru (743). 26Ba Rama ni Geba boola bitoondo bisesaba ni kamakhumi kabili na mutweela (621). 27Ba Mikimashi boola shitoondo shitweela ni kamakhumi kabili na babili (122). 28Ba Beseli ni Ayi boola bitoondo bibili ni kamakhumi kabili na bataru (223). 29Ba Nebo boola kamakhumi karaano na babili (52). 30Ba Magibishi boola shitoondo shitweela ni kamakhumi karaano na basesaba (156). 31Babetsukhulu ba Elamu ukuundi boola shikana shitweela, bitoondo bibili, ni kamakhumi karaano na bane (1,254). 32Ba Harimu boola bitoondo bitaru ni kamakhumi kabili (320). 33Babetsukhulu ba Lodu, Hadidi ni Ono baaba boola bitoondo musaafu ni kamakhumi kabili na baraano (725). 34Ba Yeriko boola bitoondo bitaru ni kamakhumi kane na baraano (345). 35Ba Sena boola bikana bitaru, bitoondo bisesaba ni kamakhumi kataru (3,630).

36Luruungo lwe basaayi nabo babaakobola lwaba luri: Babetsukhulu ba Yedaya, khuubirira mu Yeshuwa baaba boola bitoondo syeenda ni kamakhumi musaafu na bataru (973). 37Ba Imeru baaba boola shikana shitweela ni kamakhumi karaano na babili (1,052). 38Ba Pashuru boola shikana shitweela, bitoondo bibili ni kamakhumi kane musaafu (1,247). 39Ba Harimu boola shikana shitweela ni likhumi na musaafu (1,017).

40Luruungo lwe bukuuka bukyeekhe bwe ba Levi babaakobola lwaba luri: babetsukhulu ba Yeshuwa ni Kadimiyeli khuubirira mu Hodaviya baaba boola kamakhumi musaafu na bane (74).

41Luruungo lwe babeembi be kimyeenya lwaba luri: babetsukhulu ba Asafu baaba boola shitoondo shitweela ni kamakhumi kabili na shinaane (128).

42Luruungo lwe babaandu babebuula khu shilibwa she Liisaayilo Liikhulu lwaba luri: babetsukhulu ba Shalumu, ba Ateri, ba Talumoni, ba Akubu, ba Hatita, atweela ni babetsukhulu ba Shobayi, nga boosi khuuyilila atweela boola shitoondo shitweela ni kamakhumi kataru na syeenda (139).

43Luruungo lwaabo abe babaakaanisa mu Liisaayilo Liikhulu babaakobola khukhwaama mu bubowe nilwo luno: babetsukhulu ba Ziha, ba Hasufa, ba Tabawosi, 44ba Kerosi, ba Siyaha, ba Padoni, 45ba Lebana, ba Hagaba, ba Akubu, 46ba Hagabu, ba Shamulayi, ba Hanani, 47ba Gideli, ba Gahari, ba Reyayiya, 48ba Rezini, ba Nekoda, ba Gazamu, 49ba Uza, ba Paseya, ba Besayi, 50ba Asuna, ba Mewunimu, ba Nefisimu, 51ba Bakubuku, ba Hakufa, ba Haruhuri, 52Bazilusi, ba Mehida, ba Harusha, 53ba Barukosi, ba Sisera, ba Tema, 54ba Neziya, atweela ni babetsukhulu ba Hatifa.

55Luruungo lwe babaakaanisi ba Solomoni babaakobola khukhwaama mu bubowe: babetsukhulu ba Sotayi, ba Hasoferesi, ba Peruda, 56ba Yaala, ba Darukoni, ba Gidelu, 57Shefatiya, ba Hatilu, ba Pokyeresi-Hazebayimu, ni ba Ami.

58Khuutubaasa atweela luruungo lwe babaakaanisi be mu Liisaayilo Liikhulu, ni babaakaanisi ba Solomoni boola bitoondo bitaru, ni kamakhumi syeenda na babili (392), babaakobola khukhwaama mu bubowe.

59Yabawo nabo babaakobola khukhwaama mu biriimba bye mu Babulooni nga nibyo Telu Mela, Telu Harusha, Kyerubu, Adani, ni Imeru. Ne shonyene ndi baakhasikha khukhwookesanisa bukuuka bwaabwe bukyeekhe mweesi baarubukhamwo mu Isiraeli. 60Bano baaba nibo babetsukhulu ba Delaya, ba Tobiya, ni ba Nekoda boola bitoondo bisesaba, ni kamakhumi karaano na babili (652).

61Luruungo lwaabo babaaba batweela khu basaayi nilwo: babetsukhulu ba Habaya, ba Hakozi, ni babetsukhulu ba Barizilayi. Barizilayi yuno aayila umukhasi khukhwaama mu khakuuka khakyeekhe kha Barizilayi, uwe mu shikuuka sha Gileyadi, naye waatwiikhibwa lisiina lyeene ilyo. 62Babaandu beene bano baaweentselesa burone bububawaambakho nga be muungo, ne baalekha khuubunyoola ta, isho shaakila baabenyusa khu luruungo lwe basaayi lwekhuuba baayilibwa nga baanyaalu. 632.63: Bala 27.21Aryo kila gafana waabwe alakila ari balekhe khulyakho biilyo biikhosefu byoosi ta, khukhwoolesa nga umusaayi waanyoowele khukhwiireebakho khu Urimu ni Tumimu2.63 Bino bibiindu byeesi basaayi baaraambisa khuumanya shiina sheesi Wele akana shikholekhe.

64Buukali bwe babaandu boosi babaakobola khukhwaama mu bubowe bwaba kimikaanda kine, bikana bibili, bitoondo bitaru ni kamakhumi kasesaba (42,360), 65nga waareere atweela babaakaanisi baabwe besaani bekhasi boola bikana musaafu, bitoondo bitaru ni kamakhumi kataru na musaafu (7,337); naluundi baaba ni babeembi be kimyeenya besaani ni bekhasi nga boola bitoondo bibili (200). 66Beetsa ni tsiŋwaaŋwa tsitsoola bitoondo musaafu ni kamakhumi kataru na tsisesaba (736), ni tsinyuumbu natso tsitsoola bitoondo bibili ni kamakhumi kane na tsiraano (245), 67ni tsiŋamila natso tsoola bitoondo bine, ni kamakhumi kataru na tsiraano (435), ni tsisikilya tsoola bikana bisesaba, bitoondo musaafu, ni kamakhumi kabili (6,720).

68Nga babaandu bano ni boola mu Yerusalemu isi Liisaayilo Liikhulu ly’Omukasya lyaaba, batweela khu baaraangilisi be tsiingo baawaanayo biwaanwa bye khuyeeta mu khwoombekha bushaakha Lisaayilo lya Wele Likhulu, mu shifwo shalyo shisheene. 69Nga ni baanyalisa khuuwaana, baawaanayo i zaabu iyoolesa busiro tsikilo bitoondo biraano (500), ni feetsa iyoolesa busiro tsikilo bikana bibili, ni bitoondo shinaane (2,800), ni bikwaaro bye basaayi shitoondo shitweela (100).

702.70: 1 Kim 9.2; Neh 11.3Baryo basaayi, ba Levi, babeembi be kimyeenya, babeebuula khu Liisaayilo Liikhulu, atweela ni babaakaanisi baamwo, baakobolaka bamenyatsaka mu biriimba byaabwe, atweela ni babaandu babaandi. Baryo ba Isiraeli boosi baamenya mu biriimba byaabwe.