Swahili Bible2

38

Shisheeso she khukhwookhelakho biwaanwa

(She Lukyeendo 27.1-8)

1Shisheeso she khukhwookhelakho biwaanwa nasho baashikhola khukhwaama mu kuusaala ku akasiya. Khu ngaaki abe buuleeyi ni buubalaayi shilekhaana, khu fuuti musaafu ni shisiintsa, ne khuuniina mu ngaaki tsifuuti tsine ni shisiintsa. 2Khu soonda tsine, buli soonda yabakho lulwiika, nga balukholela khu bweene. Shisheeso shino shoosi baashiwakha n’ifeetsa. 3Lwanyuma waakhola bibiindu bya buroonzi byoosi abe bibikanibwa khuuraambisibwa khu sheeso shino nga nibyo, tsinyuungu, bibitaha likoshe, tsingalaaya, byeesi bawanikhakho tsinyama, ni bifuluuya. 4Weelakho waakhola shitiindilo nga sha buroonzi waashira shinakari mu mayika. 5Baakhola tsipore tsine tsitsiitsya khu buli luwaande lwe shitiindilo nio banyalise khuubirisilamo kimisaala kye khuusuta. 6Kimisaala kye khuusuta baakikhola khukhwaama mu kuusaala ku akasiya, khu ngaaki khwoosi baabotokhelesakho ni buroonzi. 7Kimisaala kino baakiingisa mu pore tsitsiili khu ndulo khwe shisheeso. Shisheeso baashikhola mu mbaawo, nga abe mukari mwaayikhoora busa.

Khuubuumba lukalaaya

(She Lukyeendo 30.18)

838.8: Luky 30.18Bezaleli waakhola lukalaaya ni khweesi lwikhalakho nga byoosi bya buroonzi, khukhwaama khu ndolelo tse bakhasi babaakaanisa nga bekhala mu mulyaango kukuutsya mu Tabenakulo.

Lulwaanyi lwe Weema

(She Lukyeendo 27.9-19)

9Lwanyuma woombekha lulwaanyi, nga luwaande lulukobolela imwaalo buubalaayi luli tsifuuti shitoondo shitweela ni kamakhumi karaano (150). Tsino tsyaba busa tsingubo tsiimiliyu nga nitsyo tsitsikhiisa. 10Aabawo kimisimikha kamakhumi kabili, buli kutweela nga baakwiimisile mu buroonzi. Aabawo ni bibiwaamba tsingubo nyene nga by’efeetsa, ni tsiimbya tsitsibiwaamba. 11Luwaande lwe lulwaanyi lulukobolela ingaaki nalwo abe buubalaayi luli tsifuuti shitoondo shitweela ni kamakhumi karaano (150), nga nalwo lulikho kimisimikha kamakhumi kabili baakisimikhile mu buroonzi, ni bibiwaamba tsingubo, ni tsiimbya tsitsibiwaamba. 12Luwaande lw’ebukwanyaanga abe buubalaayi luli tsifuuti kamakhumi musaafu na tsiraano. Lulwaanyi luno baalukhola khukhwaama mu ngubo nga iliwo kimisimikha likhumi kyeesi basimikhile mu buroonzi, kikitsiwaambiile khu biwaamba tsingubo ni khweesi babisuungile nga by’efeetsa. 13Luwaande lw’ebwaamanyaanga nalwo abe luli tsifuuti kamakhumi musaafu na tsiraano buubalaayi.

14Kumulyaango kukwiingilamo abe kuli ibukwanyaanga, nga kulimo tsingubo tsitsikhiisa tsibili. Ingubo iye khu luwaande luseetsa abe ili tsifuuti kamakhumi kabili na tsibili ni shisiintsa buuleeyi, nga yemikhile khu misimikha kitaru, buli kutweela mu lilowo lilyakwo. 15Ingubo iye khu luwaande lunyeletsi abe ili tsifuuti kamakhumi kabili na tsibili ni shisiintsa buuleeyi, nga yeemikhile khu misimikha kitaru, buli kutweela mu lilowo lilyakwo. 16Tsingubo tseesi baraambisa khuukhola lulwaanyi tsyoosi abe tsili tsiimiliyu naabi. 17Buli kuusimikha abe baakusimikhile mu buroonzi, ni bibiwaamba tsingubo ni khweesi babisuunga, byoosi abe by’efeetsa. Buli kuusimikha ni bibiwaamba tsingubo, abe byoosi khu ngaaki baarakho ifeetsa.

18Ingubo ibiimba mu mulyaango baakikhola mu ngubo imiliyu naabi, nga baakinabilakho bye raangi imbuusi, inandaafu n’imbesemu. Abe buubalaayi ili tsifuuti kamakhumi kataru, ne khuuniina mu ngaaki abe ili tsifuuti musaafu ni shisiintsa, nga tsingubo tsitsibiimba lulwaanyi. 19Abe iliwo kimisimikha kine kyeesi basimikhile mu buroonzi, nga nikyo kikiwaambile ingubo yino. Khu ngaaki khwe kimisimikha, ni bibiwaamba ingubo, ni khweesi bakisuunga, abe bareerekho ifeetsa.

20Bitsaangi bibyaraambisibwa khuwaamba i Tabenakulo ni khuuwaamba lulwaanyi, byoosi abe bili bye buroonzi.

Khuubala bibiindu bibyaraambisibwa

21Buno nibwo buukali bwe bibiindu bibyaraambisibwa mu khwoombakha i Tabenakulo n’Isanduuku, lwanyuma lwa Musa khuulakila ba Levi ari babibale; Isamari umwaana uwa Aroni umusaayi, niye aakhola kwe buuroni. 22Bezaleli umwaana wa Uri, naluundi umwitsukhulu wa Huri, nga uwe mu shikuuka sha Yuda, niye uwaba uraangilila kumulimo kuno kwoosi, nga Umukasya n’alakila Musa. 23Umuyeeti weewe aaba niye Oholiabu, umwaana uwa Ahisamaki, uwe mu shikuuka sha Dani. Yuno abe ali umubasi uwe angaaki naabi mu khubeetsa ni mu khusaaha, ni khuukhola bikwaaro biilayi naabi, by’eraangi imbuusi, inandaafu n’imbesemu.

24Babaandu baareera biwaanwa bibyoola tsikilo bitoondo syeenda ni kamakhumi shinaane na tsisesaba (986), ni bibiindi tsikilo shinaane ni busiintsa butaru. Bino byoosi byaraambisibwa khu Tabenakulo. 2538.25: Luky 30.11-16Ifeetsa isi baareera abe yoola tsikilo bikana bitaru ni bitoondo bine (3,400), khuutsiila khu shipimo she shiifwo shikhosefu. 2638.26: Mat 17.24Bino byaamila khu buli mutweela khuuwayo kumusolo kukwoola tsiguramu tsiseba, khukhwaama khuubo boosi beesi bawandiikha aasi nga babala babaandu. Muno mwabamo basaani boosi nga boolisa kimiiko kamakhumi kabili ni khuumiinyisakho, nga atweela bali kimyeeka kisesaba, bikana bitaru, bitoondo biraano ni kamakhumi karaano (603,550). 27Kimisimikha kikyawaamba ingubo iye mu shifwo shikhosefu ni kamalowo shitoondo shitweela mweesi baakiimisa, byayila tsikilo bikana bitaru ni bitoondo bine (3,400), nga buli kukuubira kuyila tsikilo 34. 28Ifeetsa iramire abe iyoolesa tsikilo nga kamakhumi kabili, yaraambisibwa mu khukhola bibiwaamba tsingubo ni khweesi batsibowa, ni khuura khu ngaaki khwe bisiindi.

29Buukali bwa buroonzi isi baareera abe bwoola tsikilo bikana bibili ni bitoondo bine (2,400). 30Bino babiraambisa khuuramo kimisiindi kye amulyaango kwe Tabenakulo, ni shisheeso sha buroonzi, ni shitiindilo shamwo ni bibiraambisibwa khu sheeso. 31Buroonzi ukuundi baamuraambisa khukhwikhasamo kimisiindi kikyawaamba tsingubo tsitsikhiisa lulwaanyi, ni kimisiindi kye ngubo iy’emulyaango, ni bitsaangi by’eweema bibyawaamba ingubo ikhiisa lulwaanyi lwoosi.