Swahili Bible2

30

Shisheeso she bubaani

1“Lwanyuma uli ni khuukhola shisheeso khukhwaama mu kuusaala ku akasiya, she khukhwookhelakho bubaani. 2Shili ni khuuba nga buuleeyi ni buubalaayi bilekhaana khu sentimita kamakhumi kane na tsiraano, ne khuuniina mu ngaaki nga shoolisa tsi sentimita kamakhumi syeenda. Uli ni khuukhola tsiintsika nga tsyaayiwaamba khu bweene. 3Khu ngaaki, tsindulo ni tsiintsika tsyasho, uli ni khuubibiimbakho ni zaabu. Naluundi ukhole shibuumbe she zaabu wibotokhelese shisheeso shoosi. 4Aasi we shibuumbe isho, khu luwaande lululoleleele shisheeso, rakho tsipore tsy’ezaabu tsibili, nga muno mweesi bara kimisaala kye khuusuta. 5Kimisaala kye khusuta kino ukikhole khukhwaama mu kuusaala ku akasiya, nga khu ngaaki ubiimbakho izaabu. 6Shisheeso she bubaani shino uli ni khuushira ibulafu we ngubo ikhiisa Iweema, luwaande lululoleeleele shishibiimba khu Weema, ibweeni we shitsoloŋo she khuukhala kimisaango, shishiili angaaki e weema, isi ikhaakhwakaananile iwe.

7“Buli kumutikhinyi nga Aroni aŋoona tsitaala, ali ni khukhwookhela khu sheeso bubaani bubuwunya buulayi. 8Naluundi buli angoloobe nga Aroni awaambisa tsitaala, ali ni khukhwookhela bubaani mu moni tsy’Omukasya. Shino shili ni khuukholikha khuumala kimiboolo kyoosi. 9Ukhawaanayo bubaani bwoosi bubukhali bukhosefu, namwe biwaanwa bibyookhebwa, namwe bye bilimwa namwe bye khuunywa ta. 10Shifukhu shitweela mu buli kumwiiko, Aroni ali ni khuupyeeluusa shisheeso isho, nga ara khu ntsika khwasho kamafuki kakaamile mu shaayo sheesi baraambisire khuuwaanayo khuurusawo bibyoonako. Buli kumuboolo kuli ni khuukhola shino buli kumwiiko, khulwekhuuba shino nisho shisheeso shishiminyisayo buukhosefu isi Umukasya.”

Kamapeesa ke khuulolelela Tabenakulo

11Umukasya waalomela Musa ari, 12“Buli lweesi ubalila ba Isiraeli mu linaambo lyoosi, buli mutweela ali ni khuusasula isi Umukasya shishimusikula. Nio shikile ilekhe khubawo tsindwaale tsoosi tsiimbi nga ubala babaandu ta. 1330.13: Luky 38.25,26; Mat 17.24Buli uyo yeesi isi ubala ali ni khuusasula bino: Shisiintsa she shipimo khuuloondekhana ni shiifwo shikhosefu, naluundi shisiintsa she shipimo isi Umukasya. 14Abo boosi babaabalibwa nga boolisa kye buukhulu kamakhumi kabili ni khuumiinyisakho, bali ni khuuwaanayo shiwaanwa shino isi Umukasya. 15Mu khwaakaanisa Umukasya shiwaanwa she khukhwiyakhila bibyoonako shino, umuyiinda n’umutaambi bali ni khuuwaanayo shitweela busa. 16Raambisa kamapeesa kano mu khulolelela i Tabenakulo. Shino kane shikile Umukasya ashebulile ba Isiraeli, nio anyalise khuubeyakhila inywe bibyoonako byeenywe.”

Lukalaaya lwe khuusaabilamo

(She Lukyeendo 38.8)

17Umukasya waalomela Musa ari, 1830.18: Luky 38.8“Khola lukalaaya lwe khuusaabilamo nga luli lwa buroonzi, urekho ni kumukhoondi kwa buroonzi. Lure akari e Tabenakulo ni shisheeso, ulwitsusemo kameetsi. 19Aroni ni babaana beewe bali ni khuusaaba kamakhono kaabwe ni khuusiinga bikyele mubweene umwo. 20Bali ni khuusaaba nga beetsa khukhwingila mu weema, namwe nga beetsa khu sheeso khuuwaanayo biwaanwa, namwe khuuwaanayo isaayilo intsoshe isi Umukasya. Bali ni khuusaaba nga bashiili khukhwakaanisa musaambo itsyo ta. Nga sibashikholile baryo ta, kane bafwe. 21Khuusaaba kamakhono ni bikele khuno, lili liikaambila lye biilo ni biilo mu buli kumuboolo.”

Kamafura ke khuuwaanayo ni khukhwaawula

(She Lukyeendo 37.29)

2230.22: Luky 37.29Lwanyuma Umukasya waalomela Musa ari, 23“Tsya ubuuse bye khukwiihakha bibiwunya buulayi bubweene, bibyoola tsikilo tsiraano ni bisiintsa musaafu bya mira, ni bya sinamoni ni kuusaala kukuwunya buulayi, nga buli shitweela shoolisa tsikilo tsibili ni busiintsa syeenda. 24Khukhwaama khu kuusaala ku akasiya, ubuse tsikilo tsiraano ni busiintsa musaafu, ni tsi lita tsitaru ni busiintsa shinaane tsye kuusaala kumusabibu. 25Tubaasa bibiindu bino byoosi buulayi, waamisemo bye khukhwihakha bibiwunya buulayi, ako kabe kamafura ke khuubita. 26Raambisa kameene ako khuubita i Tabenakulo n’Isanduuku iye Indakaano, 27ikhaba n’imeetsa, ni shisiindi sheesi itaala yimakho, ni bipwakhuli byoosi, ni shisheeso she khukhwookhelakho bubaani.

Bubaani bubuwunya buulayi

34Umukasya waalomela Musa ari, “Busaasa bibiwunya buulayi nga nibyo onisha, galubanumu, ni bubaani buulayi naabi, nga buli shitweela shilekhaana mu bukali. 35Biwe umuundu uwamanya khuutubaasa bubaani, akhole buulayi naabi naluundi bukwalaafu aremo ni kumuunyu. 36Bukulakho bulala ubutsuunge bunoke naabi, ubure ibweeni we Isanduuku iye Indakaano, isi kane ise ikhwakaanane iwe, ibweeni we Tabenakulo. Buno buli ni khuuba nga nibwo bubufuurisayo mu bukwalaafu. 37Ukhekholelayo wamweene bubaani bubufwaanana nga buno buri ta. Buli ni khuuraambisibwa n’Umukasya yenyene, naluundi uli ni khuubuyila nga bukwalaafu. 38Uyo yeesi uwikholelayo bubaani buulayi bubuwunya buulayi nga buno buri, ali ni khuutuumibwa ibulafu we lituuli lye babaandu beewe.”