Swahili Bible2

10

Buukhulu bwa Ahasweero ni Modekaayi

1Umuyiinga Ahasweero waalakila buli muundu yeesi mu buyiinga bweewe, ni naabo boosi babaamenya shanjelekha we nyaantsa, khuuwa kumusole. 2Bibiindu bikhulu byoosi byeesi umuyiinga Ahasweero aakhola, bibyokyesanisa bunyala ni kamaani keewe, ni neebyo byoosi bibyokyesanisa khuutsowesebwa khwa Modekaayi mu shifwo she angaaki, byaronebwa mu shitabo sheesi balaanga bari shiitabo she bibyaamayo bye bayiinga be Pasiya ni Mediya. 3Modekaayi Umuyudaaya niye uwaba uwe khabili khukhwiila khu muyiinga Ahasweero, naluundi aaba umukhulu naabi mu Bayudaaya basheewe. Bayudaaya baamwisamo lukoosi, naluundi baamukana naabi, lwekhuuba aabakholela biilayi biikali, naluundi nga akanisa naabi babaandu be linaambo lyeewe khuuba buulayi.