Swahili Bible2

6

Likaambila lilifuura buukhulu

1“Kano niko kamakaambila, ni biilakilo byeesi Umukasya Wele weenywe aandakila ise khuubawa nga imbaleekela inywe, nio nanywe munyale khuubiloondelela nga muli mu shibala sheesi mulikho mutsya khukhwiyilila nga shisheenywe. 2Inywe mwabeene, namwe babaana beenywe, namwe babetsukhulu beenywe babaliilawo lwanyuma, nga mukana khuumenya buulamu buulayi bwe khukhwiikanilamo, muli ni khuuloondelela kamakaambila ni biilakilo byeesi ise ndi khuubawa. 3Nashiryo, ba Isiraeli, ni mureekerese! Ni mwitsiliilise khuubona muri mutsiila khu makaambila kano, nio bibiindu byoosi bibatsiile inywe buulayi, khukhwikyela linaambo lye kamaani. Muryo munyalise khubalaayila mu shibala she liiloba liilayi, lilyaama biilyo biikali, nga Umukasya Wele weenywe n’alomela bakuuka beefwe.

46.4: Mako 12.29“Ba Isiraeli ni mureekerese! Umukasya Wele weefwe ali Umukasya mutweela yenyene. 56.5: Mat 22.37; Mako 12.30; Luka 10.27Nashiryo, ni mukanatsake Umukasya Wele weenywe ni kimyoyo kweenywe kyoosi, ni buulamu bweenywe bwoosi, ni kamaani keenywe koosi. 66.6: Maka 11.18-20Ni muwaambile mu myoyo kyeenywe kamakaambila kano keesi ndi khuubawa shaleelo, 7munyalise khuukaleekelatsaka babaana beenywe. Mukakanikhatsakekho buli mbuka nga mwekhaale ingo weenywe, namwe nga mulikho mukyeenda khu ntsila, namwe nga mulikho mutsya khukona, namwe nga musisimukha mwiilo kumutikhinyi. 8Nimukarone buulayi, mukabowe khu makhono keenywe, ni khu bweeni bweenywe, bibe khaabonelo khakhabakhebusa inywe kamakaambila kaase. 9Muli ni khuurona kamakaambila kano khu milyaango kye khu ntsu tseenywe, ni khu bilibwa bye biriimba byeenywe.

106.10 a Rak 12.7; b: Rak 26.3; c: Rak 28.13“Umukasya Wele weenywe aasuubisa bakuuka beenywe, Iburayimu, Isaaka, ni Yakobo, ari kane abawe shibala shino. Shibala shishiili shiboofu luundi nga shilimo biriimba bibiilimo bibyombakhe biilayi, byeesi inywe mukhombakha ta, 11tsiintsu tsayitsulamo bibiindu biilayi byeesi inywe mwabeene mukhaaramo ta. Naluundi kane abawe tsisebele tse kameetsi tseesi inywe mukhaayaba ta, ni kimikuunda kye kimisabibu ni kimizeyituni kyeesi mukhabyaala ta. Ne nga mwaaliile luundi mwekurire, 12mwitsiliilisa naabi khuubona muri, simwiibilila Umukasya uwabakaangulula inywe, waabarusa mu bukulwa i Misiri ta. 136.13: Mat 4.10; Luka 4.8Muli ni khukhwiisaayatsaka Umukasya Wele weenywe ni khuumurya, luundi ni khuunikina, nga mwiwaanayo khuuba babeyikinwa isi lisiina lyeewe. 14Mukhaloondelelakho ba wele babaandi, beesi kamanaambo kakaabebotokheleele inywe kesaaya ta! 15Khulwekhuuba Umukasya Wele weenywe umenya akari mus’iinywe, ali Wele uwe libuba, s’akana mwesaaya ba wele babaandi ta. Ni mwisaaya ba wele babaandi, kane Umukasya Wele weenywe lirima limuwaambe, aboonakise inywe abamalewo khu shibala.

166.16 a Mat 4.7; Luka 4.12; b: Luky 17.1-7“Mukhakhakilisa Umukasya Wele weenywe, muri nio mubone shiina sheesi anyala khuukhola ta, nga ni mwashikhola nga muli i Masa. 17Muli ni khukhwitsiliilisa naabi khuubona muri, muloondelela kamakaambila, ni biilakilo, n’indeekela, byeesi Umukasya Wele weenywe abalakila. 18Muli ni khuukhola bibiindu bibiili biilayi naluundi bibiili byaŋali mu moni tsy’Omukasya, nio munyalise khuutsya khuwaamba liiloba liilayi lyeesi Umukasya atsya khubawa inywe nga niye n’etsubila bakuuka beenywe. Naluundi nio shibanyalise inywe khuumenyamo imbuka indeeyi. 19Umukasya nga n’asuubisa, ananyoowa khuutitula baasiku beenywe boosi, khurura mu liloba ilyo.

20“Nio nyaanga nga babaana beenywe beetsile khuubareeba bari, ‘Kamakaambila kano, ni biilakilo bino, ni indeekela yino, byeesi Umukasya Wele weefwe aamala khuubawa inywe, bimanyisa shiina?’ 21Mukhaabeelemo muri, ‘Ifwe khwaba nga khuli baakulwa mu Misiri, nga khutaambisibwa ni Faraawo, umuyiinga uwa Misiri. Ne Umukasya waaraambisa bunyala bweewe bukali naabi, waakhurusayo ifwe. 22Umukasya waakhola bye kamakaanga, ni bibiyaangisa biikali naabi, bibyareera kumutaambo isi ba Misiri boosi, ni Faraawo ni be mu ntsu yeewe boosi, nga ifwe khwaaboone. 23Nashiryo, Umukasya waakhumusa ifwe khukhwaama ibweene iyo, ari akhureere ifwe ano, akhuwe liiloba lyeesi aasuubisa khuuwa bakuuka beefwe. 24Shaakila Umukasya waakhulakila ifwe khuuloondelela kamakaambila keewe, ni khuumwisaaya niye, khulwekhuuba ali Umukasya Wele weefwe. Khuli ni khuukhola shino nio Umukasya akhuliinde ifwe khuuba buulayi naluundi balamu, nga ni shili lwe shaleelo. 25Nashiryo, ni khuba babeyikinwa, naluundi khwaamenya nga khuloondelela kamakaambila k’Omukasya, khunaba khwaamenyile buulamu bweefwe khuuloondekhana ni sheesi Wele weefwe akana.’”