Swahili.Bible
Bible Society of Kenya
Bible Society of Kenya
Madaraka, Nairobi
PO Box 72983
Tel: 254 20602807
E-mail: info@biblesociety-kenya.org
27
Shisheeso khu Lukiingi Ebali
1Musa atweela ni baraangirisi ba Isiraeli baalakila babaandu bari: “Muli ni khuuloondelela kamakaambila koosi keesi ise imbawa lwe shaleelo. 227.2: Yos 8.30-32Nga mwaakhalisile luluutsi Yorudaani, mwengiile khu liloba lyeesi Umukasya Wele weefwe atsya khubawa inywe, ni murewo kamabaale kamaboofu, mukawakhekho shishiindu shiwaanga. 3Rona khu mabaale ako bilomo byoosi bye kamakaambila kano, nga mwaamalile khuukhalisa, mwengiile khu liloba lyeesi Umukasya Wele weefwe atsya khubawa. Lili liiloba liilayi naabi, nga lyaama biilyo biikali, nga Wele n’asuubisa bakuuka beefwe. 4Nga mwaakhalisile luluutsi Yorudaani, rawo kamabaale tsana ako khu Lukiingi Ebali, nga ise n’imbalakiile, mukawakhekho shishiindu shiwaanga. 527.5: Luky 20.25Ibweene iyo muli ni khukhwombakhilayo Umukasya Wele weefwe shisheeso, nga muraambisa kamabaale. Mukhakuunyakho ni shiibya shoosi ta. 6Ni mwombekhele Umukasya Wele weefwe shisheeso, nga muraambisa kamabaale kakaali kamabuufu busa keesi bakhakhupakilemo ta. Lwanyuma muwaanilekho isaayilo intsoshe, isi Umukasya Wele weefwe. 7Waanilayo ibweene iyo tsisaayilo tsitsireera lukoosi, mutsilye nga mwikhoyela mu moni tsy’Omukasya, Wele weefwe. 8Bilomo byoosi bye kamakaambila k’Omukasya, Wele weefwe, muli ni khuukarona khu mabaale keesi mureerewo.”
9Kila Musa atweela ni basaayi, nga nibo babaaba ba Levi, balomela ba Isiraeli bari, “Ba Isiraeli, ari ni musile busa, murekeerese! Ari inywe mwekelile babaandu b’Omukasya, Wele weefwe. 10Shonyene indi, muli ni khuuloondelela kamakaambila ni biilakilo by’Omukasya, Wele weefwe, byeesi ise ndikho imbawa inywe shaleelo.”
Bitsubo khukhwaama khu Lukiingi Ebali
11Khu shifukhu ni shisheene, Musa waalakila babaandu ari, 1227.12: Maka 11.29; Yos 8.33-35“Nga mwaakhalisile Luluutsi Yorudaani, babaandu be mu bikuuka bino bali ni khukhwiima khu lukiingi Gerizimu, bawe babaandu tsiikhabi: Simeoni, Levi, Yuda, Isakaari, Yusufu, ni Benyamini. 13Ne bikuuka bino, bili ni khukhwiima khu lukiingi Ebali khuukuukuula bitsubo: Rewubeni, Gadi, Asheri, Zebuluni, Dani, ni Nafutali.”
14Nio lwanyuma ba Levi bakuukuule isi ba Isiraeli boosi ni likono lye angaaki nga baloma bari, 1527.15: Luky 20.4; 34.17; Lev 19.4; 26.1; Maka 4.15-18; 5.8“Umuundu yeesi ubuumba shifwaani, shishiindu sheesi Umukasya akhakana ta, waashirawo busa mu shimoonyo, kane atsubibwe.
“Nio babaandu boosi beelemo bari, ‘Amiina!’
1627.16: Luky 20.12; Maka 5.16“Umuundu yeesi ukheesamo paapa weewe ni maayi lukoosi ta, kane atsubibwe.”
Nio babaandu boosi beelemo bari, “Amiina!”
1727.17: Maka 19.14Umuundu yeesi usyeenda kamasiintsi khu lwaakha lwe liiswa ly’owashe, kane atsubibwe.
Nio babaandu boosi beelemo bari, “Amiina!”
1827.18: Lev 19.14“Umuundu yeesi ukila umubofu waatiima intsila, kane atsubibwe.”
Nio babaandu boosi beelemo bari, “Amiina!”
1927.19: Luky 22.21; 23.9; Lev 19.33,34; Maka 24.17,18“Umuundu yeesi ukhabirisa buulayi babeetswa, baafuubi, ni banamulekhwa, kane atsubibwe.”
Nio babaandu boosi beelemo bari, “Amiina!”
2027.20: Lev 18.8; 20.11; Maka 22.30“Uyo yeesi uwaamba umukhasi uwa paapawe waamukhola umukhasi uweewe, kane atsubibwe. Khulwekhuuba aba woonakisile lukoosi lwa paapa weewe.”
Nio babaandu boosi beelemo bari, “Amiina!”
2127.21: Luky 22.19; Lev 18.23; 20.15“Umuundu yeesi uwaamba shishaayo waashikhola umukhasi, kane atsubibwe.”
Nio babaandu boosi beelemo bari, “Amiina!”
2227.22: Lev 18.9; 20.17“Umuundu yeesi uwaamba umukooko weewe, nga ali uwe muunda iya paapawe namwe iya maayi weewe, waamukhola umukhasi, kane atsubibwe.”
Nio babaandu boosi beelemo bari, “Amiina!”
2327.23: Lev 18.17; 20.14“Uyo yeesi uwaamba maayi weewe umumasaala waamukhola umukhasi, kane atsubibwe.”
Nio babaandu boosi beelemo bari, “Amiina!”
24“Umuundu yeesi uwiira uwashe mu shimoonyo busa, kane atsubibwe.”
Nio babaandu boosi beelemo bari, “Amiina!”
25“Umuundu yeesi uwakaanila iwoongo ari nio atsye eere uyo ukhalikho kumusaango ta, kane atsubibwe.”
Nio babaandu boosi beelemo bari, “Amiina!”
2627.26: Gal 3.10“Uyo ukhakane awaambe kamakaambila kano naluundi akaloondelele, kane atsubibwe.”
Nio babaandu boosi beelemo bari, “Amiina!”