Swahili Bible2

26

Likyesa lilinyoowa

1Musa weloosela waaloma ari, Nga mwaamalile khukhwingila khu liloba lyeesi Umukasya Wele weefwe atsya khubawa nga buusikha bweenywe, nga mwaamalile khukhwiyombakha, 226.2: Luky 23.19muli ni khuuyila biilimwa khukhwaama mu likesa liikiboole khukhwaama mu liloba ilyo, mubire mu shikono. Lwanyuma mubisute mutsye ni nabyo mu shifwo mweesi Umukasya Wele weefwe kane abe waarobora khuumwisaayilamo. 3Lomela umusaayi uuli khu buraambi imbuka iyo muri, “Shaleelo indikho imbaanayo isi Umukasya Wele weefwe, biilyo bibyaama khu liloba lyeesi Umukasya eetsuba ari akhaawe bakuuka beefwe.” 4Nio lwanyuma umusaayi abukule shishiipo khukhwaama mu makhono koowo, ashire aasi e shisheeso sh’Omukasya, Wele weefwe. 5Aryo, abyakaanise isi Umukasya Wele weefwe, nga aloma ari, “Umukuuka wase aaba aama mu Aramu, ne waatsya mu Misiri, nga ali ni babaandu bafwiiti bari. Waamenya ibweene iyo, weekelamo linaambo liboofu, naluundi nga lili ni kamaani. 6Ne ba Misiri baakhubirise ifwe buubi, nga khutaambisibwa, naluundi baakhuwaamba ni kamaani khuukhola kimilimo kimisiro. 7Lwanyuma ifwe khwaalilila Umukasya Wele weefwe, ni naye waawulila likono lyeefwe, naluundi waabona khuutaambisibwa khweefwe, khuuraamba ni kamaani, ni khuumiinikhilisibwa. 8Nashiryo, Umukasya Wele weefwe waaraambisa kamaani ke angaaki, ni bye kamakaanga biikali, ni bibiyaangisa. 9Waakhureera ifwe ano, waakhuwa ifwe liiloba liilayi lino, lilyaana biilyo biikali. 10Bona ari ise indeera biilimwa bibinyoowa byeesi iwe umbeele ise, khukhwaama khu liloba lyeesi iwe, Umukasya Wele wakhuwa ifwe.” Biikha shishiipo ibweeni w’Omukasya Wele weefwe, lwanyuma umwiisemo shiriifwa nga umwinamila. 11Iwe wamweene, atweela ni ba Levi, ni babeetswa beesi mumenya ni nabo, muli ni khukhwikhoya khulwe bibiindu byeesi Umukasya Wele akhuwa iwe ni be muntsu yoowo.

1226.12: Maka 14.28,29Nga kumwiiko kwe khuuwaanayo shitweela she likhumi kwoolile, naluundi nga waamalile khuushira buraawa, uli ni khuushiwa ba Levi, babeetswa, baafuubi, ni banamulekhwa, nio nabo banyalise khuulya bekure. 13Lwanyuma ulomele Umukasya Wele weefwe uri, “Ise naamalile khuuwaanayo shisiintsa shikhosefu khukhwaama muntsu yase, khuuloondekhana ni likaambila lyeesi warawo. Ise sinayikaana kamakaambila koowo ta, namwe naakebilila ta. 14Nga ndi mu mutaambo sinalyakho ikhaba khasiintsa kheebyo bibiili bikhosefu ta, namwe sinarusakho bibiindi khukhwaama mu ntsu yase nga sinepyeelusile ta, namwe sinawaanatsakayo isi abo babaafwa ta. Naloondeleele byeesi iwe, Umukasya Wele weefwe, waandeekela khuukhola. Naabikholile byoosi. 15Ari nga uliiyo mwikulu likhosefu isi iwe umenya, n’ulose tsimoni tsyoowo aasi khu shibala, uwe babaandu boowo ba Isiraeli tsikhabi, atweela ni liiloba lyeesi wakhuwa ifwe nga ni wasuubisa bakuuka beefwe. Wakhuwa ifwe liloba liliili liilayi naabi, nga lyaama biilyo biikali.

Loondelela kamakaambila k’Omukasya

16“Shifukhu she shaleelo, Umukasya Wele weefwe alikho abalakila ari muli ni khuuloondelela kamakaambila keewe ni biilakilo byeewe. Muli ni khuumenya khuuloondekhana ni byeesi aloma, muwaambe kamakaambila keewe, bilakilo byeewe, naluundi mumuwulile. 17Lwe shaleelo mwaakhalilewo muri Umukasya, ali niye Wele weenywe, naluundi muri kane muloondelele kamakaambila keewe, bilakilo byeewe, naluundi muri kane mumuwulilatsake.

18“26.18: Luky 19.5; Maka 4.20; 7.6; 14.2; Tito 2.14; 1 Pet 2.9N’Umukasya naye waakhalilewo lwe shaleelo ari, inywe muli babeewe, muli she kumukaso naabi nga n’asuubisa, naluundi nanywe muri kane muloondelele kamakaambila keewe. 19Umukasya waakhalilewo ari inywe kane mube babaamanyikhaane, naluundi be angaaki naabi khuuminyisa kamanaambo kakaandi keesi aabuumba. Ari kane babaandu babaali bakhosefu isi Umukasya Wele weenywe, nga n’asuubisa.”