Swahili Bible2

25

1Musa weloosela waaloma ari, “Nga abeelewo khuukhaandisana akari e babaandu babili, bali ni khuutsya mu kooti isi baakayi bakhalewo mu musaango ukwo. Bali ni khuukhalawo naanu isi kufuurire bamuwe shitaambiso. 2Nga isi kufuurire ali ni khuukhupibwa biiboko, umukayi ali ni khuumulakila akone aasi, bamukhupe biboko bibyoolana ni kumusaango kweesi akholile. 325.3: 2 Kor 11.24Ne sebamukhupa biboko bibituumisa mu makhumi kane ta. Ni bituuma awo, baba baamumalilemo lukoosi lweewe.”

425.4: 2 Kor 9.9; 1 Tim 5.18Nga ulikho uraambisa iwuunwa mu khuuwuula biilyo, ukhakibowa imunwa ta.

Khukhwiila khu namulekhwa

525.5: Mat 22.24; Mako 12.19; Luka 20.28Nga iliwo basooleli babaaloondana, mutweela waayila umukhasi, ne waafwa busa nga ashiili khusaala umwaana ta, namulekhwa weewe ali ni khuukhwaalikha khu bandaaye booyo ufwiile. Mulamuwe uwa namulekhwa ali ni khuumwiilakho, asaalile wandaaye babaana. 6Umwaana waabwe umusiinde umukiboole, bali ni khuumutwiikha lisina lya paapawe uwafwa, nio balekhe khumwibilila mu Isiraeli ta.

725.7: Ruse 4.7,8Ne abe noola wandaaye uw’oyo uwafwa s’akana weela khu mulamu weewe ta, namulekhwa ali ni khuutsya khu shilibwa she shiriimba isi baakayi, abalomele ari, “Mulamu wase waalobile khukhuuntsilakho. S’ali khuukana khuusaala ni nase babaana ta.” 8Nio lwanyuma baraangirisi be mu shiriimba balaange mulamu weewe bamureebe. Nga waakhaliilewo ilala ari, “Singane imwiilekho ta,” 9namulekhwa ali ni khuumwiisyeenda aambi mu moni tsye baraangirisi, amufuule sapatu yeewe indweela, lwanyuma amufuutse kamare mu moni. Amulomele ari, “Shino nisho sheesi bakhola khuuyo ukhakana weela khu mukha wandaaye ta.” 10Lisaaye ly’omweene uyo mu Isiraeli bakhaalilaange bari Lisaaye ly’oyo Isi Baarusakho sapatu.

Kamakaambila kakaandi

11Basaani babili ni baaba nga balikho basoolana, ne umukhasi uwa mutweela khubeene abo, waatsya khuyeeta uyo uwibwakaale umuseetsa weewe, ne waayila kumukhono waawaamba busaani bw’omusiku uyo, 12muli ni khuukhalakho kumukhono kw’omukhasi uyo. Mbaawo khuumuwaambila shiisa ta.

1325.13: Lev 19.35,36Ukhaba ni bipimo bye tsisaambo tsibili mu shikapu shoowo, shitweela shikali shishiindi shikeekhe ta. 14Ukhaba ni biipimo bye tsisaambo tsibili muntsu mwoowo, nga shitweela shili shikali, shishiindi shikeekhe ta. 15Nga mukana mumenyewo imbuka indeeyi khu liloba lyeesi Umukasya Wele weenywe atsya khubawa, muli ni khuuba ni bipimo bituufu. 16Khulwekhuuba Umukasya Wele weefwe s’akana babaandu babaakhola bibiindu nga ibyo ta.

Likaambila lye khuuhesa ba Amaleki

1725.17: Luky 17.8-14; 1 Sam 15.2-9Khebulila sheesi ba Ameleki baakhukhola ifwe nga khuli mu lukyeendo khukhwaama i Misiri. 18Ni mwaba nga mwaaluyile naluundi mwaaweelemo kamaani, baabaloondakho beera abo abe babaasikasyaamila imukoongo. Abe sibalikho ni khuurya Wele ta. 19Nga Umukasya Wele weefwe waamalile khuubarusakho baasiku boosi babaabebotookheleele khu liloba lyeesi atsya khubawa inywe nga buusikha bweenywe, muli ni khukhwiira be lisaaye lya Ameleki mulimalewo. Mukhebilila khuushikhola ta.