Swahili Bible2

24

Khuuloba umukhasi

124.1: Mat 5.31; 19.7; Mako 10.4“Umusaani n’ayila umukhasi ne waanyoola nga umukhasi uyo alikho shiwaangafu, ali ni khuumuwa buurone bwe khuumuloba, amuwoone arure ango eewe atsye. 2Umukhasi uyo anyala waatsya waakhwaalikha khu musaani ukuundi. 3Ne uwe khabili yuno naye n’aaba nga siwaamukanile ta, ali ni khuumuwa buurone bwe khuumuloba amuwoone atsye. Namwe umusaani yuno n’aafwa, 4umuseetsa weewe umukiboole s’afukiilisibwa khuumuyila luundi ta, khulwekhuuba aba baamwoonakisile. Isho shishiindu shiibi naabi mu moni tsy’Omukasya. Mukhakhola shishoonako nga isho shiryo, nga mwoolile khu liloba lyeesi Umukasya Wele weefwe atsya khubawa inywe, nga kumukabo ta.

Kamakaambila kakaakhali matweela ta

5“Nga umusaani nio aama khuyila umukhasi, akhatsya mu busoolo ta, namwe bakhamuwa kumulimo kwe kamaani kwoosi ta. Ali ni khuumala kumwiiko kumubuufu nga ali ingo, nio ekhoyese umukhasi weewe.

6“Ukhawaambiilila luusisi n’isyo, khulwe likobi ta. Khulwekhuuba awo uba waamurusilekho she khuulya.

724.7: Luky 21.16“Ni banyoola umuundu nga alikho atsoonwaaka uwashe umu Isiraeli, waamubirisa nga umukulwa, namwe waamukulisa, uyo umutsoonwakile ali ni khukhwiiribwa. Muli ni khuurusawo shishoonako shishifwaana nga isho mu lituuli lyeenywe.

824.8: Lev 13.1—14.54“Bibiwaambakana ni buulwaale bwe lihaafu, muli ni khukhwitsiliilisa mubone muri mukhola nga basaayi ni baababoolela. Muli ni khuuloondelela sheesi ise imbabooleele. 924.9: Bala 12.10Shebulila sheesi Umukasya Wele aakhola khu Miryamu, nga khuli khu ntsila khukhwaama i Misiri, khwiitsa.

1024.10: Luky 22.26,27“Nga wekopisile umuundu shishiindu, ukhekhupa muntsu mweewe waatsya waabukula she khuuwaambiilila ta. 11Uli ni khuurama ibulafu, uyo umweene atsye mu ntsu, atsye akhurerere shishiindu isho. 12Nga umuundu uwikopile ali umutaambi, ukhayila shishiindu sheewe shaakona iwoowo ta. 13Uli ni khuumukoboselayo shikwaaro sheewe, nio ebiimbe mu shilo. Awo kane akhusiime, ni mu moni tsy’Omukasya, Wele weefwe kane shibonekhe nga shikholwa she bukwalaafu.

1424.14: Lev 19.13“Ukhamiinikhilisa umuraambi yeesi, oba ali umu Isiraeli, namwe umwiitswa, bari khulwekhuuba ali umutaambi namwe asabilisa ta. 15Muwe kumukheemba kwa buli shifukhu, nga inyaanga ishiili khukwa ta, khulwekhuuba ali umutaambi nashiryo waakhwiyikinile. Ne nga ta, kane uli alilila Umukasya, isho shibe nga iwe waakholile shishoonako.

1624.16: 2 Bay 14.6; 2 Kim 25.4; Ezek 18.20“Mbaawo khukhwiira ba paapa khulwe kumusaango kw’omwaana ta, namwe khukhwiira umwaana khulwe kumusaango kwa paapawe ta. Buli mutweela eribwa khulwe kumusaango kukweewe umweene.

1724.17: Luky 23.9; Lev 19.33,34; Maka 27.19“Ikhaba babeetswa, baafuubi, banamulekhwa, muli ni khuubabirisa buulayi. Mukhayila shikwaaro sha namulekhwa mwawaambilila khulwe likobi ta. 18Khebulila muri nanywe mwaba baakulwa mu Misiri, ne Umukasya Wele weefwe waabawonesa khukhwaamayo. Isho shishikila imbalakila inywe khuukhola bibiindu bino.

1924.19: Lev 19.9,10; 23.22“Nga ulikho ukyesa biilyo, ne webilila kumukaanda kweebyo byeesi ukyesile, ukheelayo waakusuta ta. Ibyo lekhela babeetswa, ni baafuubi, ni banamulekhwa, nio Umukasya Wele weefwe, akhuwe tsikhabi mu byeesi ukhola byoosi. 20N’ubuta kimi olivu kyoowo nga ukhupila lusaala, ukheela khu lusakya kumuluundi kwe khabili ta. Kikiramirekho lekhela babeetswa, baafuubi ni banamulekhwa. 21Nga ukyesa kimizabibu mu mukuunda kwoowo, ukheelamo khabili ta. Lekhela babeetswa, ni baafuubi, ni namulekhwa kikiramire. 22Khebulila muri inywe mwaba baakulwa mu Misiri, kila indikho imbalakila inywe khuukhola shino.”