Swahili Bible2

23

Babaakhafukiilisibwa khuuba mu baandu ba Wele ta

1Musa weloosela waaloma ari, “Umusaani yeesi isi baamala khuukhalakho tsimiitso tsye busaani, namwe nga baatsinyalula, s’afukiilisibwa khuuba mu lituuli lye babaandu b’Omukasya ta.

2“Umuundu isi baasaala nga basaali beewe bashiili khuyilana ta, ikhaba be lisaaye lyeewe, khukhwoolesa mu muboolo kukuukhola likhumi, sibafukiilisibwa mu lituuli lye babaandu b’Omukasya ta.

323.3: Neh 13.1,2“Mbaawo umu Amoni, namwe umu Mowabu, uuli ni khukhwiingila mu lituuli lye babaandu b’Omukasya ta. Shili ni khuuba shiryo akhaba khukhwoola khu miboolo likhumi. 423.4: Bala 22.1-6Khulwekhuuba ni mwaba nga mwaama i Misiri, sibaabawa byeesi abe mwikoomba ta. Akhali baaloma Balaamu, umwaana uwa Beyori khukhwaama i Aramu, khuubatsuba inywe. 523.5: Bala 23.7—24.9Ne shonyene ndi, Umukasya Wele weenywe waalekha khurekeeresa bya Balaamu ta, waashuusa shitsubo isho shaabekelelamo inywe ikhabi. Khulwekhuuba Umukasya Wele weefwe abakana inywe naabi. 6Mu buulamu bweenywe bwoosi, mukhakholatsakakho ni nabo indakaano ta.

7“Mukhenyinyibala ba Edomu ta, khulwekhuuba bali baalebe beenywe. Mukhenyinyibala ba Misiri ta, khulwekhuuba mwamenya mu shibala shaabwe nga babeetswa. 8Kumuboolo kwaabwe kukuukhola khataru kunyala kwengila mu lituuli lye babaandu b’Omukasya.

Bunyaalu mu kaambi

9“Nga mwirekekha khuutsya khwibwakala baasiku beenywe, mukhewaambilakho mu bye bubwoonaki byoosi ta. 10Nga mutweela khu basaani be mu kaambi ali ni buulwaale bwe khuurura kameetsi mu shilo, ali ni khuurura mu kaambi atsye amenye ibulafu wayo. 11Ne angoloobe ali ni khukhwisiinga, uli inyaanga ikwa akobole mu kaambi.

12“Muli ni khuurawo shiifwo ibulafu we kaambi, isi muli ni khuutsya khukhwiyeetelamo. 13Muli ni khuutsya ni lusaala lweesi muli ni khuuyabila lilowo. Lwanyuma lwe khuumala khukhwiyeeta, muli ni khuubibiimbililakho. 14Muli ni khuumenya nga ikaambi yeenywe ili imiliwu naabi, khulwekhuuba Umukasya Wele weenywe akyeendamo. Nashiryo muli khuubona muri mbaawo shishimukhalasa waabaantsukhila baasiku beenywe ta, ikaambi yeenywe ili ni khuuba ikhosefu.

Kamakaambila kakaakhali matweela ta

15“Nga umukulwa waakhwilukhiile isi iwe, ukhamuwaanayo isi umukoosi weewe ta. 16Khayo amenye ni nanywe khukhwoolisa nga nakana, mu shiriimba shoosi sheesi arobora. Mukhamumiinikhilisa ta.

17“23.17: Lev 19.29Mbaawo umu Isiraeli umusaani namwe umukhasi uuli ni khuukhola kwe buheyani bwe khukhwisaaya ta. 18Mukhareera muntsu y’Omukasya, Wele weefwe, byeesi basaani namwe bakhasi babaakhola bye buheyani, mu lisaayilo bari ukholelakho shisuubiso ta. Umukasya Wele weefwe s’ashikana ta.

1923.19: Luky 22.25; Lev 25.36,37; Maka 15.7-11“Nga wekopisile wandaayo kamapeesa namwe biilyo, ukhamusaba uri akhuweelekho kamafuurisa ta. 20Babaandu babaandi munyala mwaabarusakho kamafuurisa, ne s’iili khu ba Isiraeli basheenywe ta. Nga mwaloondeleele shino, kane Umukasya Wele weefwe abawe tsikhabi.

2123.21: Bala 30.1-16; Mat 5.33“Nga waakholile shisuubiso isi Umukasya Wele weefwe, ukhakaalakaala khuushiwaanayo ta. Khulwekhuuba Umukasya Wele weenywe kane ashikhukanekho, naluundi kane ube ni kumusaango kwe shishoonako. 22Ne nga siwakholile shisuubiso ta, singane ubekho ni kumusaango ta. 23Buli sheesi uloma, uli ni khuubona uri ushikhola. Khulwekhuuba iwe wamweene ukhalilewo waakholela Umukasya Wele weefwe shisuubiso nga wiikanisa busa wamweene. 24Nga waatsiile mu mukuunda kw’owasho, unyala waalya kimizabibu kyoosi kyeesi ukana. Ne ukharakho mu shikono waasuta waayila ingo ta. 25Nga waatsiile mu mukuunda kw’owasho, unyala waabutila bikala mu mukhono n’ulya. Ne ukharaambisa kumubano khuukesa ta.”