Swahili Bible2

22

122.1: Luky 23.4,5Nga waaboone iwuunwa namwe lisheese ly’owashoowo lilikho litaangataanga busa, uli ni khuukiwaamba ukimuyilile. 2Nga umweene uwe shishaayo isho amenya aleeyi, namwe nga siwaamumanya ta, shiyile ingo woowo, ushiliinde khukhwoolesa n’ashiweentsa. Nga weetsile, muwe atsye ni nasho. 3Ikhaba nga waanyoolile isikilya iy’owashoowo, namwe shikwaaro sheewe, namwe shishiindu shoosi, n’ukhole isaambo niyo indweela. Ukhashilekha busa ta. 4Nga isikilya iy’owoosho namwe ikhaafu yeewe yaaremeleele khu ntsila, ukhabira busa ta. Muyeete ukinyuse khu ngaaki.

5Umukhasi akhakwaaratsaka bikwaaro bye basaani ta, namwe umusaani naye, akhakwaaratsaka bikwaaro bye bakhasi ta. Khulwekhuuba Umukasya Wele weefwe s’akana shino ta.

6Nga waanyoolile shiiswi she khanywiinywi khu kuusaala, namwe aasi busa, namwe aambi ni intsila, ne nga kha maawe khali khu maki, namwe khali ni kamaana, ukhawaamba maawe waasuta ni kamaana ta. 7Nga uyila kamaana, lekha kha maawe khatsye, nio byeesi iwe ukhola bikhutsiile buulayi, naluundi nio umenyewo buulamu buleeyi.

8Nga woombekha intsu imbya, uli ni khuurakho luweendo khu ndulo. Khulwekhuuba umuundu anyala waahanukha khukhwaama khu ngaaki waakwa, iwe waaba ni kumusaango.

922.9: Lev 19.19Ukhabyaala bikuuka bibili bye biilimwa mu mukuunda kwe kimizabibu mutweela ta. N’ukhola isho, kimizabibu ni byeesi ubyaalilemo kane bibe bye mbikho.

10Nga ulimisa kumukuunda, ukhabowa iwuunwa n’isikilya khwikyooki litweela ta.

11Ukhakwaara bikwaaro byeesi batuunga nga batubaasa bubwooya bwe kamasheese ni byeesi baamisa khu bisaala ta.

1222.12: Bala 15.37-41Khu kaantsu isi ukwaara, uli ni khuurakho buyeeye mu soonda tsyoosi tsine.

Kamakaambila kakawaamba khu bukhwaale

13“Umusaani n’ayila umukhasi wetubaasa ni naye, ne lwanyuma waaba nga siwamusiimile ta, 14ne waakendisa lisina lyeewe nga amukanikhakho tsilomo tsiimbi ari, ‘Umukhasi isi ise nayila, sinamunyoola nga ali indungubaasi ta.’

15“Paapa ni maayi b’omukhaana bali ni khuureera buukakafu khu shilibwa, isi baraangirisi be mu shiriimba, bubwookesanisa buri abe ali indungubaasi. 16Nio paapawe uw’omukhaana alomele baraangirisi ari, ‘Ise nawa yuno umwaana wase khuuba umukhasi weewe. Ne bona ari, s’amukana ta. 17Waamwoonakisiile lisina nga aloma ari, Ise sinanyoola umwaana weenywe nga ali indungubaasi ta.’ Abweenewo, basaali beewe bali ni khuubaayuulila ibweeni we baraangirisi be mu shiriimba boosi, shikwaaro shishookesanisa shiri abe ali indungubaasi. 18Baraangirisi bali ni khuuyila umusaani uyo bamuwe shitaambiso. 19Bali ni khuumuloma aliyile paapawe uw’omukhaana ikilo ndweela iy’efeetsa, khulwekhuuba umusaani uyo aba waakyeendisile khu mukhaana umu Isiraeli lisina liibi. Ali ni khuurama nga umukhasi weewe; ali ni khuurama ni naye buulamu bweewe bwoosi.

20“Ne siinga shiba shituufu, yaalekha khubawo bujulisi bubwookesanisa buri umukhaana uyo abe ali indungubaasi ta, 21bali ni khuumura mulyaango mwe ntsu ya paapaawe, basaani be mu shiriimba bamukhupe kamabaale bamwiire. Khulwekhuuba aba waakholile she kamaŋaanyu mu bakhaana ba Isiraeli, mu khukhola she buyeyani, nga ashiili mu ntsu ya paapaawe. Muli ni khuurusawo kumusaango kuno khukhwaama mu lituuli lyeenywe.

22“Ni banyoola umusaani nga alikho etubaasa n’umukhasi wo washe, beesi bawaambile boombi bali ni khukhwiiribwa. Muli ni khuurusawo kumusaango kuno khukhwaama mu lituuli lyeenywe.

23“Umusaani siinga anyoola mu shiriimba umukhaana nga ashiili indungubaasi, ne wetubaasa ni naye, 24muli ni khuubayila boombi khu shilibwa she shiriimba, mubakhupe kamabaale, mubeere. Khulwekhuuba umukhaana s’akuukuulile ta; n’umusaani aba woonakisile umukhasi uw’omuundu ukuundi. Muli ni khuurusawo kumusaango kuno khukhwaama mu lituuli lyeenywe.

25“Ne siinga iba nga umusaani anyoola busa umukhaana mu shifwo shishikhalimo babaandu ta, ne waamuwaamba ni kamaani, umusaani yenyene niye isi muli ni khukhwiira. 26Umukhaana mukhamukholakho shishiindu shoosi ta. Kumusaango ukwo kuli busa nga kw’omuundu uwibwakala weera uwashe. 27Khulwekhuuba umusaani uyo aba anyoola umukhaana uyo nga ali yenyene, abe akhaba nga akhupa liyoombo, abe mbaawo unyala waatima waamuyeeta ta.

2822.28: Luky 22.16,17“Umusaani n’akaana indungubaasi, nga mbaawo uwamuselela ta, ne waamuwaamba ni kamaani mu khuuba ni naye, lwanyuma shaamanyikhana, 29ali ni khuuliyila paapaawe w’omukhaana uyo aambi ikilo indweela iy’efeetsa, ali ni khuumuyila abe umukhasi weewe, khulwekhuuba waamwoonakisile. Ali ni khuuba umukhasi weewe buulamu bweewe bwoosi.

3022.30: Lev 18.8; 20.11; Maka 27.20“Umuundu s’anyala wawaamba umukhasi uwa paapaawe waamwikesa umukhasi uweewe ta. Awo aba wengiliile lukoosi lwa paapaawe.”