Swahili Bible2

19

Biriimba bye khuumulilamo

119.1: Yos 20.1-9Umukasya Wele weenywe anatimisa kamanaambo ako kakaali khu liloba lyeesi atsya khubawa inywe, katsye, inywe mutsye mumenye mu biriimba byaabwe ni mu ntsu tsyaabwe. 2Lwanyuma muli ni khuurawo biriimba bitaru, nga bili shinakari we liiloba lyeesi Umukasya Wele weefwe atsya khuubawa. 3Kabananisamo liiloba lyeesi Umukasya Wele weefwe atsya khubawa, mwombakhe kimikhoosi kikiitsya mu biriimba ibyo. Nio uyo yeesi uwiira uwasheewe, amulile ibweene iyo.

4Lino lili likaambila liliwaamba khu muundu uwiira uwashe, nga siwashikendeleele ta. Ali ni khuumulila ibweeneyo, nio awonese buulamu bweewe. 5Shinyala shaanyoolikhana nga umuundu waatsiile mu shisaali khuurema bisaala n’uwashe. Ne anyala waaba ari awuutsa iyaywa, yaatsunukha yaarema uwasheewe, waafwa. Umuundu umwiirire uyo, ali ni khuumulila mu biriimba ibyo, awonese buulamu bweewe. 6N’alekha khuukhola isho ta, abo babaakana khukhwilihaasa, banyala baamutimisa baamuwaamba baamwiira, ikhaba nga s’akeendeleele khukhwiira uwasheewe uyo ta. 7Shino nisho shishikila ise naabalakila ndi mwireerewo mwabeene biriimba bya buraawa bitaru.

8Umukasya Wele weefwe, anyala waabalaayisa liiloba lyeesi atsya khubawa, nga n’asuubisa bakuuka beenywe, ari akhaabawe inywe. 9Nashiryo inywe muli ni khukhwiroborerayo biriimba bibiindi bitaru. Niye akhaabawe inywe liiswa lino siinga inywe mukhola buli shiindu shoosi sheesi indi khuubalakila ano shaleelo, naluundi siinga muba nga mukana Wele Umukasya weenywe, mwaamenya nga muloondelela biilakilo byeewe. 10Ni mukhole shino, nio alekhe khubayo khuutsukha shifuki khu liloba lyeesi Umukasya Wele weefwe atsya khubawa ta, naluundi nio mulekhe khuba ni kumusaango kwe khukhwiira ta.

11Ne siinga umuundu aba waabiyila uwashe, waamwibuulila, waamukhupa waamwiira, ne waamulila mu biriimba ibyo, 12baraangirisi be mu shiriimba sheesi aamamo bali ni khuurumanisa babaandu bamukobose, bamuwaaneyo mu makhono kaabo babelihaasa, bamwiire. 13Mukhamuwaambila shiisa ta. Muli ni khuubona muri mu Isiraeli mbaawo uuba ni kumusaango kwe khuutsukha shifuki ta, nio munyalise khuumenya buulayi.

Lulwaakha lwe liiloba

1419.14: Maka 27.17Nga mwoolile khu liloba lyeesi Umukasya Wele weefwe atsya khubawa, mbaawo umuundu usyeenda kamasiintsi khu lwaakha ta. Kali ni khuurama nga ni kaaba.

Bibiwaamba khu bajulisi

1519.15: Bala 35.30; Maka 17.6; Mat 18.16; Yok 8.17; 2 Kor 13.1; 1 Tim 5.19; Heb 10.28Bujulisi bw’omuundu mutweela yenyene sibumala khuukhalila umuundu kumusaango ta. Buli ni khuuba bwe babaandu babili, namwe bataru.

16Siinga umuundu awayo bujulisi bwe bubeeyi khu washe, 17uwayilisa n’isi bawayilisa bali ni khuutsya, boombi beemikhe mu moni tsy’Omukasya, nga iliwo basaayi, ni baakayi babaakhola kumulimo ukwo. 18Baakayi bali ni khuuweentselesela ilala buulayi bubweene. Siinga umujulisi anyoolikhana nga umubeeyi, alikho akhupa uwashe busa liiyino, 19muli ni khuumukholakho abe sheesi atsililiile khuukhola khu washe. Muli ni khuubona muri mwirusakho kumusaango ukwo. 20Babaandu babaaramire nga baawuliile ilomo iyo, kane babe ni khuurya khuukali, nio lwanyuma ilekhe khubawo shishiindu nga isho mus’iinywe luundi ta. 2119.21: Luky 21.23-25; Lev 24.19,20; Mat 5.38Mukhookesanisa shiisa ta: uwiira uwashe, bali ni khuumwiira; urusamo uwashe imoni, naye bamurusamo imoni; ufuna uwashe liliino, bali ni khuumufuna liliino; utaanyakho uwashe kumukhono, bamutaanyakho kumukhono; urema uwashe shikele, bamuremakho shikele.