Swahili Bible2

18

Byeesi babaandu bali ni khuuwa basaayi

1Basaayi, nga nibo ba Levi, ni khuyilila atweela shikuuka she ba Levi shoosi, sibalikho ni kumukabo namwe buusikha mu Isiraeli mwoositsana ta. Bali ni khufuna khukhwaama khu saayilo tsyeesi bawaanayo isi Umukasya. 218.2: Bala 18.20Nibo sibali ni khuuba ni she buusikha mu Isiraeli ta; khulwekhuuba nga Umukasya umweene n’aloma, niye ali she buusikha bwaabwe.

3Abo babawaanayo isi Umukasya isaayilo iye iwuunwa namwe lisheese, bali ni khuuwa basaayi bino: shikele sh’ebweeni, tsisaya ni byeenda. 4Khukhwaama mu likesa lyeenywe, muli ni khuubawa khu byeesi mukyesile, ni khukhwaama khu viini imbya, ni khukhwaama khu bwooya bweesi mubeka khu masheese keenywe. 5Khulwekhuuba khukhwaama mu bikuuka bye ba Isiraeli boosi, Umukasya waabarobora nibo khuuba babaakanisi mu lisina lyeewe.

6Umu Levi n’aba bari waawuuyile khukhwaama mu shiriimba shishiindi mweesi amenya, ne weetsa mu mwoyo kumulayi khuumenya mu shifwo sheesi Umukasya aba waaroboore, 7ali ni khuuba umwakaanisi mu lisina ly’Omukasya, Wele weefwe, nga ba Levi baashe ni bakhola. 8Naye ali ni khuufuna kumukabo nga baashe ni bafuna, ikhaba bari waafuna kamapeesa khukhwaama mu khukulisa byeesi aba ni nabyo.

Musa areewula babaandu

9Nga mwengiile khu liloba lyeesi Umukasya Wele weefwe atsya khubawa, mukheyika khuukhola bibiindu biibi byeesi kamanaambo kakaandi kakhola ta. 1018.10 a Lev 19.26; b: Luky 22.18Ikhabawo mus’iinywe umuundu uwaanayo umwaana weewe nga isaayilo ta, namwe waakhola buulosi, namwe buubini ta, 1118.11: Lev 19.31namwe waalakula, namwe waatsya mu khwireeba khu misaambwa ta. 12Umukasya alikho atimisa kamanaambo kakaandi khukhwaama mu liloba ilyo, khulwe bikholwa biibi; nashiryo umuundu yeesi ukhola shishiindu isho, aba waakholile sh’embikho isi Umukasya. 1318.13: Mat 5.48Muli ni khuuba babeyikinwa isi Umukasya.

Umuŋoosi ufwaana nga Musa

14Kamanaambo keesi mukana khutimisa katsye, karaambisa babaalakula ni khukhwireeba khu bisaambwa. Ne inywe, Umukasya Wele weefwe s’abafukiilila mwaakhola isho ta. 1518.15: Bur 3.22; 7.37Umukasya Wele weefwe umweene kane abarobolele umuŋoosi uuli nga ise, khukhwaama mu mwabeene. Muli ni khuurekeeresa byeesi ababoolela. 16Khulwekhuuba nga mwabuusanila isi Umukasya Wele weefwe aasi e lukiingi Horebu, isyo nisyo sheesi mwaloomba, nga muloma muri, “Ni khuwulila likono ly’Omukasya, Wele weefwe, khunyala khwaafwa.”

17Umukasya waanomela ari, “Sheesi balomile shili shaŋali. 18Kane ise imbaroborere umuŋoosi uuli nga iwe khukhwaama mu lituuli lyaabwe lilyeene. Kane ise imuleekele byeesi ali ni khuubaboolela, nio ababoolele buli shishiindu sheesi ise kane imulakile niye. 1918.19: Bur 3.23Umuundu yeesi n’alekha khureekelesa byeesi umuŋoosi uyo ababoolela mu lisina lyase, ikhaamuwe shitaambiso. 20Ne umuŋoosi uwikholisa busa ari ali khuukanikha mu lisina lyase, waakanikha byeesi ise ikhamulomeele khuukanikha ta, namwe waakanikha mu lisina lye ba wele babaandi, uyo ali ni khukhwiiribwa.”

21Munyala mwereeba muri, “Ne kane khumanye khuryeena, oba buurume bwaamile isi Umukasya, namwe ta?” 22Singa sheesi umuŋoosi akanikha mu lisina ly’Omukasya shilekha khukholikha, namwe shaaba nga n’ashilomile ta, buurume ubwo buba sibwaamile isi Umukasya ta. Umuŋoosi uyo aba wekholisile busa, mukhenaanayo khu burume ubwo ta.