Swahili Bible2

16

Kamayiiya ke Khuubirakho

(She Lukyeendo 12.1-20; Ba Levi 23.4-8)

116.1: Luky 12.1-20; Lev 23.5-8; Bala 28.16-25Musa waalomela babaandu ari, “Mu mweesi kukulaangibwa Abibu, muli ni khuulya kamayiiya ke Khuubirakho, kamayiiya k’Omukasya, Wele weefwe. Khulwekhuuba mu mweesi kwa Abibu, Umukasya Wele weefwe, aakhumusa ifwe khukhwaama mu Misiri, mu shilo. 2Isaayilo iye Khuubirakho ili ni khuuba ikhaafu, namwe lisheese, namwe imbusi, isi muli ni khuuwaanilayo mu shifwo sheesi Umukasya aarobora ari bamwisaayilemo. 3Khu nyama iyo, mukhaliilakho kimikaati kikiilimo kamamela ta. Muli ni khuumala biifukhu musaafu nga mulya kimikaati kikikhalimo kamamela ta, khukhwookesanisa kumutaambo. Khulwekhuuba mwarura mu Misiri mu khaangu. Shino kane shibashebusatsake inywe mu buulamu bweenywe bwoosi, shifukhu sheesi mwaruriramo mu Misiri. 4Khuumala biifukhu musaafu, mbaawo uwaamba khu mamela, namwe waakabiikha mu ntsu yeewe ta. Muli ni khuulya inyama iye isaayilo iyo, mukimalewo mu shilo isho; mbaawo khuukibiikhakho khukhwoolisa kumutikhinyi ta.

5“Mbaawo khuuwaanilayo isaayilo iye Khuubirakho, mu shiriimba shoosi sheesi munyoolile ta. 6Ili ni khuuwaanibwila mu shifwo sheesi Umukasya umweene aarobora, ari bamwisaayilemo. Muli ni khukhwiira shishaayo isho angoloobe nga inyaanga ikwa, khu mbuka isi mwaruriramo mu Misiri. 7Muli ni khuukiteekha mukiliile abweene awo, mu shifwo sheesi Umukasya aroboore ari bamwisaayilemo. Kumutikhinyi muli ni khukhwiilayo mu tsiingo tsyeenywe. 8Muli ni khuulya kimikaati kikikhalimo kamamela ta, khuumala biifukhu bisesaba. Khu shifukhu she kumusaafu, ili ni khuubawo lubusano lukhosefu, isi Umukasya Wele weefwe. Mbaawo khuukhola buraambi bwoosi khu shifukhu she kumusaafu ta.”

Kamayiiya ke Likesa

(She Lukyeendo 34.22; Ba Levi 23.15-21)

916.9: Lev 23.15-21; Bala 28.26-31Musa waaloma ari, “Muli ni khuubala tsisaabiiti musaafu, khuurakikhila khu shifukhu sheesi murakikhirakho khuukesa biilimwa byeenywe mu mikuunda. 10Nio lwanyuma mulye kamayiiya ke Likesa, khulw’Omukasya, Wele weefwe. Abweene awo, muli ni khuuwaanayo, nga buli mutweela ekanisa busa, khuuloondekhana ni byeesi Umukasya Wele weefwe aba waabaweele. 11Inywe mwabeene, atweela ni babaana beenywe, ni baraambi beenywe, muli ni khukhwikhoyela ibweeni w’Omukasya, Wele weefwe. Muli ni khukhwikhoyela atweela ni ba Levi babaali mu biriimba byeenywe, ni bakeni, ni baafuubi, ni banamulekhwa, beesi mumenya ni nabo. Bino bili ni khuuba mu shifwo sheesi Umukasya Wele weefwe umweene aroboore ari bamwisaayilemo. 12Muli ni khuushebulila muri inywe mwaba baakulwa mu Misiri; ni nashiryo muli ni khuuloondelela kamakaambila kano.”

Kamayiiya ke Kamasari

(Ba Levi 23.33-43; Khuubala 29.12-38)

1316.13: Lev 23.33-36,39-43; Bala 29.12-38Musa waaloma luundi ari, “Nga mwaamalile likesa lye bilimwa byeenywe ni kimizabibu kyeenywe, muli ni khuulya kamayiiya ke kamasari khuumala biifukhu musaafu. 14Khu mayiiya kano, muli ni khuukalya ni babaana beenywe, ni baraambi beenywe, ni ba Levi, ni bakeni, ni baafuubi, ni banamulekhwa, babaali mu biriimba byeenywe. 15Muli ni khuulya kamayiiya kano khuumala biifukhu musaafu; nga mukaliila mu shifwo sheesi Umukasya Wele weefwe aroboore. Khulwekhuuba Umukasya Wele weefwe, kane abawe tsikhabi mu byeesi mulima byoosi ni byeesi mukhola, nio akile mube ni kumwikhoyo kumukali.

16“Basaani bali ni khuutsya mu moni tsy’Omukasya kimiluundi kitaru, buli kumwiiko: Khu Mayiya ke Khuubirakho, Khu Mayiya ke Likesa, ni Khu Mayiya ke kamasari. Mbaawo uwiitsa isi Umukasya mukhono busa ta. 17Buli mutweela ali ni khuureera biwaanwa, khuuloondekhana ni nebyo byeesi Umukasya, aba waamuweele.

Baakayi

18“Roborayo baakayi mubare mu buli shiriimba sheesi Umukasya Wele weefwe atsya khubawa inywe. Bali ni khuukaya kimisaango nga beemikha khu bwaŋali. 1916.19: Luky 23.6-8; Lev 19.15Mbaawo khuufwofwaayisa kumusaango, namwe khukhwikhupila luubeka luutweela ta. Mbaawo khukhwakaanila iwoongo ta, khulwekhuuba iwoongo imaliyisa tsimoni, naluundi yaashuusaŋana byaŋali. 20Loondelela bwaŋali, naluundi bwaŋali bwonyene, nio akile mumenye imbuka ndeeyi khu liloba lyeesi Umukasya Wele weenywe atsya khubawa.

Khukhwisaaya ba wele babaandi

2116.21: Luky 34.13“Mukharawo kusiindi kwoosi kukufwaanana nga ku Ashera kweesi besaayilakho wele umukhasi, aambi ni shisheeso sheesi mutsya khukholela Umukasya Wele weefwe ta. 2216.22: Lev 26.1Mukharawo libaale muri likhosefu lye khukhwisaaya ta, khulwekhuuba Umukasya Wele weefwe s’akana isho ta.”