Swahili Bible2

14

Mukhaba ni kumutaambo nga kamanaambo kakaandi ta

114.1: Lev 19.28; 21.5Musa waalomela babaandu ari, “Inywe muli babaana b’Omukasya, Wele weenywe. Nashiryo nga mulila baafu, mukhekhalaka kimibano, namwe mukhabeka bubweeni ta. 214.2: Luky 19.5,6; Maka 4.20; 7.6; 26.18; Tito 2.14; 1 Pet 2.9Khulwekhuuba, khukhwaama mu baandu be shibala shoosi, Umukasya Wele weenywe, wabaroboore inywe khuuba babaandu babaali babeewe umweene.”

Bisolo bibiinyala byaaliibwa

(Ba Levi 11.1-47)

3Musa waaloma luundi ari, “Mukhalyatsaka inyama iye solo iye imbikho ta. 4Bisolo bino nibyo byeesi munyala mwaalya: Tsikhaafu, kamasheese, tsimbusi, 5ni tsisolo tse mwirome tsoosi tsitsiili nga tsikhisi. 6Munyala mwalya bisolo ibyo, bibiili ni bibutusi nga byayawukhanamo khabili, naluundi nga binyaanya ikhaamuula. 7Ne mukhalya tsiŋamiya, ni butuuyu, ni wanakhamuuna ta. Ikhaba nga bisolo bino binyaanya ikhamuula, ne bibutusi sibyayawukhanamo ta. Muli ni khuubiyila nga bisolo bibiili bye mbikho. 8Mukhalyatsaka inyama iye mbiitsi ta. Ikhaba nga shibutusi she mbiitsi shaayawukhanamo khabili, niyo shiinyaanya ikhaamuulo ta. Ikhaba khukhwitiilakho busa, mukhetiila khu nyama iye mbiitsi ta.

9“Khu biindu bibinyoolikhana mu meetsi, munyala khuulya bino: Tsinyeeni tsitsiilikho biipapariro, ni bikhakayu byeesi baharakarana, 10ne ibyo bibiikhalikho biipapariro, ni bikhakayu byeesi baharakarana ta, mukhalya ta. Mubiyila nga bye mbikho.

11“Munyala mwaalya binywiinywi byoosi bibikhali bye mbikho ta. 12Ne mukhalya bino ta: Ikhosi, ingosya, tsalukilo, 13kisilili, ni binywiinywi bibifwaana biryo, 14khoolo, ni binywiinywi bibifwaana biryo, 15inyoofwe, kharutsu, ni bibiindi bibifwaana biryo; 16sikhiikhi, kimitubi, 17kiminywiinywi kye mu meetsi kikifwaanana nga tsimbaata, 18likhuuyi, nalukosi14.18 Nalukosi: Alala nalukosi alaangibwa ari nakaaka, ni bibifwaana biryo; ni kamawurukuru nako. 19Biwuukha bibiilikho tsindaha byoosi, bili bye mbikho, mukhabilya ta. 20Ne akhali indi munyala mwaalya bitweela khu biindu bibipururukha, ne nga bilikho tsindaha, nga nibyo: tsiisike, tsinyeentse, ni kamateete.

2114.21: Luky 23.19; 34.26“Inywe muli babaandu b’Omukasya Wele weenywe. Nashiryo, mukhalya inyama iye shishaayo sheesi munyoola nga shaafwiile shonyene busa ta. Munyala mwaawa babeetswa namwe banaambo, babaamenya mu biriimba byeenywe.

“Mukhawaamba imeeme, mwaakiteekha nga mukitutubisila mu mabeele keesi mukhamile mu maawe ta.”

Shitweela she likhumi she likyesa

2214.22: Lev 27.30-33; Bala 18.21Musa weloosela waaloma ari, “Buli kumwiiko, muli ni khuurusakho musaambo iya buraawa, shitweela she likhumi khu byeesi ukyesa khukhwaama mu mikuunda kyoowo. 23Ikhaba khukhwaama khu mizabibu, ni kimi oliva, nabyo rusakho shitweela she likhumi; shiikiboole she ikhaafu, lisheese, n’imbusi, ubiwaaneyo. Bino biyile mu shifwo mweesi Umukasya Wele weenywe, amalile khuurobora khuumwisaayilamo, mubiliile ibweene iyo. Shino kane shibalekele inywe shiri, busheele muli ni khukhwisamo Umukasya Wele weenywe lukoosi.

24“Ne shifwo isho ni shiba nga shili aleeyi, nga s’unyala khuusuta shitweela she likhumi she likesa lyoowo waashiyilayo ta, ne nga Umukasya waakhuweele iwe likesa liikali, 25kulisa bibiindu ibyo, uwaambe kamapeesa ako, ukayile mu shifwo sheesi mwisaayilamo Umukasya Wele weenywe. 26Nga iwe ni be muungo mwoowo mwolileyo, raambisa kamapeesa ako khu mayiiya kakaaliyo. Mukule tsikhaafu, tsimbusi, iviini, ni bye khuunywa bibiindi, ni khukula bye khuulya bibiindi bibikanibwa. 27Muli ni khuubona muri, khukhwaama ni mushiimenya mu liloba ilyo, mukhebilila ba Levi ta. Khulwekhuuba nibo sibaafuna kumukabo namwe buusikha nga inywe ni mwafuna ta.

28“Lwanyuma lwa buli kimiiko kitaru, mu shifwo she khuuraambisa shitweela she likhumi mu khukhola kamayiiya, biyile mu shiriimba, mubire mu libiikhilo lya atweela. 29Ba Levi sibali ni kimikuunda khu bwaabwe ta. Nashiryo muli ni khuubakabila khu byeene ibyo. Muli ni khuukabilakho bataambi babaamenya mu shiriimba umwo, ni baafuubi, banamulekhwa, ni babeetswa. Ni baba nga bali ni biilyo bibibamala, isho kane shikhoyese Umukasya Wele weenywe, nio naye aryo, abawe inywe tsikhabi, mu buli byeesi mukhola.