Swahili Bible2

12

Shiifwo shitweela shonyene she khukhwisaayilamo

1Musa weloosela khuukanikha isi ba Isiraeli, nga aloma ari, “Bino nibyo biilakilo ni indeekela byeesi muli ni khuuloondelela, nga ni mumenya khu liloba lyeesi Umukasya Wele uwe bakuuka beenywe atsya khubawa inywe. Muli ni khuubiloondelela mu buulamu bweenywe bwoosi, bwe khu shibala khuno. 2Ne babaandu babaamenya mu liloba ilyo, besaaya ba wele babaandi busa. Nashiryo, nga mwaamalile khuuwaamba liiloba ilyo, muli ni khukhwoonakisila ilala bifwo byaabwe bye khukhwisaayilamo ba wele bano. Biifwo bino bili khu ngiingi, ni mu biiniini bye kimisaala kimiboofu. 312.3: Maka 7.5Buli aandu oosi isi kamanaambo kano kesaayila ba wele baabwe, muli ni khuubyoonakisa. Muli ni khuufuniaaka bibyeeso byaabwe, kamabaale keesi besaaya, mwooshe kimisiindi kyeesi baraambisa khukhwisaaya wele umukhasi Ashera, naluundi muminiangule bifwaani byaabwe. Muli ni khukhwoonakisila ilala biifwo bye khukhwisaayilamo bino, ilekhe khubayo n’umuundu na mutweela ukhebulila ari byabatsakawo ta.

4“Mukhakhakakho mwesaaya Umukasya Wele weenywe musaambo iyo ta. 5Ne akhali muli ni khuuweentsa shiifwo sheesi Umukasya Wele weenywe kane arobore khukhwaama mu bikuuka byeenywe, ari niyo isi muli ni khuumwisaayila, naluundi isi amenya. Muli ni khuunyoola shifwo isho, mutsye mumwisaayile ibweene iyo. 6Ibweeneyo niyo isi muli ni khuuwaanilayo isi Umukasya bibiindu bino: Biwaanwa bibyooshe, tsisaayilo, shisiintsa shitweela khu bye likhumi bye bibiindu byeenywe, byeesi mwabeene muwaanayo busa khu bweenywe, byeesi muwaanayo khulwekhuuba mwaayiyama, biwaanwa bye shishaayo shiikiboole khukhwaama mu khaafu namwe mu masheese. 7Ibweene iyo, mukhaaliile biilyo ibweeni we shisheeso sh’Omukasya, Wele weenywe, mwikhoye naabi. Muli ni khuukhola shino, inywe mwabeene, atweela ni babaana beenywe, ni beesi mumenya ni nabo boosi. 8Mukhakhola nga ni muli khuukhola anariha ta, isi buli mutweela akhola sheesi umweene akana busa ta. 9Khulwekhuuba mushiili khukhwoola khu busikha ni mu khuuwola khweesi Umukasya Wele weenywe atsya khubawa inywe ta. 10Ne imbuka ikhoole mwaambukhe luluutsi Yorudaani, mutsye khuumenya khu liloba lyeesi Umukasya Wele weenywe atsya khubawa inywe nga she buusikha, naluundi alibarusakho inywe baasiku boosi, nio munyalise khuumenya mu lukoosi. 11Nio ibweene iyo, mu shifwo sheesi Umukasya Wele weenywe alirobora ari umweene amenyemo, iyo niyo isi muliyila biwaanwa bya buli isaambo byeesi imbalakiile. Bino bilimo: Biwaanwa bibyooshe, ni biwaanwa bibiindi, shitweela khu she likhumi, biwaanwa byeenywe byeesi mwasuubisa, nga byoosi mubiwaanayo isi Umukasya. 12Nga muli mu shifwo she khukhwisaayilamo Umukasya, muli ni khukhwookesanisa kumwikhoyo kumukali naabi, isi Umukasya Wele weenywe. Inywe mwabeene, babaana beenywe, ni baraambi beenywe. Ikhaba ba Levi babaamenya mu biriimba byeenywe, nabo bali ni khuubetubaasakho, khulwekhuuba nibo sibali ni kumukabo musinywe ta. 13Muli ni khukhwitsiliilisa, mubone muri mbaawo khuuwaanayo isaayilo intsoshe buli oosi isi munyoolile ta. 14Muli ni khuukholela shino mu shifwo sheesi Umukasya kane abe waaroboore khukhwaama khu shitweela khu bikuuka byeenywe. Ibweene iyo niyo isi mukhaawaanileyo biwaanwa byeenywe bibyooshe, naluundi iyo niyo isi mukhaakholele ibyo byoosi byeesi ise imbalakiile inywe khuukhola.

15“Ne isho seshibalobela khuulya tsinyama, nga muli mu biriimba byeenywe kimiluundi kyoosi kyeesi mukana ta. Mukhola shino khuuloondekhana ni tsinyama tsyeesi Umukasya kane abe nga waabaweele inywe. Ikhaba abo babaakhali bapyeeluse ta, nabo banyala khuulya khu nyama itsyo, oba tsili tse bibyaayo namwe tsye tsisolo tse mwirome. 1612.16: Rak 9.4; Lev 7.26,27; 17.10-14; 19.26; Maka 15.23Ne ndi shonyene ndi, mukhalya kamalasile ta. Ako muli ni khuukatsukha aasi khu liloba, nga babaatsukha kameetsi. 17Shitweela she likhumi sheenywe sheesi muwaanayo, mukhashiliila muungo tsyeenywe ta. Ikhaba biwaanwa bye bilimwa, n’iviini, ni kamafura ke tsinyanyi, ni biwaanwa bye bibyaayo biikiboole, namwe byeesi muwaanayo mwabeene busa, namwe byeesi mwikanisa busa mwawaanayo, namwe ikhaba ibyo byeesi muyila mwaakaanisayo ta. 18Akhali mubiliila mu shifwo sheesi Umukasya Wele weenywe kane abe waamalile khuurobora. Muli ni khuubilya, inywe mwabeene, atweela ni babaana beenywe, ni baraambi beenywe, ni ba Levi babaamenya mu biriimba byeenywe. Muli ni khukhwikhoya khulw’Omukasya, Wele weenywe, mu buli shiindu sheesi mukhola. 19Muli ni khuubona muri, khukhwaama ni mushiimenya mu liloba ilyo, mukhebilila ba Levi ta.

20“Umukasya Wele weenywe, waasuubisile ari lwanyuma lwayo, akhaabalaayise liiloba lyeesi abaweele inywe. Ne nga waamalile khuubalaayisa liloba lyeenywe, ne mwewulila muri mukana khulya tsinyama, ni mulye tsingali tsinyene nga ni mukana. 21Ne noola shiifwo sheesi Umukasya Wele weenywe kane arobore ari she khuumwisaayilamo shili aleeyi naabi khukhwaama isi ulikho amenya, munyala mwerira bibyaayo mu biriimba byeenywe, mwaalya mwekura tsinyama tsingali tsinyene nga ni mukana, nga ise n’imbalakiile. 22Shili shitweela busa nga khuulya inyama iye khasolo khe mwirome kheesi mwirire. Ni musaambo niyo ndweela, baapyeluuse ni bakhali baapyeluuse ta, boosi banyala baakilya. 2312.23: Lev 17.10-14Akhali muli ni khukhwitsiliilisa, mubone muri simulya kamalasile ta, khulwekhuuba buulamu bwe shishaayo buli mu malasile kaasho. Nashiryo simulya buulamu bwasho, atweela n’inyama yasho ta. 24Kamalasile muli ni khuukatsukha khu liloba, nga babaatsukha kameetsi. 25Nga mwaloondeleele likaambila lye khuulekha khulya kamalasile ta, naluundi nga mwaakholile byeesi Umukasya abalakila khuukhola, inywe ni babaana beenywe kane mumenye imbuka indeeyi khu liloba ilyo.

26“Ne bibiindu bikhosefu bibiili ni khukhwaama musiinywe khuutsya isi Umukasya, ni biwaanwa byeesi mwewaanayo khukhwakaanisa, muli ni khuubiwaamba mubiyile mu shifwo sheesi Umukasya akhaarobore. 27Ibyo, atweela ni biwaanwa bye khukhwoosha, ni tsinyama, ni kamalasile, muli ni khuubiwaanayo khu sheeso sh’Omukasya, Wele weenywe. Kamalasile ke tsisaayilo tsyeenywe kali ni khuutsukhibwa khu sheeso sh’Omukasya, Wele weenywe. Ne tsinyama itsyo, munyala khuutsilya.

28“Muli ni khuubona muri kamakaambila keesi imbawa lwe shaleelo, muli ni khuukaloondelela, naluundi muli ni khuukhola bibiindu biilayi, bibisangaasa Umukasya Wele weenywe, nio akile inywe ni babaana beenywe mumenye buulamu buulayi, biilo ni biilo.”

Yisaaya Umukasya musaambo iyaakhila

29Musa weloosela waaloma ari, “Umukasya Wele weenywe, kane asoolanise awule kamanaambo kakaali khu liloba lyeesi mutsyamo, naluundi inywe kane muwaambe liloba lyaabwe lyoosi. 30Ne muli ni khukhwitsiliilisa, mubone muri nga Umukasya waamalile khukhwoonakisa babaandu bano, inywe simuloondelela tsisaambo tsaabwe ta. Mukhaweentselesa isaambo isi besaayatsakamo ba wele baabwe, nga nanywe mukana mubesaaye ta. 31Mukhakhola khu Mukasya Wele weenywe, shishiindu shishifwaana nga isho ta. Khulwekhuuba buli shiindu sheesi Umukasya akhakanilakho ilala ta, nibo bashikholela ba wele baabwe, ni khukhwoolisa khukhwoosha babaana baabwe, nga biwaanwa isi ba wele baabwe.

3212.32: Maka 4.2; Bimb 22.18,19“Muli ni khuuloondelela kamakaambila n’indeekela yoosi isi ise imbaweele. Mukhalooselakho, namwe mukharusakho shishiindu shoosi ta.”