Swahili Bible2

11

Umukasya akhola bibiindu bye kamaani

1Musa weloosela waaloma ari, “Nashiryo, busheele muli ni khuukanaatsaka Umukasya Wele weenywe, muloondelele byeesi ababoolela, nga nibyo indeekela, biilakilo, ni kamakaambila keewe. 2Lwe shaleelo, muli ni khuushebulila ibyo byeesi mweyika khukhwaama isi Umukasya Wele weenywe, nga mulimo khukhwookesana kamaani, ni khuuraambisa bibiyaangisa. Inywe mwabeene nibo mumwabona bibiindu bino, shiili bari babaana beenywe ta. 311.3: Luky 7.8—12.13Inywe mwabona bye kamakaanga byeesi niye aakhola khu Faraawo, umuyiinga uwa Misiri, ni khu ba Misiri boosi. 411.4: Luky 14.28Ikhaba byeesi aakhola khu liiye lye ba Misiri, nga n’onakisa tsiŋwaaŋwa tsaabwe ni kamakaali kaabwe, nga n’alekhuula kameetsi ke mu Inyaantsa Imbesemu kaabamila nga abe balikho babaloonda khusiinywe. Ni khukhwoolisa shifukhu she shaleelo, inywe mwabeene mushebulila ibyo byeesi Umukasya aakhola. 5Mushebulila ni n’ebyo byeesi aabakholela inywe nga muli mu mubiimbi, khukhwoolisa ni mweetsa mwoola ano. 611.6: Bala 16.31,32Mwabona sheesi Umukasya aakhola khu Dasani ni Abiramu, babaana ba Eliyabu, uwe mu shikuuka sha Rewubeni. Nga ni aakhola liloba lyaabayuukha, lyaabamila nibo ni be muungo tsaabwe, ni tsiintsu tsyaabwe, ni byeesi baaba ni nabyo byoosi, nga ba Isiraeli boosi baboone. 7Inywe mwabeene mwabona ni tsimoni tsyeenywe, nga Umukasya araambisa kamaani keewe khuukhola bibiindu bino byoosi.”

8Musa weloosela waaloma ari, “Bona muli aambi khuukhalisa luluutsi Yorudaani. Ni muloondelela kamakaambila keesi indikho imbawa inywe shaleelo, kane mube ni kamaani kakaabamala khuuwaamba liiloba ilyo, 9lyeesi Umukasya aalomela khuuwa ba kuuka beenywe, ari kane awe lisaaye lyaabwe, nga nibo inywe. Lili liiloba liilayi naabi, lilyaama biilyo biikali, naluundi kane mulimenyemo imbuka ndeeyi. 10Khulwekhuuba liiloba lyeesi mutsya khuwaamba lili liilayi, silili nga liloba lye mu Misiri abe isi mumenya ta. Lye mu Misiri abe mutaambisibwa ni khuutsukhilila ikhaba tsinyanyi, nio tsitsowe. 11Liiloba lyeesi mutsya khuwaamba lili lye mu ngiingi ni mu matila, nga nilyo lili ni kameetsi khukhwaama khu fula, 12khulwekhuuba Umukasya Wele weenywe, enaanayo naabi khu liloba ilyo, khukhwaama nga kumwiiko ni kunanikha, khukhwoolisa ni kwaakama.

1311.13: Lev 26.3-5; Maka 7.12-16; 28.1-14“Ni kane muloondelele kamakaambila k’Omukasya keesi ise ndikho imbawa inywe lwe shaleelo, naluundi ni kane mumukane naabi ni kimyoyo kyeenywe kyoosi, ni buulamu bweenywe bwoosi, 14Umukasya kane abawe inywe ifula mu mbuka inyene iye khuulima biilyo, nio akile mube ni nabyo mu bukali, nga mulimo kimizabibu, ni kimi olivu. 15Naluundi akhaabawe inywe kamaayilwe kamalayi ke bibyaayo byeenywe, naluundi mube ni biilyo biikali. 16Muli ni khukhwitsiliilisa mubone muri kimyoyo kyeenywe sikikhoongelesebwa, mwaarura khu Mukasya, mwesaaya ba wele babaandi ta. 17Ni mukhola isho, Umukasya kane abawaambile lirima, akamise ifula ilekhe khukhupa ta. Shino kane shikile mutaambe biilyo, mufwe muwewo khu liloba lyeesi Umukasya alikho atsya khubawa inywe.

1811.18: Maka 6.6-9“Nashiryo, mu myoyo kyeenywe ni buulamu bweenywe, muli ni khuushebulilatsaka kamakaambila k’Omukasya. Mukarone, mukabowe khu makhono keenywe, ni mubweeni bweenywe, nio munyalise khuukashebulila. 19Muli ni khuuleekela babaana beenywe kamakaambila kano, buli oosi isi muli, nga muli ingo, mukyeenda khu ntsila, angoloobe ni kumutikhinyi.

Khuukhalawo ikhabi namwe shitsubo

26“Lwe shaleelo muli ni khuukhalawo: Mukana Umukasya abawe ikhabi, namwe abawe shitsubo? 27Nga mwaloondeleele kamakaambila k’Omukasya keesi indikho mbawa shaleelo, kane Umukasya abawe inywe ikhabi. 28Ne ni mulekha khuuloondelela kamakaambila k’Omukasya, Wele weenywe, keesi indikho mbawa lwe shaleelo, mwaatsya mwesaaya ba wele babaandi busa, kane abarekho shitsubo. 2911.29: Maka 27.11-14; Yos 8.33-35Ne lwanyuma nga Umukasya Wele weenywe waabayilile waabaweele liiloba lyeesi mutsya khuwaamba, muli ni khuuniina khu lukiingi Gerizimu, mukuukuule isaambo isi Umukasya kane abawe tsikhabi, naluundi mukuukuulile khu Lukiingi Ebali, isaambo isi Umukasya kane abawe bitsubo. 30Mwaamanya muri tsingiingi tsiibili tsino tsili ibukwanyaanga we Luluutsi Yorudaani, mu liloba liliilimo naluundi liliwulibwa ni ba Kanani, babaamenya mu litila lye Yorudaani. Tsingiingi tsino tsili ibwamanyaanga we lukuuto, aambi ni kimisaala kye khukhwisaayilamo, i More shangelekha wa Gilugaali.

31“Muli aambi khuukhalisa luluutsi Yorudaani, mutsye muwaambe liiloba lyeesi Umukasya Wele weenywe abaweele inywe. Nga mwaamalile khukhwiyombakha ibweene iyo, 32muli ni khukhwitsiliilisa mubone muri muloondelela bilakilo ni kamakaambila keewe, keesi ise ndikho imbawa inywe, lwe shaleelo.”